રાજકોટના રસુલપુર વિસ્તારમાં રહેતા એક ભાઈએ પોતાના કૌટુંબિક ભાઈની હત્યા કરી છે. ધંધાની હરીફાઇમાં પિતરાઇ ભાઇએ જ ભાઇની હત્યા કરી છે. શહેરના ગોંડલ રોડ પર આવેલા રસુલપરાના પાટીયા પાસે ઘાસચારાના ધંધાની હરીફાઈમાં કૌંટુંબિક ભાઇઓએ વચ્ચે મારામારી થઈ હતી જો કે થોડા સમયમાં જ આ ઘટનાએ ઉગ્ર સ્વરૂપમાં બદલી હતી. ત્યારે પિતરાઈ ભાઈએ 10 જેટલા શખ્સોએ બાઈક પર આવીને ભાઈ પર હુમલો કર્યો હતો.
આ દરમિયાન એક ભાઈનું ઘટના સ્થળે મોત નિપજ્યુ હતું જ્યારે બીજા ભાઈને ગંભીર ઈજા થઈ છે. આ ઘટનાની જાણ થતા પોલીસના અધિકારીઓ ઘટના સ્થળે દોડી આવ્યા હતા. ત્યારે હવે પોલીસે અલગ-અલગ ટીમો બનાવીને આરોપીઓને ઝડપી પાડવા માટે ચક્રો ગતિમાન કર્યા છે.
આ ઘટનાની મળતી વિગત પ્રમાણે રસુલપરાનાં બજરંગ સોસાયટીમાં રહેતા જેસીંગ મેરા શિયાળીયા રવિવારે સવારે તેનાં માસિયાઇ ભાઇ વેજા ખીમા અલગોતર અને પુત્ર લક્ષ્મણ જેસીંગ શિયાળીયા સાથે રસુલપરા પાટીયા પાસે ઘાસચારાના થડે બેઠા હતા. માસિયાઇ ભાઇને ચા પિવડાવવા માટે જેસિંગ શિયાળીયા નજીકમાં આવેલ રવેચી ચાની હોટલે પહોંચ્યા હતા.
જો કે થોડીવાર માંજ તેનાં કૌંટુંબિક ભાઇ વરજાંગ શિયાળીયા નવઘણ શિયાળીયા કરણ ઉર્ફે ગીગો અને લાલો મેલા શિયાળીયા સહિતનાં 10 જેટલા શખ્સો બાઇકમાં હથિયારો સાથે આવી પહોંચ્યા હતા અને જેસિંગ શિયાળીયા અને તેનાં માસિયાઇ ભાઇ વેજા અલગોતર પર છરી ધારીયા જેવા હથિયારોથી હુમલો કર્યો હતો. જેમાં જેસિંગ શિયાળીયાનું ઘટના સ્થળે જ મોત થયું હતું.