રાજકોટ લોકસભા બેઠક પરથી ચૂંટણી લડવાને લઇને નરેશ પટેલના પુત્રએ કર્યો ખુલાસો

નરેશ પટેલના પુત્ર શિવરાજ પટેલ લોકસભાની ચૂંટણી લડે તેવી ચર્ચાઓ ચાલી રહી હતી. ત્યારે હવે શિવરાજ પટેલે નિવેદન આપ્યુ છે કે, હું લોકસભાની ચૂંટણી લડવાનો નથી. પરિવાર સાથે ચર્ચા કર્યા બાદ આ નિર્ણય લીધો છે.. પરિવાર અને સમાજના આગેવાનો સાથે ચર્ચા થઈ હતી.

નરેશ પટલેના પુત્ર શિવરાજ પટેલને લલિત કગથરાએ ઓફર કરી હતી. પરંતુ શિવરાજ પટેલે કહ્યું કે પરિવારે ના પાડી એટલે ચૂંટણી નહીં લડુ. મારા પરિવારનો નિર્ણય અંતિમ રહેશે. હું હજુ 26 વર્ષનો છું.

પાટીદાર ફેક્ટર પર રાજકારણ ગરમાયું

કોંગ્રેસ દ્વારા રાજકોટ લોકસભા બેઠક માટે નરેશ પટેલના પુત્ર શિવરાજ પટેલને ટિકિટ આપવાની કવાયત હાથ ધરી હતી. કોંગ્રેસ શિવરાજ પટેલને કોંગ્રેસમાંથી રાજકોટ બેઠક પર લડાવવા માટે પ્રયાસ કરી રહી હોવાની વાત સામે આવી હતી. જેના કારણે રાજકોટ બેઠકને લઈને પાટીદાર ફેક્ટર પર રાજકારણ ગરમાયું છે. ત્યારે શિવરાજ પટેલે અટકળોનો અંત લાવતા કહ્યું છે કે હું લોકસભા ચૂંટણી લડવાનો નથી.


શિવરાજ પટેલના પોસ્ટર લાગ્યા

અત્રે ઉલ્લેખનીય છે કે લોકસભા ચૂંટણી નજીક છે ત્યારે ભાજપ અને કોંગ્રેસ દ્વારા ઉમેદવારોને લઇને સતત બેઠકોનો દૌર ચાલી રહ્યો છે. ત્યારે ગુજરાતની લોકસભાની બેઠકો માટેના ગણિતને લઇને ભાજપ અને કોંગ્રેસ બન્ને અસમંજસ જેવી સ્થિતિમાં છે. ત્યારે રાજકોટમાં ખોડલધામના નરેશ પટેલના પુત્ર શિવરાજ પટેલના પોસ્ટર લાગતા રાજકારણ ગરમાયું હતું.