મુંબઈના એક ડાન્સ ગ્રુપે ભારતીયોને ફરી એકવાર ગર્વ કરવાનો મોકો આપ્યો છે. વી અનબીટેબલ નામના મુંબઈના ડાન્સ ગ્રુપે અમેરિકાના સૌથી મોટા ટેલેન્ટ શો 'અમેરિકાસ ગોટ ટેલેન્ટ: ધ ચેમ્પિયન્સ'નું ખિતાબ જીતી લીધું છે. સોમવારે (ભારતમાં મંગળવાર), વી અનબીટેબલ ડાન્સર્સે આ ખિતાબ પોતાના નામે કરી ધૂમ મચાવી દીધી છે. છેલ્લી વખત અમેરિકાના ગોટ ટેલેન્ટમાં પ્રથમ વખત ભારતીય તરીકે એન્ટ્રી લઈને આ ડાન્સ ગ્રુપની ખૂબ પ્રશંસા થઈ રહી હતી. તેમજ આ ગ્રુપ ફાઈનલમાં ચોથા સ્થાને રહ્યો હતો, પરંતુ આ વખતે આ ગ્રુપે આ ખિતાબ પોતાના નામે કરી લીધું છે.
મુંબઈના એક ડાન્સ ગ્રુપે અમેરિકામાં મચાવી ધમાલ
મુંબઈના એક ડાન્સ ગ્રુપે જીત્યો અમેરિકાનો ગોટ ટેલેન્ટ ખિતાબ
અમેરિકાના ગોટ ટેલેન્ટમાં પ્રથમ વખત ભારતીય તરીકે લીધી હતી એન્ટ્રી
WOW!! I knew V.Unbeatable was special from the moment they walked on stage. Thank you for opening up the world to us, @v_unbeatable. You deserve this incredible moment.
વી અનબીટેબલને રણવીર સિંહ, રેમો ડિસૂઝા જેવા ઘણાં સ્ટાર્સનો સપોર્ટ પણ મળ્યો છે. આ ડાન્સ ગ્રુપમાં 29 ડાન્સર્સ છે. તમને જણાવી દઈએ કે, અમેરિકાના ગોટ ટેલેન્ટનો ભાગ બનતા પહેલા આ ડાન્સ ગ્રુપ ડાન્સ પ્લસ 4 અને ઈન્ડિયા બનેગા મંચમાં પણ પર્ફોમન્સ આપી ચૂક્યું છે.
અમેરિકાના ગોટ ટેલેન્ટના ત્રણેય જજ Simon Cowell, Heidi Klum, Alesha Dixon અને Howie Mandel સિવાય ત્યાં હાજર તમામ ઓડિયન્સે વી અનબીટેબલને જીતનો ખિતાબ મળવા પર સ્ટેન્ડિંગ ઓવેશન આપ્યું હતું.
વી અનબીટેબલે રણવીર સિંહના ગીત 'તતડ તતડ' પર જોરદાર ડાન્સ કર્યો હતો, જે ખૂબ વાયરલ થયો હતો. આ ડાન્સ બાદ રણવીર સિંહે પણ આ ડાન્સ ગ્રુપના સમર્થનમાં એક વીડિયો શેર કર્યો હતો.
રણવીરે કહ્યું હતું કે, 'હું ખૂબ જ ખુશ છું કે, વી અનબીટેબલે અમેરિકાના ગોટ ટેલેન્ટની ફાઈનલમાં સ્થાન મેળવ્યું છે. હું આ ડાન્સ ગ્રુપને મારી શ્રેષ્ઠ શુભેચ્છા પાઠવું છું. હું એટલું જ કહેવા માંગુ છું કે, તમે વૈશ્વિક મંચ પર જે કંઈ પ્રાપ્ત કર્યું છે તે પોતે જ એક ઉદાહરણ છે. વૈશ્વિક મંચ પર તમે જે શાનદાર અંદાજમાં પ્રદર્શન કર્યું છે તેના દ્વારા તમે આખા દેશનું દિલ જીતી લીધું છે.