વડોદરાની MS યુનિવર્સિટીમાં શિક્ષણકાર્યને લઇ લોલમલોલ જોવા મળી રહ્યું છે. MS યુનિવર્સિટીની આર્ટ્સ ફેકલ્ટીમાં સત્તાધીશોની બેદરકારીના કારણે હજુ સુધી શિક્ષણ કાર્ય શરૂ નથી થયું.
Share
MS યુનિવર્સિટીમાં શિક્ષણકાર્યને લઇને લોલમલોલ
સત્તાધીશોની બેદરકારીના કારણે વિદ્યાર્થીઓ શિક્ષણથી વંચિત
5 હજારથી વધુ વિદ્યાર્થીઓ આર્ટસ ફેકલ્ટીમાં કરે છે અભ્યાસ
MS યુનિવર્સિટીની આર્ટસ ફેકલ્ટી ભવનનું 4 વર્ષથી ચાલી રહેલું રિનોવેશનનું કામ હજુ સુધી પૂર્ણ નથી થયું. જેના કારણે ફેકલ્ટીમાં વિદ્યાર્થીઓને બેસાડવાની કોઈ વ્યવસ્થા નથી. આ કામ દોઢ વર્ષમાં પૂર્ણ કરવાનું હતું. જેના 4 વર્ષ થવા છતાં કામગીરી હજુ પૂર્ણ થઇ નથી. જેથી આર્ટ્સ ફેકલ્ટીના વિદ્યાર્થીઓનું શિક્ષણ કાર્ય શરૂ થયું નથી. ઉલ્લેખનીય છે કે, MS યુનિવર્સિટીમાં 5 હજારથી વધુ વિદ્યાર્થીઓ અભ્યાસ કરે છે. આથી, સત્તાધીશોની શિક્ષણ કાર્ય શરૂ કરવાની કોઈ પણ પ્રકારની મનછા નથી દેખાઈ રહી.
છેલ્લાં 4 વર્ષથી આર્ટસ ફેકલ્ટી ભવનનું રિનોવેશનનું કામ ચાલી રહ્યું છે
તમને જણાવી દઇએ કે, દરેક વડોદરાવાસીઓની એવી ઇચ્છા હતી કે MS યુનિવર્સિટીની આર્ટસ ફેકલ્ટી ભવનનું જલ્દીમાં જલ્દી રિનોવેશન થાય. પરંતુ સત્તાધીશોએ 4 વર્ષ પહેલાં રિનોવેશનનું કામ આપ્યું હતું જે કામ શરૂ તો થઇ ગયું પરંતુ સતત 4 વર્ષથી ચાલી રહેલું આ કામ હજુ સુધી પૂર્ણ ન થતા આર્ટ્સ ફેકલ્ટીના એકપણ વિદ્યાર્થીનો નવા વર્ષમાં અભ્યાસ શરૂ નથી થયો. છેલ્લા 4 વર્ષથી ક્લાસરૂમની બેન્ચ પણ વિદ્યાર્થીઓની આતુરતાથી રાહ જોઇ રહી હોય તેવું દ્રશ્યમાં જોવા મળી રહ્યું છે.
અભ્યાસ માટેની વૈકલ્પિક વ્યવસ્થા ગોઠવવામાં પણ યુનિ.ના સત્તાધીશો ઉણા ઉતર્યા
જો કે, તંત્રએ વિદ્યાર્થીઓ માટેના અભ્યાસની તો વ્યવસ્થા નથી કરી પરંતુ તેના બદલામાં અભ્યાસ કરવા માટેની વૈકલ્પિક વ્યવસ્થા ગોઠવવામાં પણ યુનિવર્સિટીના સત્તાધીશો ઉણા ઉતર્યા છે. જેના કારણે આર્ટસ ફેકલ્ટીના વિદ્યાર્થીઓ શિક્ષણ વિના રઝળી રહ્યાં છે. તમને જણાવી દઇએ કે, માત્ર 2-3 વર્ષમાં આ કામ પૂરું કરવાનું હતું પરંતુ ચોથું વર્ષ શરૂ થઇ ગયું હોવા છતા રિનોવેશનનું કામ હજુ સુધી પૂર્ણ નથી થયું.
વિદ્યાર્થીઓએ પરીક્ષા આપવા બીજી ફેકલ્ટીમાં જવું પડે છે : વિદ્યાર્થી
આ અંગે વિદ્યાર્થીઓનું કહેવું છે કે, 'અમે ડિનને 2-3 વખત નોટિસ પણ આપી હતી કે તમે જલ્દી ક્લાસો શરૂ કરો. કારણ કે વિદ્યાર્થીઓને ખૂબ સમસ્યા ઉભી થાય છે. વિદ્યાર્થીઓએ અહીંથી બીજી ફેકલ્ટીમાં જઇને એક્ઝામ આપવા કે ક્લાસ એટેન્ડ કરવા જવું પડે છે.'
સળગતા સવાલ
દોઢ વર્ષમાં રિનોવેશન કરી દેવાના વાયદાનું શું થયું?
4 વર્ષ થવા છતાં રિનોવેશન પૂર્ણ કેમ નથી થયું?
રિનોવેશન કામગીરી કરનારા વિરૂદ્ધ કાર્યવાહી કેમ નથી કરવામાં આવતી?
