સુરત / તહેવાર મોતના માતમમાં ફેરવાયો : નજીવી તકરારમાં યુવકને ઉતારી દીધો મોતને ઘાટ, જાણો સમગ્ર કિસ્સો

• સુરતના ગોડાદરા વિસ્તારમાં નજીવી બાબતે હત્યા
• લાઈનમાં ઉભા રહેવા જેવી નજીવી બાબતે હત્યા
• અજાણ્યા શખ્સોએ ચપ્પુના ઘા મારીને કરી હત્યા

સુરતમાં ગુનાખોરીનો ગ્રાફ સતત વધી રહ્યો છે ત્યારે તહેવારોની સિઝનમાં પણ હત્યાની ઘટના સામે આવી છે, ભાઈબીજના દિવસેની પૂર્વ સંધ્યાએ ત્રણ બાઈક સવારોએ સામાન્ય ઝગડામાં એક યુવકની છરીના ઘા મારીને હત્યા નીપજાવી દેતા સમગ્ર પંથકમાં અરેરાટી ફેલાઈ ગઈ છે. 

લાઈનમાં ઉભા રહેવા જેવી નજીવી બાબતે હત્યા

ઘટનાની વાત કરીએ તો પેટ્રોલ પંપ પર લાઈનમાં ઉભા રહેવા જેવી નજીવી બાબતે અજાણ્યા શખ્સોએ એક યુવકની હત્યા કરી ફરાર થઈ ગયા હતા જેમાં યુવક ગંભીર રીતે ઘાયલ થતા તેને સારવાર અર્થે લઈ જવામાં આવ્યો પરતું તબીબોએ તેને મૃત જાહેર કર્યો હતો. ઘટનાને પગલે પરિવારમાં મોતનો માતમ છવાઈ ગયો છે. 

અજાણ્યા શખ્સોએ ચપ્પુના ઘા મારીને કરી હત્યા

તહેવારોમાં પરિવારને બહાર સંબંધીને ત્યાં જવાનું હોવાથી યુવકના પિતાના કહેવાથી પેટ્રોલ ભરાવવા આવેલા યુવકે લાઈનમાં ઊભા રહેવા બાબતે ટકોર કરતા અજાણ્યા યુવકોએ છરીના ઘા ઝીંક્યા હતા, મિત્ર સાથે યુવકને ત્રણ બાઇક સવારો પેટ્રોલ પમ્પ બહાર જ મિત્રની નજર સામે ઉપરા ઉપરી છરીના ઘા મારી મોતને ઘાટ ઉતારી દીધો હતો અને બાદમાં ફરાર થઈ ગયા હતા. જો કે સમગ્ર ઘટના સીસીટીવીમાં કેદ થઈ જતા પોલીસે ઘટનાને લઈને વધુ તપાસ હાથ ધરી છે. અને ફરાર આરોપીઓને ઝડપી લેવા શોધખોળ હાથ ધરી છે.  

સીસીટીવીને આધારે પોલીસ તપાસ હાથ ધરી 

મહત્વનું છે કે ઘટના બાદ યુવકને તાત્કાલિક સારવાર અર્થે હોસ્પિટલ ખસેડાયો હતો પરતું તબીબોએ તેને મૃત જાહેર કર્યો હતો. પરિવારને ઘટનાની જાણ થતાં જ હોશ ઉડી ગયા હતા અને દિવાળીના તહેવારોમાં જ પરિવારમાં મોતનો માતમ છવાઈ ગયો છે. એક ની એક બહેનનો ભાઈ, ભાઈબીજની પૂર્વ સંધ્યા એ જ ભગવાન પાસે ચાલી ગયો હતો. નવા વર્ષની ખુશીનો માહોલ ગણતરીની સેકન્ડમાં મોતના માતમમાં ફેરવાઈ ગયો હતો. જોકે યુવકની હત્યા બાદ પોલીસે CCTVના આધારે તપાસ હાથ ધરી છે.