બરોડા ક્રિકેટ એસોસિએશન(BCA)માં એમ.એસ. યુનિવર્સિટી(MSU)નું પ્રતિનિધિત્વ અટકાવવા પ્રયાસ થઇ રહ્યા હોવાનું સિન્ડિકેટ મેમ્બર મયંક પટેલ દ્વારા આક્ષેપ લગાવવામાં આવી રહ્યા છે. એમ.એસ.યુનિવર્સિટી અને BCA આ મામલે સામસામે આવી ગયા છે. આ બન્ને સંસ્થાઓ બદલાતા નિયમના કારણે સામસામે આવી ગઈ છે.
BCA અને MSU વચ્ચે વિવાદ
MSUને પ્રતિનિધિત્વન ન મળતા વિવાદ
MSUના વિદ્યાર્થી સંગઠનોએ નોંધાવ્યો વિરોધ
ક્રિકેટ એટલે જેન્ટલમેન ગેમ કહેવામાં આવે છે, વડોદરાના મહારાજા સર સયાજીરાવ ગાયકવાડે ક્રિકેટને પ્રોત્સાહિત કરવા માટે ક્રિકેટ મેદાનનો પણ બનાવ્યા હતા. સાથે MS યુનિવર્સિટીમાં ભણતા વિદ્યાર્થીઓને પણ ક્રિકેટ માટે તૈયાર કરવાની સુવિધા ઉપલબ્ધ કરાવવામાં આવી હતી. વર્ષોથી બરોડા ક્રિકેટ એસોસિએશનમાં સ્ટેક હોલ્ડર તરીકે MS યુનિવર્સિટી નું પ્રતિનિધિત્વ જોવા મળતું હતું, પરંતુ આ વર્ષે BCAના અધિકારીના જણાવ્યા મુજબ BCCIના નિયમોમાં લોઢા કમિટીના નિયમોને પણ સાથે રાખી BCA દ્વારા બંધારણીય હક્કો મામલે સુપ્રીમ કોર્ટમાંથી મંજૂરી લેવાય છે.
સૌથી મોટો સવાલ સિન્ડીકેટ મેમ્બર મયંક પટેલએ ઉભો કર્યો
જેમાં સ્ટેક હોલ્ડર સીધેસીધું BCAમાં પ્રતિનિધિત્વ નહીં કરી શકે, મેનેજિંગ કમિટીમાં તેમને કોઇ સ્થાન નહીં રહે, સાથે એક્ઝિક્યુટિવના પાવર પણ નહીં રહે. આવા સંજોગોમાં MS યુનિવર્સિટીનું પ્રતિનિધિત્વ કરવા માટે સિન્ડિકેટર મેમ્બર મયંક પટેલની નિયુક્તિ કરાઇ છે. જેમનું સ્પષ્ટ કહેવું છે કે બિહાર ક્રિકેટ એસોસિએશન સાથે બીજા ક્રિકેટ એસોસિએશનની અપીલને પણ ધ્યાનમાં રાખી 9 ઓગસ્ટ 2018ના રોજ સુપ્રીમ કોર્ટની ડિવિઝનલ બેન્ચે એક મહત્વનો ચુકાદો આપ્યો હતો. આ બેંકમાં જજ તરીકેના દીપક મિશ્રા એએમ ખાંડવીલકર અને ડોક્ટર ડી.વાય. ચંદ્રચુડ હતા. જેમણે ક્રિકેટ એસોસિએશનોમાં સ્ટેક હોલ્ડર તરીકે યુનિવર્સિટીને પણ સ્થાન આપવામાં આવ્યું હતું. તેમને તમામ હક્કો પણ આપવામાં આવ્યા હતા. આવા સંજોગોમાં બરોડા ક્રિકેટ એસોસિએશન કયા પ્રકારે BCAમાં MS યુનિવર્સિટી નું પ્રતિનિધિત્વ અટકાવવા તૈયાર થયું છે તે સૌથી મોટો સવાલ સિન્ડીકેટ મેમ્બર મયંક પટેલએ ઉભો કર્યો છે.
BCAની રમાતી મેચોને બંધ કરવા માટે યુનિવર્સિટીના વિદ્યાર્થીઓ સામે આવ્યા હતા
મયંક પટેલે કહ્યું કે BCA દ્વારા જ અમને લેખિતમાં 17 ડિસેમ્બર 2020ના રોજ આપેલા લેટરમાં યુનિવર્સિટીને લીગલ સ્થાન આપ્યું છે, તો BCAની નવી બોડી કેમ આવા પ્રશ્નો ઊભા કરે છે તે ચર્ચાનો વિષય બન્યો છે. તો આ મામલે યુનિવર્સિટીના DN હોલ ખાતેના ક્રિકેટ સ્ટેડિયમમાં BCAની રમાતી મેચોને બંધ કરવા માટે યુનિવર્સિટીના વિદ્યાર્થીઓ આજે સામે આવ્યા હતા અને વિરોધ વ્યક્ત કર્યો હતો. સાથે લખાણો ઉપર કાળો કૂચડો મારી વિરોધ વ્યક્ત કર્યો હતો.
મયંક પટેલ સ્ટેક ફોલ્ડર તરીકે BCAના સભ્ય રહેશે, પરંતુ તેઓ કોઈ નિર્ણય નહીં લઈ શકે
જોકે BCAના પ્રવક્તા સત્યજીતસિંહ ગાયકવાડે કહ્યું કે BCCI દ્વારા જે નિયમો બનાવવામાં આવ્યા છે, તેમાં સ્ટેક હોલ્ડરને મેનેજિંગ કમિટીમાં અને એક્ઝિક્યુટિવ પાવરમાં સમાવવા કે નહીં તે જે તે એસોસિએશન નક્કી કરશે. તેમ હોવાથી બરોડા ક્રિકેટ એસોસિએશન MS યુનિવર્સિટીના સિન્ડીકેટ મેમ્બર જે નિયુક્ત થયા છે મયંક પટેલને તમામ હકોથી વંચિત રાખ્યા છે. જોકે યુનિવર્સિટીનું પ્રતિનિધિત્વ કરતાં મયંક પટેલ સ્ટેક ફોલ્ડર તરીકે BCAના સભ્ય રહેશે, પરંતુ તેઓ કોઈ નિર્ણય નહીં લઈ શકે. એક્ઝીક્યુટીવ કમિટીના પાવર નહીં હોય તેમની સાથે સાથે મેનેજિંગ કમિટીમાં પણ તેમને સ્થાન નહીં મળે. જેથી સમગ્ર વિવાદ અહીં એક રીતે પૂર્ણ થતો કહી શકાય પરંતુ આ મામલાને મયંક પટેલ ચેલેન્જ કરે તેવી શક્યતા છે. તે મામલે મયંક પટેલે BCCIઅને સુપ્રીમ કોર્ટના દ્વાર ખખડાવવા પડી શકે છે.
મહારાજા સયાજીરાવ ગાયકવાડના સપનાની બે સંસ્થાઓ બદલાતા નિયમના કારણે સામસામે આવી ગઈ છે. જોકે નવા બંધારણ અને લોઢા કમિટીની ભલામણના કારણે BCA નવા નિયમો ફોલો કરી રહ્યુ છે, ત્યારે હવે આ વિવાદ કેટલો વકરશે તે જોવુ રહ્યું.