મ્યુઝિક કમ્પોઝર વાજિદ ખાનના અચાનક નિધનથી સમગ્ર ફિલ્મી દુનિયા શોકમાં છે. લાંબા સમયથી કિડનીની બીમારીથી પીડાતા વાજિદ ખાનને થોડાં દિવસ પહેલાં જ કોરોના થયો હતો. ઈમ્યૂનિટી નબળી હોવાને કારણે તેઓ કોરોના સામે જંગ જીતી ન શક્યા અને 42 વર્ષીય વાજિદ ખાને મુંબઈની એક હોસ્પિલમાં અંતિમ શ્વાસ લીધા હતા.
મ્યુઝિક કમ્પોઝર વાજિદ ખાનનું કોરોનાને કારણે થયું નિધન
મુંબઈના વર્સોવા કબ્રસ્તાનમાં સુપર્દ-એ-ખાક થયા વાજિદ ખાન
સલીમ મર્ચન્ટે ટ્વિટ કરીને વાજિદ ખાનના નિધનની પુષ્ટિ કરી હતી. સોમવારે બપોરે મુંબઈના વર્સોવાના કબ્રસ્તાનમાં વાજિદ ખાનને દફનાવવામાં આવ્યા. અહીં તેમના પરિવારના નજીકના લોકો સહિત કેટલાક સેલેબ્સ પણ પહોંચ્યા હતા. લોકડાઉનને કારણે વધુ લોકો તેમના અંતિમ દર્શન કરી શક્યા નહીં.
વાજિદ ખાનના નિધનથી ભાઈ સાજિદ ખાન ખૂબ જ દુઃખી છે. બંનેની જુગલબંદીએ બોલિવૂડને અનેક હિટ સોન્ગ આપ્યા છે. સાજિદ-વાજિદે ભેગાં મળીને મ્યુઝિકની જર્ની શરૂ કરી હતી. બંને સાથે જ મ્યુઝિક કમ્પોઝ કરતા હતા. વાજિદે ઘણી ફિલ્મોમાં ગીત પણ ગાયા હતા.
તમને જણાવી જઈએ કે, સાજિદ-વાજિદે સલમાન ખાનની ઘણી ફિલ્મોનું મ્યુઝિક કમ્પોઝ કર્યું હતું. વાજિદ ખાને ઈદ પર રિલીઝ થનારા સલમાનના સોન્ગ ભાઈ ભાઈ પણ સાજિદ સાથે મળીને કમ્પોઝ કર્યું હતું.