મહામંથન / 2022ની ચૂંટણીઓ પહેલા કેવડિયામાં 'ભાજપનું મહામંથન', OBC મોરચાની કારોબારીમાં પહોંચ્યા દિગ્ગજો

• BJP OBC મોરચાની રાષ્ટ્રીય કારોબારી
• OBC મતોને હાંસલ કરવા રણનીતિ ઘડાશે
• OBC મતોને એકજૂથ રાખવા પર મંથન

આગામી વર્ષે 2022માં વિધાનસભાની ચૂંટણીઓ યોજાનાર છે, જેને લઈને અત્યારથી તૈયારીઓ આરંભી દેવામાં આવી છે, વિવિધ પક્ષના લોકોને રાજકીય રણનીતિ બનાવી રહ્યા છે હવે કેવડિયા ખાતે ભાજપની 3 દિવસની ભાજપ OBC મોરચાની રાષ્ટ્રીય કારોબારી યોજાનાર છે.  આગામી વિધાનસભાની ચૂંટણી પહેલા ભાજપનું મહામંથન શરૂ થઈ ગયું છે, જેને લઈને સ્ટેચ્યુ ઓફ યુનિટી કેવડીયાની હોટેલ ફર્ન ખાતે 3, 4 અને 5 ડિસેમ્બર ભાજપની OBC મોરચાની રાષ્ટ્રીય કારોબારી યોજાનાર છે.

BJP OBC મોરચાની રાષ્ટ્રીય કારોબારી

કેવડિયા ખાતે BJPની OBC મોરચાની રાષ્ટ્રીય કારોબારી બેઠકનો પ્રારંભ થયો છે, BJP OBC મોરચાના રાષ્ટ્રીય અધ્યક્ષ કે.લક્ષ્મણની અધ્યક્ષતામાં બેઠક મળી રહી છે, આ બેઠકમાં વિવિધ રાજ્યોના પ્રદેશ અધ્યક્ષો અને મહામંત્રીઓ પણ હાજર રહેનાર છે, ત્યારે  આગામી 5 રાજ્યોની ચૂંટણી અને ગુજરાતની ચૂંટણી અંગે પણ બેઠકમાં ચર્ચા કરવામાં આવશે, એટલું જ નહીં ચૂંટણીમાં OBC મતોને હાંસલ કરવા અંગે પણ ખાસ રણનીતિ તૈયાર કરવામાં આવશે, મહત્વનું છે કે કેવડિયા ખાતે મહત્વનું બેઠકોનો દોર શરૂ થયો છે ત્યારે તેમાં ચૂંટણીમાં OBC મતોને એકજૂથ રાખવા પર મંથન અને ચર્ચા કરવામાં આવશે.   

OBC મતોને હાંસલ કરવા રણનીતિ ઘડાશે

પ્રથમ દિવસે ભાજપના રાષ્ટ્રીય ઓબીસી મોરચાના અધ્યક્ષ ડો.કે લક્ષમણ અને ભાજપના રાષ્ટ્રીય મહામંત્રી અને રાજ્ય સભાના સાંસદ અરુણ સિંહ સહિત આગેવાનોની ઉપસ્થિતમાં કાર્યકરોની એક બેઠક યોજાઈ હતી.આ ત્રણ દિવસ ચાલનારી આ કારોબારી બેઠકમાં વિવિધ રાજ્યોના 150 જેટલા ઓબીસી મોરચાના અધ્યક્ષો, મહામંત્રીઓ, રાજ્ય સભાના અને લોક સભાના સભ્યો, સાથે ધારાસભ્યો સહિત હજાર રહેનાર છે કારોબારી બેઠકના સમાપનના દિવસે ભાજપના રાષ્ટ્રીય સંગઠન મહામંત્રી વી.સંતોષ તેમજ ગુજરાતના મુખ્યમંત્રી ભુપેન્દ્ર પટેલ, બિહારના ઉપમુખ્યમંત્રી ખાસ ઉપસ્થિત રહેશે.

OBC મતોને એકજૂથ રાખવા પર મંથન

મહત્વનું છે કે ઇતિહાસમાં પહેલી વખત મોદી સરકારમાં ઓ.બી.સી સમાજના 27 મંત્રીઓનો સમાવેશ કરાયો છે.ત્યારે મોદી સરકાર OBC સમાજ માટે જે કર્યું એ ઘર ઘર સુધી પહોંચાડવા માટેના જન જાગૃતિના કાર્યક્રમો અંગેની રૂપરેખા નક્કી કરવામાં આવશે. એટલું જ નહીં રાજ્યોની ચૂંટણીની રણનીતિ અને એ ચૂંટણીમાં OBCની શું ભૂમિકા હશે તેની ચર્ચાઓ પણ કરવામાં આવશે.