PHOTOS / ભારે વરસાદને લીધે 9 સ્ટેટ હાઈવે પર વાહન વ્યવહાર ઠપ, તો મુંબઈની હાલાકીની કહાની આ તસ્વીરોમાં કેદ

• 12 કલાકમાં એટલો વરસાદ પડ્યો છે જે છેલ્લા 46 વર્ષમાં નહોતો પડ્યો
• મુંબઈમાં ભારે વરસાદને કારણે એલર્ટ જાહેર કરવામાં આવ્યું 
• સરકારે લોકોને ઘરની બહાર ન નીકળવા અપીલ કરી છે.

બીએમસીનીએ હેલ્પલાઈન નંબરોનું લિસ્ટ જાહેર કર્યુ છે. ભારે વરસાદને કારણે બીએમસીને 150 વુક્ષો પડ્યાની ફરિયાદ મળી છે. આ ઉપરાંત રસ્તા પર ટ્રાફિક જામ જોવા મળ્યો છે. આ ઉપરાંત ભિવંડી બાયપાસ, મુબ્રા બાયપાસ પર ગાડીઓની લાંબી લાઈન જોવા મળી છે.  મુંબઈમાં NDRFની 5 ટીમ કામે લાગી છે. કોલ્હાપુરમાં 4, સાંગલીમાં 2, સતારા,થાણેમાં 1-1 ટીમ, નાગપુરમાં પણ 1 ટીમ રેસ્ક્યુ ઓપરેશનમાં જોડાઈ છે. કોલાબામાં 12 કલાકમાં 12 ઈંચથી વધુ વરસાદ વરસ્યો છે.

દક્ષિણ મુંબઈના અનેક વિસ્તારોમાં પાણી ભરાઈ ગયા છે. અને મુંબઈ, થાણે, પાલઘરમાં હજુ પણ રેડ અલર્ટ જાહેર કરી દેવામાં આવ્યું છે. પ્રધાનમંત્રી નરેન્દ્ર મોદીએ પણ વરસાદ બાદની સ્થિતિ મામલે ઉદ્ધવ ઠાકરેને ફોન કર્યો છે.

PM મોદીએ તમામ શક્ય મંદદની વાત કરી છે. કોલોબામામાં  106 કિમીની ઝડપે પવન ફૂંકાઈ રહ્યો હતો. જેના કારણે વાવાઝોડા જેવી સ્થિતિ પણ સર્જાઈ હતી. મુંબઈમાં છ જગ્યાએ દિવાલ અને મકાન તૂટી પડવાની ઘટના બની છે. કોંકણમાં પણ સતત વરસાદના કારણે મુખ્ય 4 નદીઓ ભયજનક સપાટીએ વહી રહી છે.. જેના કારણે અનેક ગામડાઓનો સંપર્ક તૂટી ગયો છે.

ફાયર બ્રિગેડની એક ગાડી મુંબઈના માર્ગો પર ફરી રહી છે. રોડ પર એટલું બધું પાણી ભરાઈ ગયું છે કે ભારે ભરખમ ટ્રકને પણ ચલાવામાં મુશ્કેલી થઈ રહી છે. તો રોડની બન્ને સાઈડ દુકાનો અડધી પાણીમાં ડૂબી ગઈ છે.  રોડની સાઈડમાં પડેલી એક કાર તો પાણીના વેવ્સ અડતા હાલક ડોલક થવા લાગી. આ કાર પાણીમાં તરી રહી છે. હજારોની સંખ્યામાં ટુવ્હીલર રોડ પર આમ તેમ પાણીના વહેણમાં તણાઈ રહ્યા. 

મુંબઈની મસ્જિદ અને ભાયખલા સ્ટેશન વચ્ચે 2 લોકલ ટ્રેન રેલવે ટ્રેક પર પાણી ભરાવાના કારણે ફસાઈ ગઈ હતી. જેમાંથી 150 યાત્રીઓને સુરક્ષિત બહાર કાઢી લેવાયા હતા. જ્યારે અન્ય બે ટ્રેનમાં 200 લોકો ફસાઈ ગયા છે. મુંબઈના કોલોબામાં 12 ઈંચથી વધુ વરસાદ પડી ગયો છે. તો દક્ષિણ મુંબઈમાં 46 વર્ષ બાદ ઓગસ્ટ મહિનામાં આવી સ્થિતિ સર્જાઈ છે. 46 વર્ષ પહેલા ઓગસ્ટ મહિનામાં 12 કલાકમાં 294 એમએમ વરસાદ થયો હતો. ઓગસ્ટમાં 1974માં કોલાબામાં 262 એમએમ વરસાદ થયો હતો. જ્યારે આ વર્ષે બુધવારે 293.8 એમએમ વરસાદ થયો છે. 

ઉલ્લેખનીય છે કે ભાયંદર પૂર્વમાં આવેલ પ્રમોદ મહાજન કોવિડ સેન્ટરમાં પાણી ભરાયા છે. આ 266 બેડનું છે. મુંબઇની જે.જે.હોસ્પિટલમાં ભરાયા પાણી પણ પાણી ભરતા દર્દીની પરેશાની વધી તબીબો પણ હેરાનગતિનો સામનો કરી રહ્યા છે.  મુંબઇની જે.જે.હોસ્પિટલનો વીડિયો સોશિયલ મીડિયામાં થયો વાયરલ થઈ રહ્યો છે. સતત વરસતા વરસાદને લીધે પાણી ઓસરી રહ્યાં નથી.