નવી દિલ્હી / નેશનલ હેરાલ્ડ કેસઃ આજે રાહુલ ગાંધીની 8:30 કલાક ચાલી પૂછપરછ, EDએ મંગળવારે ફરી હાજર થવા કહ્યું

• નેશનલ હેરાલ્ડ કેસમાં સોમવારે રાહુલ ગાંધીની પૂછપરછ પૂર્ણ
• રાહુલ ગાંધીની પહેલા દિવસે 8:30 કલાક સુધી પૂછપરછ
• EDએ આવતીકાલે ફરી કર્યું હાજર થવા કહ્યું

નેશનલ હેરાલ્ડ કેસમાં પૂછપરછ માટે રાહુલ ગાંધી આજે ED ઓફિસ પહોંચ્યા હતા. જ્યાં રાહુલ ગાંધી સાથે અંદાજિત સાડા આઠ કલાક સુધી સવાલ-જવાબ થયા. બાદમાં રાહુલ ગાંધી ત્યાંથી ચાલ્યા ગયા. પરંતુ સવાલ-જવાબનો આ સિલસિલો હજુ પણ આગળ ચાલુ રહેવાનો છે. તેમણે ફરી એક વખત ઈડીની સામે રજૂ થવાનું છે.

આમ તો કોંગ્રેસ હેડક્વાર્ડરથી ED ઓફિસ બહુ દૂર નથી. પરંતુ રાહુલની આ નાની સફર ખુબ હોબાળા વાળી રહી. આની સમગ્ર તૈયારી કોંગ્રેસે પહેલાથી જ કરી હતી. કોંગ્રેસે નક્કી કર્યું હતું કે, ઈડીની નોટિસ સામે અવાજ ઉઠાવવા માટે સત્યાગ્રહ કરવામાં આવશે.

तुगलक रोड थाने में कांग्रेस के वरिष्ठ नेता#IndiaWithRahul pic.twitter.com/6p398e1MYU

— Delhi Congress (@INCDelhi) June 13, 2022

રાહુલ ગાંધીના કોંગ્રેસ હેડક્વાર્ડરથી નિકળવાથી લઇને ઈડી ઓફિસ પહોંચવા સુધી હોબાળો ચાલ્યો. બાદમાં કોંગ્રેસના કેટલાક સીનિયર નેતા, કાર્યકર્તા કસ્ટડીમાં પણ લેવાયા. જેમાં રાજસ્થાનના મુખ્યમંત્રી અશોક ગેહલોતનું નામ પણ સામેલ છે. અધીર રંજન ચૌધરીએ પોલીસ પર મારમારીનો આરોપ પણ લગાવ્યો.

રાહુલ ગાંધી સવારે જ્યારે ઈડી ઓફિસ માટે નિકળ્યા તો તેમની સાથે પ્રિયંકા ગાંધી પણ હાજર રહી. તેની સાથે કોંગ્રેસના હજારો સમર્થક રાહુલ ગાંધીની સાથો ઈડી ઓફિસ તરફ આગળ વધ્યા. બાદમાં ઈડી ઓફિસથી કેટલાક દૂર માત્ર રાહુલ ગાંધીની ગાડીને આગળ જવા દેવાઈ અને બાકી લોકોને પોલીસે બેરિકેડિંગ લગાવીને ત્યાં રોકી લીધા. રાહુલની સાથે ગાડીમાં પ્રિયંકા ગાંધી પણ હાજર હતા જ્યારબાદ ઈડી ઓફિસથી બહાર આવી ગયા.