IPLIN
 
  • Home
  • India
  • navi mumbai massive fire broke out at the pawane midc area

BIG NEWS / નવી મુંબઈમાં ભીષણ આગ: એક પછી એક 8 કંપનીઓમાં લાગી આગ, ફાટી રહ્યા છે કેમિકલના ડ્રમ

Team VTV 08:21 PM, 06 May 22
Follow us
navi mumbai massive fire broke out at the pawane midc area

નવી મુંબઈના એમઆઈડીસી વિસ્તારમાં શુક્રવારે ભીષણ આગ લાગી હતી. હાલત કાબૂમાં કરવા માટે ફાયરની ગાડીઓ ઘટનાસ્થળ પર પહોંચી હતી.

  • નવી મુંબઈના ઔદ્યોગિક વિસ્તારમાં આગ ફાટી નિકળી
  • એક પછી એક આઠ કંપનીઓમાં આગ લાગી
  • ફેક્ટ્રીમાં રાખેલા ડ્રમ ફાટી રહ્યા છે

નવી મુંબઈના એમઆઈડીસી વિસ્તારમાં શુક્રવારે ભીષણ આગ લાગી હતી. હાલત કાબૂમાં કરવા માટે ફાયરની ગાડીઓ ઘટનાસ્થળ પર પહોંચી હતી. એક અધિકારીએ આ અંગે જણાવ્યું હતું કે, નવી મુંબઈ નજીકના પોવને ઔદ્યોગિક વિસ્તારમાં શુક્રવારે સાંજે એક રબરના કારખાનામાં ભીષણ આગ લાગી ગઈ હતી. એક અધિકારીએ જણાવ્યું છે કે, મહારાષ્ટ્ર ઓદ્યોગિક વિકાસ નિગમ (એમઆઈડીસી) માં આવેલા એકમમાં સાંજના લગભગ ચાર વાગ્યાની આસપાસ આ ઘટના થઈ હતી. અધિકારીએ જણાવ્યું હતું કે, આગ ઠારવાના પ્રયત્નો ચાલું છે. 

સૂત્રોના જણાવ્યા અનુસાર આગ અત્યાર સુધીમાં આઠ કંપનીઓમાં ફેલાઈ ચુકી છે. કંપનીઓની આસપાસ કેમિકલ ડ્રમ છે. આ ડ્રમ ફાટ્યા હતા અને તેના કારણે મોટી આગ ભડકી ઉઠી હતી. હાલમાં આ ભયાનક સ્થિતિ પર કાબૂ મેળવવું મુશ્કેલ લાગી રહ્યું છે. એટલા માટે ફાયરની ગાડીઓ પોતાની સિસ્ટ્મનો ઉપયોગ કરીને આગ પર કાબૂ મેળવી રહી છે. 

ફાયરના જવાનોને આગની વચ્ચેથી રસાયણ ભરેલા અમુક ડ્રમને બહાર કાઢવામાં સફળતા મળી ગઈ છે. જો કે, અંદર સુધી આગ પર કાબૂ માટે ફાયરની ગાડીઓનો પાણીનો ફુંવારો ત્યાં સુધી પહોંચી શકતો નથી. જો કે, આગને બીજી કંપનીઓમાં ફેલાતા રોકવા માટે શક્ય તમામ પ્રયાસો થઈ રહ્યા છે. 

અત્યાર સુધીમાં આગમાં ફસાયેલા ચાર લોકોને બચાવી લેવામાં આવ્યા છે. હાલમાં અન્ય લોકો ફસાયા છે કે નહીં તેના વિશે તપાસ ચાલી રહી છે. કંપનીઓમાં રાખેલા રસાયણથી ભરેલા ડ્રમ ફાટવાથી વધુને વધુ આગ વિકરાળ બની રહી છે. ખાસ વાત એ છે કે આ બધી કંપનીઓ આજૂબાજૂમાં આવેલી છે. આ કંપનીઓની વચ્ચે એક ફુટનું પણ અંતર નથી. આશંકા છે કે, વિસ્ફોટ બાદ હજૂ અન્ય કંપનીઓમાં પણ આગ ફેલાઈ શકે છે. 

Navi Mumbai pawane midc area fire નવી મુંબઈ કંપની આગની ઘટના
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ