- સુરત અને નવસારી ચરસ કબજે કરવાનો મામલો
- આરોપીની કરતૂત જોઇ પોલીસ પણ ચોંકી ઉઠી
સુરત ક્રાઈમ બ્રાન્ચે વધુ એક ડ્રગ્સ નેટવર્કનો પર્દાફાશ કર્યો છે એટલું જ નહીં ગીત આખે આખો પરિવાર એટલે કે પિતા માતા અને તેના બે સંતાનો સાથે મળીને ચરસ વેચવાનો ધંધો કરતા હતા માત્ર સુરત જ નહીં સુરત અને નવસારી સુધી ફેલાયેલું હતું એમ નેટવર્ક તોડવામાં સુરત ક્રાઈમ બ્રાન્ચે સફળતા મેળવી છે સુરતમાંથી માતા અને એક પુત્રની ધરપકડ ભાગ ક્રાઈમ બ્રાન્ચ અને નવસારી એલસીબીએ નવસારીના જલાલપોરમાંથી પિતા અને પુત્રની પણ ચરસના જથ્થા સાથે ધરપકડ કરી છે પોલીસને આ બંને દરોડાની કાર્યવાહીમાં 1.566 ગ્રામ જેટલો ચરસનો જથ્થો મળી આવ્યો હતો.
સ્પીડ પોસ્ટથી આરોપીઓ મંગાવતા હતા ચરસ
સુરત અને નવસારી ચરસ કબજે કરવાનો મામલે આરોપી શિતલ આંટીની પૂછપરછમાં એક બાદ એક મોટા ઘટસ્ફોટ થઈ રહ્યા છે. આરોપીની કરતૂત જોઇ પોલીસ પણ ચોંકી ઉઠી હતી.
પાર્સલની આડમાં શહેરમાં ડ્રગ્સની સપ્લાય થઇ રહી છે તેવો ખુલાસો થતાં પોલીસ પણ આ મોડસ ઓપરેન્ડી જાણી ચકિત રહી ગઈ હતી. આરોપીઓ સ્પીડ પોસ્ટથી ચરસ મંગાવતા હતા.
પાર્સલ મંગાવવાની માસ્ટર માઇન્ડ શિતલ સમગ્ર કારસો રચતી હતી અને પાડોશીને ત્યાં તેની ડિલિવરી કરાવતી હતી. મહત્વનું છે કે ડ્રગ્સ પેડલરો પોસ્ટ વિભાગનો ઉપયોગ કરી ડ્રગ્સની ડિલિવરી મેળવી રહ્યાં છે. અગાઉ પણ એમેઝોન જેવી શોપિંગ એપ માધ્યમથી ગાંજો પકડાયો હતો. પાર્સલને લઇ કુરિયર એજન્સી પર પોલીસની લાલ આંખ થઈ છે. હવે પોલીસે જુદી જુદી દિશામાં તપાસ હાથ ધરી છે.
પકડાયેલા આરોપીઓના નામ
- 1 ઉત્સવ રમેશભાઈ સાંગાણી
- 2 શાંતાબેન ઉર્ફે રમેશભાઈ સાંગાણી
- 3 રમેશ ભાઈ કાળુભાઈ સાંગાણી
- 4 દર્શન રમેશભાઈ સાંગાણી
પાડોશીનો દાવો સાચો પડ્યો
તો આ તરફ નવસારીના ધર્મનંદન એપાર્ટમેન્ટમાંથી ડ્રગ્સ કબજે કરવાનો મામલે ગઈકાલે પાડોશી દ્વારા વધુ એક ખુલાસો કરવામા આવ્યો હતો. દરોડામાં 1.566 ગ્રામ ચરસ સાથે પિતા પુત્રની ધરપકડ થઇ હતી. શિતલ સાંગણી પાર્સલ દ્વારા ચરસ મંગાવતી હોવાનો પાડોશીઓએ દાવો કર્યો છે. આરોપી શિતલ સુરત હોસ્પિટલમાં કામ કરતી હોવાની પણ પાડોશીને શંકા છે. મોટાભાગે પાડોશીઓને ફોન કરીને જ શિતલ પાર્સલ લેવડાવતી હતી, પાડોશીઓએ પાર્સલ આવ્યા બાદ નવસારી પોલીસને જાણ કરી હતી. પાર્સલ ક્યાંથી આવતા હતા તે મોટો સવાલ ઊપજી રહ્યો છે.
દરોડામાં 1.566 ગ્રામ ચરસ સાથે માતા, પિતા અને પુત્રની થઇ હતી ધરપકડ
સુરત ક્રાઇમ બ્રાન્ચના ઇન્સપેક્ટર લલિત વાગડિયા અને તેમની ટીમને ચોક્કસ બાતમી મળી હતી કે શિતલ આન્ટી નામની એક મહિલા શહેરના પોશ વિસ્તાર એવા વિશ્વમાં ચરસનો ધંધો કરે છે સપ્લાય કરે છે આથી ક્રાઇમ બ્રાન્ચની ટીમે વેસુના વાસ્તુ લક્ઝરીયા બિઝનેસ હબ નજીકથી શાંતા ઉર્ફે શિતલ આન્ટી રમેશ સાંગાણી અને તેના પુત્ર ઉત્સવની ધરપકડ કરી હતી બંને પાસેથી ક્રાઈમ બ્રાન્ચને લગભગ 235 ગ્રામ ચરસનો જથ્થો બે મોબાઇલ ફોન એક મોપેડ રોકડા રૂપિયા સહિત 1,13, 343 નો મુદ્દામાલ મળી આવ્યો હતો આ બંને એટલે કે માતા-પુત્રની પ્રાથમિક પૂછપરછમાં તેઓએ નવસારી ના રહેવાસી હોવાનું અને ચરસનો વધુ જથ્થો નવસારી જલાલપોરના લીમડાચોક ખાતેના પોતાના નિવાસસ્થાને પડયો હોવાનું જણાવ્યું હતું જેને પગલે સુરત ક્રાઇમ બ્રાન્ચ અને નવસારી એલસીબીએ સંયુક્ત ઓપરેશન હાથ ધરીને લગભગ 1કિલો500 ગ્રામ જેટલો ચરસનો જથ્થો જેની કિંમત 2,34, 900 જેટલી થવા જાય છે તે કબજે કર્યો હતો તેની સાથે સાથે તેમના ઘરેથી એક ડિજિટલ વજન કાંટો અને ચરસ વેચાણના 1,55,303 ની રોકડ પણ કબજે કરવામાં આવી હતી
