પ્રજાસત્તાક દિવસ / પદ્મ પુરસ્કારોનું એલાન, મુલાયમ સિંહ યાદવને પદ્મ વિભૂષણ, ટોટલ 106 હસ્તીઓનું સન્માન

• 2023માં 106 પદ્મ પુરસ્કારોનું એલાન
• 6 પદ્મ વિભૂષણ, 9 પદ્મ ભૂષણ, 91 પદ્મશ્રી થશે એનાયત 
• દિલીપ મહાલાનોબિસ, મુલાયમ સિંહ, ઝાકિર હુસૈનને પદ્મ વિભૂષણ

રાષ્ટ્રપતિએ વર્ષ 2023 માટે 106 પદ્મ પુરસ્કારોની સૂચિને મંજૂરી આપી દીધી છે. આ યાદીમાં 6 પદ્મ વિભૂષણ, 9 પદ્મ ભૂષણ અને 91 પદ્મશ્રીનો સમાવેશ થાય છે. આ વખતે 19 એવોર્ડ વિજેતાઓ છે અને આ યાદીમાં રેનર્સ/એનઆરઆઈ/પીઆઈઓ/ઓસીઆઈની કેટેગરીમાં 2 વ્યક્તિઓ અને 7 મરણોત્તર એવોર્ડ વિજેતાઓનો પણ સમાવેશ કરવામાં આવ્યો છે.

#PadmaAwards | Late Samajwadi Party patron Mulayam Singh Yadav, late ORS pioneer Dilip Mahalanabis, musician Zakir Hussain, SM Krishna and Srinivas Varadhan to receive Padma Vibhushan. pic.twitter.com/8nXMm47kPV

— ANI (@ANI) January 25, 2023

6 હસ્તીઓને પદ્મ વિભૂષણ 
74માં ગણતંત્ર દિવસની પૂર્વ સંધ્યાએ પદ્મ પુરસ્કાર વિજેતાઓના નામની જાહેરાત કરવામાં આવી છે. સપાના દિવંગત નેતા મુલાયમ સિંહ યાદવ, સંગીતકાર ઝાકિર હુસૈન, દિવંગત દિલીપ મહાલાનોબિસ એસએમ કૃષ્ણા, શ્રીનિવાસ વર્ધન અને દિવંગત બાલકૃષ્ણ દોશીને પદ્મ વિભૂષણથી નવાજવામાં આવશે.

પદ્મ ભૂષણ માટે 9 નામ પસંદ કરાયા
એસ એલ ભયરપ્પા, કુમાર મંગલમ બિરલા, દીપક ધર, વાણી જયરામ, સ્વામી ચિન્ના જિયાર, સુમન કલ્યાણપુર, કપિલ કપૂર, સુધા મૂર્તિ અને કમલેશ ડી પટેલને પદ્મ ભૂષણથી નવાજવામાં આવશે.

Late SP patron Mulayam Singh Yadav, musician Zakir Hussain, late ORS pioneer Dilip Mahalanabis and S M Krishna to receive Padma Vibhushan. pic.twitter.com/EAXvFHw3Q9

— ANI (@ANI) January 25, 2023

91 હસ્તીઓને પદ્મશ્રી એવોર્ડ 
રાકેશ ઝુનઝુનવાલા (મરણોપરાંત), આરઆરઆર મ્યુઝિક કમ્પોઝર એમ.એમ.કેરાવાણી, અભિનેત્રી રવીના રવિના રવિ ટંડન સહિત 91 હસ્તીઓને પદ્મશ્રી એવોર્ડ એનાયત કરાયો છે. 

1954થી દર પ્રજાસત્તાક દિવસે અપાય છે એવોર્ડ 
ઉલ્લેખનીય છે કે પદ્મ વિભૂષણ, પદ્મભૂષણ અને પદ્મ શ્રી દેશના સર્વોચ્ચ નાગરિક પુરસ્કારોમાં સામેલ છે. 1954થી દર વર્ષે પ્રજાસત્તાક દિન નિમિત્તે આ પુરસ્કારોની જાહેરાત કરવામાં આવે છે. આ એવોર્ડ કલા, સાહિત્ય અને શિક્ષણ, રમતગમત, ચિકિત્સા અને સામાજિક કાર્યના ક્ષેત્રની હસ્તીઓને આ એવોર્ડ અપાય છે.