મહામારી / કોરોના જેવી ખતરનાક છે આ બીમારી, વરસાદની સિઝનમાં બચીને રહેજો, અહીં મોત થતા ચિંતા વધી

• યુપીના મથુરા ઉપરાંત આસામના ગુવાહાટીમાં સ્ક્રબ ટાઇફસના કેસ મળ્યા
• તાવ અને શરદી, માથાનો દુખાવો એ પ્રારંભિક લક્ષણો છે, એન્ટિબાયોટિક્સની સારવાર કરવામાં આવે છે
• ભારત ઉપરાંત ઇન્ડોનેશિયા, ચીન, જાપાન અને ઉત્તર ઓસ્ટ્રેલિયામાં કેસ મળ્યા

શરુઆતમાં આ બીમારીને રહસ્યમયી તાવ ગણવામાં આવ્યો પરંતુ તેના લક્ષણો કોરોનાને મળતા આવે છે. મથુરામાં 2 વર્ષથી માંડીને 45 વર્ષના 29 દર્દીઓના ટાયફસને કારણે મોત થયા છે. તેથી વરસાદની સિઝનમાં આ બીમારી અંગે વધારે સાવધ રહેવાની જરુર છે.

સ્ક્રબ ડાયફસ કેવી રીતે થાય છે
યુએસ સેન્ટર ફોર ડિસિઝ કન્ટ્રોલના જણાવ્યાનુસાર સ્ક્રબ ટાઈફસ એક બીમારી છે જે ઓરિએન્ટિયા બેક્ટેરિયાને કારણે થાય છે. લાર્વા માઈટ્સ કરડતા આ બીમારી થાય છે. તે બુશ ટાઈફસ નામથી પણ ઓળખાય છે. આ બીમારીની ચપેટમાં આવ્યાં બાદ સેન્ટ્રલ નર્વસ સિસ્ટમ, કાર્ડિયો વેસ્કુલર સિસ્ટમ, કિડની, શ્વાસમાં તકલીફ જેવી બીમારીઓ પણ થાય છે. ઘણા કિસ્સામાં તો મલ્ટી ઓર્ગેન ફેલ્યોર (ઘણા બધા અંગોનું કામ કરવું બંધ કરી દેવું તે) ને કારણે રોગીનું મોત પણ થાય છે. 

સ્ક્રબ ટાઇફસના લક્ષણો શું છે?
તેના લક્ષણોમાં તાવ અને ઠંડીનો સમાવેશ થાય છે. આ પછી કોવિડ -19 ની જેમ માથાનો દુખાવો, શરીરનો દુખાવો અને સ્નાયુઓમાં દુખાવો થાય છે. જો કે, સ્ક્રબ ટાયફસનો દર્દી કોવિડ -19 ના ઘણા કિસ્સાઓથી વિપરીત ગંધ અને સ્વાદ જાળવી રાખે છે. કેટલાક દર્દીઓને સાંધાનો દુખાવો પણ થાય છે, જે ચિકનગુનિયાનું લક્ષણ છે.

સ્ક્રબ ટાઇફસની સારવાર શું છે?
આરોગ્ય નિષ્ણાતોનું કહેવું છે કે પ્રારંભિક તબક્કે આ રોગને શોધી કાવો ખૂબ જ જરૂરી છે. સીડીસી કહે છે કે જો કોઈ વ્યક્તિને સ્ક્રબ ટાયફસનો ચેપ લાગે છે, તો વ્યક્તિને એન્ટિબાયોટિક ડોક્સીસાયક્લાઇનથી સારવાર આપવી જોઈએ. એજન્સીના જણાવ્યા મુજબ, જે લોકો ડોક્સીસાયક્લાઇન સાથે વહેલી સારવાર લે છે તેઓ સામાન્ય રીતે એક સપ્તાહમાં સ્વસ્થ થઈ જાય છે.

શું સ્ક્રબ ટાઇફસ માટે રસી ઉપલબ્ધ છે?
સીડીસી અનુસાર, સ્ક્રબ ટાઇફસને રોકવા માટે હાલમાં કોઈ રસી નથી. સીડીસી અનુસાર, એજન્સી કહે છે કે આ સ્ક્રબ ટાયફસ સામાન્ય હોય તેવા સ્થળોએ આ ચેપ ટાળવો જોઈએ. આ કૃમિ ઘાસ, છોડ અથવા ઉચ્ચ ભેજવાળા સ્થળો પર થાય છે.

આ રોગ ભારત સિવાય ક્યાં છે?
ભારત ઉપરાંત, ઇન્ડોનેશિયા, ચીન, જાપાન અને ઉત્તરી ઓસ્ટ્રેલિયાના ગ્રામીણ વિસ્તારોમાંથી સ્ક્રબ ટાઇફસના કેસ નોંધાયા છે.