ડ્રગ્સ કેસ / મુંબઈ ક્રુઝ મામલો : ડ્રગ્સ કેસમાં મળ્યું બિટકોઈન કનેક્શન, અત્યાર સુધી 16 આરોપીની ધરપકડ

• ડ્રગ્સ મામલામાં 16 લોકોની ધરપકડ થઈ ચૂકી
• ડ્રગ્સ મામલામાં બિટકોઈન કનેક્શન સામે આવ્યું છે
• ફક્ત ચેટના આધાર પર કસ્ટડીમાં લેવામાં આવ્યા હતા

ડ્રગ્સ મામલામાં 16 લોકોની ધરપકડ થઈ ચૂકી

મુંબઈ ક્રુઝ મામલામાં અત્યાર સુધી 16 લોકોની ધરપકડ થઈ ચૂકી છે. આ વાતની જાણકારી નાર્કોટિક્સ કંટ્રોલ બ્યૂરોએ મુંબઈ નિર્દેશક સમીર વાનખેડેએ બુધવારે કરી છે.  સાથે તેમણે એમ પણ કહ્યું કે પાર્ટીમાં એનસીબીએ 2 ઓક્ટોબરે કાર્યવાહી કરી હતી. જે બાદ સ્થળ પરથી અધિકારીઓએ ડ્રગ્સ જપ્ત કર્યા હતા. બોલીવુડના શાહરુખ ખાનના દીકરા આર્યન ખાનની પણ એનસીબીએ ધરપકડ કરી હતી.

ડ્રગ્સ મામલામાં બિટકોઈન કનેક્શન સામે આવ્યું છે

સમાચાર એજન્સી એએનઆઈના જણાવ્યાનુંસાર પત્રકારો સાથેની વાતચીતમાં વાનખેડેએ કહ્યું, મામલામાં કુલ 16 ની ધરપકડ થઈ છે. કેટલીક કડીઓ બિટકોઈનખી મળી છે. પરંતુ તેને હાલ શેર ન કરી શકાય. આ તપાસમાં વિધ્ન  નાંખશે. બુધવારે મુંબઈની કોર્ટે ક્રુજ પર ડ્રગ્સ મામલામાં ધરપકડ થયેલા 4 વધુ લોકોને 14 ઓક્ટોબર સુધી એનસીબીની કસ્ટડીમાં મોકલી દેવામાં આવ્યા છે.

તમામની 3 ઓક્ટોબરે ધરપકડ કરાઈ હતી

સોમવારે આર્યન ખાન, અરબાઝ સેઠ મર્ચન્ટ, મુનમુન ધામનચા, વિક્રાંત ચોકર, ઈશ્મીત સિંહ, નુપુર સારિકા, ગોમિત ચોપડા અને મોહક જયસવાલને મુંબઈની એસ્પ્લેનેડ કોર્ટમાં રજૂ કરવામાં આવ્યા હતા. અહીંથી તમામને 7 ઓક્ટોબર માટે એનસીબીની કસ્ટડીમાં મોકલી દેવામાં આવ્યા હતા. વાનખેડે અનુસાર ડ્રગ્સ મામલામાં પૂછપરછ માટે 8 લોકોને કસ્ટડીમાં લેવામાં આવ્યા હતા. તમામની 3 ઓક્ટોબરે ધરપકડ કરાઈ હતી.

ફક્ત ચેટના આધાર પર કસ્ટડીમાં લેવામાં આવ્યા હતા

આર્યન ખાન તરફથી કોર્ટમાં રજૂ થયેલા વકીલ સતીશ માનશિંદે કહ્યુ હતું આરોપ નંબર-1 આર્યન ખાનને ક્રુઝ પાર્ટી માટે આમંત્રિત કરવામાં આવ્યા હતા. જો કે તેમની પાસે બોર્ડિંગ પાસે નહોંતો. તેમની પાસે કોઈ સીટ કે કેબિન નહોંતી અથવા બીજી વાત જબ્તી અનુસાર તેમની પાસે કંઈજ નહોંતુ મળ્યું. તેમને ફક્ત ચેટના આધાર પર કસ્ટડીમાં લેવામાં આવ્યા હતા.