- અંબાણી પણ હેલ્થ સેક્ટરમાં જોડાશે
- યુએસની આ કંપની ખરીદવાની ચર્ચા
- જાણો સમગ્ર ડિટેલ્સ
ગૌતમ અદાણી બાદ મુકેશ અંબાણી હેલ્થ સેક્ટરમાં ઉતરવા જઈ રહ્યા છે. તે ટૂંક સમયમાં જ એક મોટી ડીલ પુરી કરી શકે છે. મુકેશ અંબાણીના સ્વામિત્વ વાળી કંપની રિલાયન્સ ઈન્ડસ્ટ્રીઝ અને યુએસ બાયઆઉટ ફર્મ અપોલો ગ્લોબલ મેનેજમેન્ટનું કંસોર્ટિયમ વાલગ્રીન્સ બૂટ્સ એલાન્યસ (Walgreens Boots Alliance) માટે બોલી લગાવવાના છે. આ કંસોર્ટિયમ બૂટ્સ કંપનીના આંતરરાષ્ટ્રીય કેમિસ્ટ અને ડ્રગસ્ટોર એકમોના અધિગ્રહણની બિલકુલ નજીક છે.
5 બિલિયન પાઉન્ડની છે વેલ્યુ
એક રિપોર્ટ અનુસાર Walgreens Boots Allianceના અધિગ્રહણ માટે એક રિપોર્ટ તૈયાર કર્યો છે. એક સૂત્રના હવાલે રિપોર્ટમાં કહેવામાં આવ્યું છે કે આ પ્રસ્તાવે વ્યાપારનું મુલ્ય 5 બિલિયન પાઉન્ડ રાખ્યું છે. ફંડિંગ માટે કંસોર્ટિયમ વૈશ્વિક નાણાકીય દિગ્ગજોની સાથે વાતચીત કરી રહ્યું હતું. જો આ સોદો પુરો થઈ જાય તો આ રિલાયન્સનું સૌથી મોટુ અધિગ્રહણ હશે.
અબજપતિ ઈસ્સા બ્રધર્સ પીછેહટ કરશે
રિલાયન્સ અપોલો કંસોર્ટિયમ માટે સંભાવનાઓ ત્યારે વધારે વધશે જ્યારે અબજપતિ ઈસ્સા બ્રધર્સ મોહસિન અને જુબેર ઈસ્સાએ તેના અધિગ્રહણ માટે પ્રસ્તાવને આગળ વધારવાના અનુરોધ પર રોક લગાવી દીધી છે. હવે એવુ માનવામાં આવી રહ્યું છે કે કંસોર્ટિયમથી આ કંપનીની ડીલ થવી લગભગ નક્કી છે.
7 અબજ પાઉન્ડની ડિમાન્ડ
આ મામલાને લઈને કહેવામાં આવી રહ્યું છે કે Walgreens, Boots લગભગ 7 બિલિયન પાઉન્ડની વેલ્યુએશન ડિમાન્ડ કરી રહ્યું છે. આ વ્યવસાય આખા યુકેમાં 2,200તી વધારે સ્ટોરોનું નેટવર્ક ચલાવે છે. સાથે જ ખાનગી લેબલ બ્રાન્ડ જેવા કે No7 બ્યૂટી કંપની અને અન્ય દેશોમાં સંચાલન કરે છે. રિપોર્ટમાં કહેવામાં આવ્યું છે કે આવતા અઠવાડિયે સૌથી વધારે બોલી લગાવનારને પસંદ કરવામાં આવી શકે છે.
અદાણીની મેટ્રોપોલિસ હેલ્થકેરમાં શેર ખરીદવાની તૈયારી
અદાણી ગ્રુપના હેડ અને દેશના બીજા અમીર વ્યક્તિ ગૌતમ અદાણી મેટ્રોપોલિસ હેલ્થકેર (Metropolis Healthcare)માં ભાગીદારી ખરીદવાની તૈયારી કરી રહ્યા છે. મિંટના એક રિપોર્ટમાં કહેવામાં આવ્યું છે કે મેટ્રોપોલિસને ખરીદવા માટે અદાણી અને અપોલો ગ્રુપની વાતચીત ચાલી રહી છે અને આ ડીલ લગભગ 1 બિલિયન ડોલરની હોઈ શકે છે.
