રેન્કિંગ / દેશની ટોપ 100 યુનિવર્સીટીમાં ગુજરાતની માત્ર બે, IIM અમદાવાદ મેનેજમેન્ટ કેટેગરીમાં બીજા ક્રમે

નેશનલ ઇન્સ્ટિટ્યુશનલ રેન્કિંગ ફ્રેમવર્કનો રિપોર્ટ જાહેર થયો છે. આ રિપોર્ટમાં દેશની ટોપ-100 યુનિવર્સીટીમાં ગુજરાતની માત્ર બે યુનિવર્સીટીનો જ સમાવેશ થાય છે. જેમાં આઈઆઈટી ગાંધીનગરને 51મો ક્રમાંક પ્રાપ્ત થયો છે. જ્યારે આણંદની કૃષિ યુનિવર્સીટીને 96મો ક્રમાંક પ્રાપ્ત થયો છે. તો ગુજરાત યુનિવર્સીટીને 103મો ક્રમાંક પ્રાપ્ત થયો છે. 

આમ, ગુજરાત યુનિવર્સીટીનું ગતવર્ષ કરતા પ્રદર્શન સુધર્યું હોવા છતાં પણ ટોપ 100માં સમાવેશ થયો નથી. મળતી માહિતી મુજબ મેનેજમેન્ટ કેટેગરીમાં આઇઆઇએમ અમદાવાદ બીજા ક્રમાંકે છે.

મહત્વનું છે કે, દેશની શૈક્ષણિક સંસ્થાઓનો રિપોર્ટ HRD મિનિસ્ટ્રી તૈયાર કરાવે છે. ત્યારે આ રિપોર્ટમાં રિસર્ચ પ્રોજેક્ટ, આઉટ રિચ અને કોલોબ્રેશન સહિતની બાબતોને મૂલ્યાંકનમાં ધ્યાને લેવામાં આવે છે.