અનુચિત બિઝનેસ / 'ગૂગલે 1,337 કરોડનો દંડ ભરવો જ પડશે' NCLATએ CCI ઓર્ડર યથાવત રાખ્યો, સર્ચ એન્જિને કર્યું હતું આવું કૌભાંડ

• નેશનલ કંપની લો ટ્રિબ્યુનલે ગૂગલને આપ્યો ઝટકો
• 30 દિવસમાં 1,337 કરોડ ચુકવી દેવાનો ઓર્ડર
• ગૂગલને 1,337 કરોડ ચુકવી દેવાનો કમ્પિટીશન કમિશનનો હતો ઓર્ડર 

નેશનલ કંપની લો ટ્રિબ્યુનલે ગૂગલને 30 દિવસની અંદર 1,337.76 કરોડની રકમ ચુકવી દેવાનો ઓર્ડર કર્યો છે. હકીકતમાં કમ્પિટીશન કમિશન ઓફ ઈન્ડીયાએ અયોગ્ય કામગીરી અને માર્કેટમાં ઘાલમેલ કરવાના આરોપસર 1,337.76 કરોડનો તગડો દંડ ફટકાર્યો હતો. કમ્પિટીશન કમિશનના દંડ ચુકવવાના ઓર્ડરને ગૂગલે નેશનલ કંપની લો અપેલટ ટ્રિબ્યુનલમાં ફટકાર્યો હતો અને હવે ટ્રિબ્યુનલે ગૂગલને કમ્પિટીશન કમિશનના ઓર્ડરનું પાલન કરીને 30 દિવસની અંદર જણાવેલી રકમ ચુકવી દેવાનો આપ્યો હતો. 

NCLAT upholds CCI’s Rs 1,337.76 cr fine on Google for anti-competitive practices in relation to Android mobile devices

— Press Trust of India (@PTI_News) March 29, 2023

ગૂગલને કેમ કરાયો હતો મોટો દંડ
ગૂગલે એન્ડ્રોઈડ મોબાઈલ ડિવાઈસ સંબંધમાં સ્પર્ધા વિરોધી આચરણ કરીને તગડો નફો કમાવ્યો હતો જેને કારણે ભારતીય સ્પર્ધા કમિશને ગૂગલને 1,337 કરોડનો દંડ ચુકવી દેવાનો આદેશ આપ્યો હતો. નેશનલ કંપની લો ટ્રિબ્યુનલે ગૂગલ સોફ્ટવેર અનઈન્સ્ટોલ કરવા માટેની પરમિશન સંબંધિત કેટલોક ભાગ કાઢી પણ નાખ્યો છે. 

NCLAT directs Google to comply with the CCI order and deposit Rs 1,337.76-cr fine in 30 days

— Press Trust of India (@PTI_News) March 29, 2023

ખોટી રીતે બિઝનેસ બંધ કરજો- સરકારની ચેતવણી 
20 ઓક્ટોબર 2022ન દિવસે CCIએ સર્ચ એન્જિન ગૂગલને 1,337 કરોડનો દંડ ફટકાર્યો હતો. એન્ડ્રોઈડ મોબાઈલ માર્કેટમાં ધાલમેલ કરવાના ગુનામાં દોષી ઠરેલા ગૂગલને કોમ્પિટીશન કમિશન ઓફ ઈન્ડીયાએ 1,337 કરોડનો દંડ કર્યો છે. ગૂગલે મોબાઈલ માર્કેટમાં તેને મળેલા વર્ચસ્વનો દુરપયોગ કર્યો હતો. CCIએ ગૂગલને બિઝનેસની ખોટી રીત બંધ કરવાનો પણ નિર્દેશ આપ્યો છે. કોમ્પિટિશન કમિશન ઓફ ઇન્ડિયા (સીસીઆઇ)એ એક રિલીઝમાં જણાવ્યું હતું કે તેણે ગૂગલને એક નિર્ધારિત સમયરેખાની અંદર તેના આચરણમાં ફેરફાર કરવા પણ નિર્દેશ આપ્યો છે.