રાજ્યમાં વિધાનસભા ક્ષેત્રોની મર્યાદા ગઠનથી રાજનીતિક અસંતુલન ખતમ થઇ જશે. જમ્મૂ કાશ્મીરમાં બેઠકની વહેંચણી ક્ષેત્રફળ હિસાબે થઇ તો અહીં વિધાનસભાની ઘણી બેઠકો વધી શકે છે. કાશ્મીરનું રાજ્યમાં રાજનીતિમાં વર્ચસ્વ ખતમ થઇ શકે છે.
પરિસીમનની જમ્મૂમાં લાંબા સમયથી માંગ ચાલી રહી છે. જમ્મૂ કાશ્મીરમાં લાંબા સમયથી તેની માંગ ચાલી રહી છે. અહીની પાર્ટીઓ કાશ્મીરમાં વધુ બેઠક હોવાથી નારાજ છે. રાજનીતિક પાર્ટીઓનું માનવું છે કે એના કારણે રાજ્યમાં અસંતુલન ખતમ થશે. કાશ્મીરમાં 346 વર્ગ કિલોમીટર ક્ષેત્રફળ પર એક વિધાનસભા છે, જ્યારે જમ્મૂમાં 710 વર્ગ કિલોમીટરમાં છે. જમ્મૂમાં ક્ષેત્રફળ તથા મતદારોના આધારે વધુ 15 બેઠક વધી શકે છે.
જોકે, એ આયોગ પર નિર્ભર કહે છે કે કયા પ્રકારે પરિસીમન (મર્યાદા) બનાવ છે. પાર્ટીઓનું માનવું છે કે ક્ષેત્રફળ વધારે હોવાને સાથે જ ક્ષેત્રની ભૌગોલિક સ્થિતિ પણ વિષમ છે. કોમ્યુનિકેશન સુવિધાઓનો અભાવ છે. એવામાં તમામ પરિસ્થિતિઓ જમ્મૂના હકમાં છે. વર્ષ 2008માં અમરનાથ ભૂમિ આંદોલન દરમિયાન ભાજપે ક્ષેત્રફળ મર્યાદાનો મુદ્દો ઉઠાવી ચૂકી છે.
જમ્મૂ 26293 વર્ગ કિમી-કાશ્મીર 15948 કિમી ક્ષેત્ર
2011ની વસ્તી ગણતરી મુજબ જમ્મૂની વસ્તી 53,78,538 છે જે રાજ્યની 42.89 ટકા વસ્તી ધરાવે છે. જ્યારે જમ્મૂ ડિવિઝન 26,293 વર્ગ કિલોમીટરમાં ફેલાયેલું છે એટલે કે રાજ્યનો 25.93 ટકા ક્ષેત્રફળ જમ્મૂ કાશ્મીર ડિવિઝન અંતર્ગત આવે છે. અહીં વિધાનસભાની કુલ 37 બેઠક છે. કાશ્મીરની વસ્તી 6888475 છે. જે રાજ્યની વસ્તીના 54.93 ટકા હિસ્સો ધરાવે છે.
કાશ્મીર ડિવિઝનનું ક્ષેત્રફળ રાજ્યના ક્ષેત્રફળનું 15948 વર્ગ કિલોમીટર છે, જે 15.73 ટકા છે. અહીં કુલ 46 વિધાયક ચૂંટાય છે. રાજ્યના 58.33 ટકા ક્ષેત્રફળ ધરાવતા લદ્દાખ ડિવિઝનમાં 4 વિધાનસભા બેઠક છે. આપને જણાવીએ કે છેલ્લેવ 1995માં ક્ષેત્ર મર્યાદા બનાવાઇ હતી. જ્યારે રાજ્યપાલ જગમોહનના આદેશ પર 87 બેઠકની રચના કરવામાં આવી હતી. વિધાનસભામાં કુલ 111 બેઠક છે. પરંતુ 24 બેઠકને પાક. અધિકૃત કાશ્મીર માટે રાખવામાં આવી છે. જ્યારે બાકી 87 બેઠક પર ચૂંટણી યોજાય છે.
જમ્મૂ અને કાશ્મીરમાં મતોનું ગણિત
વર્ષ 2014ની ચૂંટણીમાં કાશ્મીર ખીણમાં 46 વિધાનસભામાંથી માત્ર ચાર વિધાનસભા બટમાલૂ, કુપવાડા, સોપોર, બડગામમાં એક લાખથી વધુ વોટર હતા. ગુરેજમાં સૌથી ઓછા 17 હજાર વોટર હતા. જમ્મૂ કાશ્મીર ડિવિઝનના ભદ્રવાહ, રિયાસી, ઉધમપુર, રામનગર, કઠુઆ, હીરાનગર, વિજયપુર, ગાંધીનગર, જમ્મૂ પશ્ચિમ, રાજોરીમાં એક લાખથી વધુ વોટર હતા. કાશ્મીર ડિવિઝનમાં 56.22 તો જમ્મૂમાં 76.67 ટકા મત પડ્યા હતા.