ડ્રગ્સનો દરિયો / ઈન્ડિયન કોસ્ટગાર્ડ અને ગુજરાત ATSનું સંયુક્ત ઓપરેશન, જખૌના દરિયાકિનારેથી 400 કરોડનું ડ્રગ્સ ઝડપી પાડ્યું 

• ગુજરાતના દરિયાકાંઠેથી ફરી ઝડપાયું ડ્રગ્સ
• જખૌના દરિયાકિનારેથી 400 કરોડનું ડ્રગ્સ ઝડપાયું
• 77 કિલો હેરોઈન સાથે 6 પાકિસ્તાનીઓની ધરપકડ

કચ્છમાં જખૌના દરિયાકિનારેથી 400 કરોડનું હેરોઈન ઝડપાયું, કોસ્ટગાર્ડ અને ATSએ સંયુક્ત ઓપરેશન હાથ ધરી 77 કિલો હેરોઈન સાથે પાકિસ્તાની બોટ ઝડપી. બોટમાંથી 6 પાકિસ્તાની પણ ઝડપાયા. 

ગુજરાતના દરિયાકાંઠેથી ફરી ઝડપાયું ડ્રગ્સ

ઘણા મહિનાથી ગુજરાત જાણે ડ્રગ્સ માટે ગેટ વે બની રહ્યું હોય તેવી પરિસ્થિતિ સર્જાઇ છે. રાજ્યમાં એક બાદ એક ડ્રગ્સનાં જથ્થા ઝડયાવાના મામલા વધતાં જઈ રહ્યા છે. ખાસ કરીને રાજસ્થાન બોર્ડર અને ગુજરાતનાં દરિયા કિનારાનો ડ્રગ્સની હેરફેરી માટે ઉપયોગ કરવામાં આવે છે. આ પહેલા દેવ ભૂમિ દ્વારકામાંથી પણ મોટા પ્રમાણમાં ડ્રગ્સનો જથ્થો પકડાયો હતો. ત્યારે ગુજરાતમાં કચ્છના દરિયા કિનારેથી ફરી હેરોઈન ઝડપાયતા ખળભળાટ મચી ગયો છે. 

Indian Coast Guard, in a joint operation with Gujarat ATS, has apprehended a Pakistani fishing boat 'Al Huseini' with 6 crew in Indian waters carrying 77 kgs of heroin worth approximately Rs 400 crores: PRO Defence, Gujarat

— ANI (@ANI) December 20, 2021

જખૌના દરિયાકિનારેથી 400 કરોડનું ડ્રગ્સ ઝડપાયું

ગુજરાતના દરિયાકાંઠેથી ફરી એકવાર હેરોઈન ઝડપાયું છે. જખૌના દરિયાકિનારેથી 400 કરોડનું હેરોઈન ઝડપાતા હડકંપ મચી ગયો છે. ફરી ગુજરાતના દરિયા કિનારેથી મોટી માત્રામાં હેરોઈન ઝડપાતા સુરક્ષા એજસીએ સક્રિય થઈ છે. ઈન્ડિયન કોસ્ટગાર્ડ અને ATSએ સંયુક્ત ઓપરેશન હાથ ધર્યું હતું.જેમાં 77 કિલો હેરોઈન સાથે પાકિસ્તાની બોટ ઝડપાઈ છે. આ બોટમાંથી 6 પાકિસ્તાની પણ ધરપકડ કરવામાં આવી છે. અલ હુસૈન નામની બોટમાંથી આ હેરોઈન ઝડપાયું છે.  આ અગાઉ કચ્છના મુંદ્રા પોર્ટ પરથી પણ 10 હજાર કરોડ રૂપિયાનું ડ્રગ્સ પકડાયું હતું જેની ચર્ચા આખા દેશમાં થઈ હતી અને ગુજરાતમાં વધી રહેલા ડ્રગ્સની હેરફેર માટે કેન્દ્ર સરકાર પણ નજર રાખી રહી હોવાનું કહ્યું હતું.

ગુજરાતને કોણ બનાવવા માંગે છે ઉડતા ગુજરાત? 

ડ્રગ્સ મામલે ગુજરાતના ગૃહરાજ્ય મંત્રી હર્ષ સંઘવી પણ મોટું નિવેદન આપી ચુક્યા છે કે ગુજરાતમાં હવે ડ્રગ્સ અને દારૂબંધીમાં કોઈ કચાશ નહીં ચાલે અને કડકાઇથી કામ કરવામાં આવશે. નવા વર્ષે પણ જ્યારે ગુજરાત રાજ્યના પોલીસ વડા આશિષ ભાટિયાએ પત્રકાર પરિષદ કર્યા બાદ  રાજ્યમાં ડ્રગ્સ કેસમાં કડકમાં કડક કાર્યવાહી અને એક્શન લેવામાં આવશે તેવી ચેતવણી આપી હતી.

ડ્રગ્સ હેરાફેરીનું કેન્દ્ર બની રહ્યું છે ગુજરાત 

• સુરત અને દ્વારકામાં ઝડપાયું ડ્રગ્સ
• સુરતમાં MD ડ્રગ્સનો 58.530 ગ્રામ જથ્થો ઝડપાયો
• મુંદ્રા પોર્ટ ઉપરથી ઝડપાયો ડ્રગ્સનો જથ્થો
• 21 હજાર કરોડનો 2988 કિલો હેરાઇન ઝડપાયું
• 24 ઓક્ટોબરે અમદાવાદમાં 25 લાખનું ડ્રગ્સ ઝડપાયુ
• 23 ઓક્ટોબરે વડોદરામાંથી ગાંજો અને MD ડ્રગ્સ ઝડપાયું
• 22 ઓક્ટોબરે રાજકોટમાં ક્રિકેટર ડ્રગ્સ સાથે ઝડપાયો
• 12 ઓક્ટોબરે ડિસામાંથી 15 લાખનું ડ્રગ્સ ઝડપાયું
• 26 સપ્ટેમ્બરે સુરતથી 1 કિલો હાઇબ્રિડ ગાંજો ઝડપાયો
• 25 સપ્ટેમ્બરે સુરતથી 19.62 લાખનું MD ડ્રગ્સ જપ્ત
• 20 સપ્ટેમ્બરે પોરબંદર ડ્રગ્સ સાથે 7 ઇરાની નાગરિકો ઝડપાયા
• 4 ઓગસ્ટે વલસાડથી MD ડ્રગ્સ બનાવતી કંપની ઝડપાઇ
• આણંદમાં ગાંજાના 900 કિલો છોડ પોલીસે ઝડપી પાડ્યા
• ગુજરાતમાં જૂનથી ઓક્ટોબર સુધી 21 ડ્રગ્સના કેસ થયા
• પોલીસ અને NCBએ 6.6 કરોડના માદક દ્રવ્યો જપ્ત કર્યા
• રાજ્યમાં રેલવે, માર્ગ અને હવાઇ માર્ગે હેરાફેરીમાં 52 લોકોની ધરપકડ
• ગુજરાતમાં 2020માં ડ્રગ્સના 308 કેસ નોંધાયા
• જેમાં 117 વ્યક્તિગત વપરાશના કેસ
• 2019માં NDPSના 289 કેસ નોંધાયા
• 112 અંગત વપરાશ માટેના હતા
• 2018માં 150 કેસ નોઁધાયા
• 60 કેસો અંગત ઉપયોગ માટે ડ્રગ્સ વાપરતા હોવાનું ખુલ્યુ