માનવતાની સુવાસ / દવાખાનામાં દાખલ 83 વર્ષના બા ના બર્થ ડે પર પોલીસકર્મીએ જે કર્યો એ જોઈને આંખો ભીની થઈ જશે

• મુંબઈ પોલીસનું માનવતાવાદી વલણ સામે આવ્યું
• પોલીસકર્મી વૃદ્ધ મહિલા માટે કેક લઇને હોસ્પિટલ ગયા
• પોલીસકર્મીની માનવતા જોઈને લોકોએ પોલીસના વખાણ કર્યા

ટ્વિટર પર શેર કરી ફોટો

જયપ્રકાશ સૂર્યવંશી બાંદ્રા પોલીસ સ્ટેશનમાં કોન્સ્ટેબલ તરીકે કાર્યરત છે, તે હોસ્પિટલમાં દાખલ થયેલા એક 83 વર્ષીય વૃદ્ધ મહિલા માટે બર્થ-ડે પર કેક લઇને પહોંચ્યા. મુંબઈ પોલીસના ટ્વિટર પેજ પર આ ફોટો શેર કરવામાં આવી છે. જેમાં વૃદ્ધ મહિલા હોસ્પિટલના બેડ પર સૂઇ રહી છે અને પોલીસકર્મી જયપ્રકાશ તેની સામે કેક રાખી રહ્યાં છે. આ વૃદ્ધ મહિલાનું નામ Martina Pereira છે. તેનુ રસોડુ ભીનુ હતુ. જેના કારણે પગ લપસી જવાના કારણે પડી ગયા હતા. તે 8 કલાક સુધી આ રીતે રહ્યાં. તે ખૂબ કમજોર હતા. મદદ માટે તેઓ કોઈને બોલાવી શકતા ન હતા. જ્યારે સિક્યોરિટી ગાર્ડ તેના માટે જમવાનુ લઇને આવ્યો તો તેને થોડી ગડબડ લાગી. પછી તેણે પાડોશીઓને સમગ્ર વાતથી વાંકેફ કર્યા. પોલીસે દરવાજો ખોલ્યો તો વૃદ્ધ મહિલા અંદર પડી હતી. 

Delivering cake & happiness

Realising it's Martina Pereira's 83rd Birthday but she’s admitted at the hospital after a fall at home, PSI Jayprakash Suryavanshi, Bandra PStn surprised her with a cake on her hospital bed. We wish Ms Pereira a speedy recovery #MumbaiPoliceForAll pic.twitter.com/PtvvTGKFf9

— Mumbai Police (@MumbaiPolice) February 1, 2022

પોલીસ વૃદ્ધ મહિલાને તાત્કાલિક લઇ ગઇ હોસ્પિટલ 

આ મહિલાની તબિયત ખૂબ ખરાબ હતી. તેને તાત્કાલિક હોસ્પિટલમાં લઇ જવામાં આવી. માર્ટિનાની મદદ કરવા આસિસ્ટન્ટ ઈન્સ્પેક્ટર Pallavi Kulkarni ત્યાં પહોંચી હતી. ત્યારબાદ જ્યારે પોલીસને ખબર પડી કે તેમનો બર્થ ડે છે તો જયપ્રકાશ જાતે તેમના માટે કેક લઇ હોસ્પિટલ ગયા હતા. લોકોને જ્યારે મુંબઈ પોલીસના માનવતાવાદી વલણ અંગે જાણકારી મળી તો તેમણે ટ્વિટ કરી પોલીસના વખાણ કરવાનું શરૂ કર્યુ. લોકોએ વૃદ્ધ મહિલા જલ્દી સાજી થાય તેવી પ્રાર્થના પણ કરી.