અમેરિકા / આ દેશમાં ફેલાઈ રહસ્યમયી બીમારી, એકઝાટકે 37 રાજ્યોમાં લોકો બીમાર પડતા હાહાકાર, આ વસ્તુ ન ખાવાની સલાહ

• અમેરિકામાં બેકટેરિયલ સંક્રમણથી સંબંઘિત રોગ ઝડપથી ફેલાઈ રહ્યો છે.
• ડુંગળી ખાવાને કારણે વિવિધ રાજ્યોમાં 652 લોકો બીમાર પડ્યાં
• ડુંગળીમાંથી સંક્રમણનો સ્ત્રોત મળી આવ્યો 

અમેરિકામાં બેકટેરિયલ સંક્રમણથી સંબંઘિત રોગ ઝડપથી ફેલાઈ રહ્યો છે.

અમેરિકામાં બેકટેરિયલ સંક્રમણથી સંબંઘિત રોગ ઝડપથી ફેલાઈ રહ્યો છે. લગભગ 37 રાજ્યોમાં સેંકડો લોરો બીમાપ પડ્યા છે. આ પછી વહીવટી તંત્ર એક્શનમાં આવ્યું છે. તેમણે અમેરિકાના લોકોને ચેતવણી આપી છે કે, લેબલ વગરની લાલ, પીળી અને સફેદ ડુંગળીનું સેવન ન કરો અને તરત જ તેનો સ્ટોક ઘરેથી ફેંકી દો, સાલ્મોનેલા ના લક્ષણોમાં ઝાડા, તાવ અને પટેમાં એસિડીટીનો સમાવેશ થાય છે. જે ખોરાક ખાધા પછી 6 કલાકથી 6 દિવસ સુધી શરૂ થાય છે. રોગ નિયંત્રણ અને નિવારણ કેન્દ્રે કહ્યું છે કે, મેક્સિકોના ચિહુઆહુઆથી આયાત કરવામાં આવેલી ડુંગળીમાં સંક્રમણનો સ્ત્રોત મળી આવ્યો છે. 

ડુંગળી ખાવાને કારણે વિવિધ રાજ્યોમાં 652 લોકો બીમાર પડ્યાં

રિપોર્ટ અનુસાર, અત્યાર સુધી ડુંગળી ખાવાને કારણે વિવિધ રાજ્યોમાં 652 લોકો બીમાર પડ્યાં છે. જેમાં 129 લોકો હોસ્પિટલમાં દાખલ છે. જો કે, હજુ સુધી કોઈનું મોત થયું નથી.  સીડીસીએ કહ્યું કે, બીમાર લોકોની વાસ્તવિક સંખ્યા પ્રાપ્ત માહિતી કરતાં ઘણી વધારે હોવાની શક્યતા છે. 31મી મે થી 30 સપ્ટેમ્બર વચ્ચે સંક્રમણના કેસો નોધાયા હતાં. સીડીસીએ એક નિવેદનમાં જણાવ્યું હતું કે, 75 ટકા બીમાર લોકોએ કદાચ કાચી ડુંગળી અથવા તેમાંથી બનાવેલી વાનગી ખાધી હતી.બીજી બાજુ ઘણા બીમાર લોકોએ એક જ રેસ્ટોરન્ટમાં ખોરાક ખાવાની માહિતી આપી હતી.

સીડીસીએ આપી ચેતવણી

સીડીસીએ લોકોને ચિહુઆહુઆસથી આયાત કરેલી ડુંગળી ન ખરીદવા અને ડુંગળીનો તમામ સ્ટોક ફેંકી દેવાની સલાહ આપી છે. તેમણે કહ્યું કે આવી ડુંગળીનો બિલકુલ ઉપયોગ ન કરો, જેમાં સ્ટીકરો કે પેકેજીંગ ન હોય.