ગુજરાતના નવસારી જીલ્લાના ગણદેવીમાં અનેક પેઢીઓથી પ્રજાપતિ સમાજ દોરી રાસની પ્રથાને જાળવીને બેઠો છે.
ગણદેવીનગરમાં રમાતો દોરી રાસ
ખેલૈયાઓ દોરી રાસના તાલે ઝૂમ્યા
પ્રાચીન પદ્ધતિથી રમતો દોરી રાસ
નવરાત્રીના ગરબાએ સમગ્ર વિશ્વ માટે આકર્ષણનું કેન્દ્ર બન્યા છે. એમાં પણ ખાસ કરીને ગુજરાતી વારસાને જાળવી રાખવા માટે અનેક પ્રયાસો કરવામાં આવી રહ્યા છે. ત્યારે નવસારીના ગણદેવીનગરમાં રમાતો દોરી રાસ પ્રાચીન પદ્ધતિથી રમતો રાસ છે. આ દોરી રાસ રમવા માટે 2 જોડીઓ બનાવવામાં આવે છે જે આગળ પાછળ ગોળ ફરી રાસ રમે છે અને દોરી આપોઆપ ગૂંથાતી પણ જાય છે અને છૂટતી પણ જાય છે. બુદ્ધિ ક્ષમતા રાસ હોવાથી તાલીમ પામેલા લોકો જ દોરી રાસની મજા ઉઠાવી શકતા હોય છે. જેથી આ દોરી રાસની પરંપરા પ્રજાપતિ સમાજે જાળવી રાખીને નવરાત્રીમાં નવી રંગત લાવી છે.
પ્રજાપતિ સમાજનો દોરી રાસ આકર્ષણનું કેન્દ્ર
ગુજરાતમાં અનેક જગ્યાઓ પર શેરી ગરબાનું આયોજન કરવામાં આવ્યું છે પરંતુ એમાંથી અમુક આયોજનો એક આકર્ષણનું કેન્દ્ર બની જતા હોય છે. નવસારી જિલ્લાના ગણદેવી નગરનો દોરી રાસ. દોરી રસે પ્રાચીન પદ્ધતિ રમતો રાસ છે જેને સામાન્ય નર કે નારી ચાહે તો પણ આ દોરી રાસ રમી શકતા નથી આ દોરી રાસ માં ચોક્કસ તાલીમ પામેલા લોકો જ રંગત ઉઠાવી શકતા હોય છે.દોરી રાસ રમવા માટે બે જોડીઓ બનાવવામાં આવે છે જે આગળ પાછળ ગોળ ફરી રાસ રમે છે અને દોરી જાતે જ ગૂંથાતી જાય છે અને છૂટતી જાય છે.
દોરી રાસને જીવંત રાખવા માટે આજના યુવાનો પણ આગળ આવ્યા
દોરી રાસ એ શ્રી કૃષ્ણએ આપેલ અનમોલ દેન છે. વૃન્દાવનમાં કૃષ્ણ અને ગોપીઓ દોરી રાસના માધ્યમથી એકાકાર થઇ જતા હતા. જે દોરી રાસ દક્ષિણ ગુજરાતના નવસારી જીલ્લાના ગણદેવીમાં બાપ દાદાઓ વખતથી પ્રજાપતિ કુંભાર સમાજ રમી રહ્યો છે.
લુપ્ત થવાના આરે આવેલો આ દોરી રાસને જીવંત રાખવા માટે આજના યુવાનો પણ આગળ આવ્યા છે. આ પરંપરા હજી સુધી એક પણ વાર તૂટી નથી કળાને આજના યુવાનો એની આવનારી પેઢીને તૈયાર કરી રહ્યા છે. જેથી કરીને આવનારી પેઢી પણ આ પરંપરાને જાળવી રાખે.