જાહેરાત ? / IPLમાંથી રિટાયરમેન્ટ માટે ધોનીએ કર્યું આ એલાન, કહ્યું મારી ઈચ્છા છે કે છેલ્લી મેચ રમું ત્યારે...

• IPL 2021માં ચેન્નઈ સુપર કિંગ્સે પ્લેઓફમાં પોતાનું સ્થાન પાક્કુ કર્યુ
• મહેન્દ્ર સિંહ ધોનીએ આપ્યું ચોંકાવનારું નિવેદન
• ચેન્નઈ તરફથી છેલ્લી મેચ રમ્યા બાદ ધોની IPLમાંથી લેશે નિવૃત્તિ ?

સીએસકે તરફથી રમતા જોશો ત્યારે મારી ફેરવેલ ગણાશે: ધોની

મંગળવારે ધોનીએ એક કાર્યક્રમમાં આ નિવેદન આપ્યું. ધોનીએ કહ્યું કે જો ફેરવેલની વાત કરીએ તો જ્યારે તમે મને સીએસકે તરફથી રમતા જોશો ત્યારે મારી ફેરવેલ ગણાશે. કારણકે તમને મને વિદાય આપવાની તક મળશે. મને આશા છે કે હું ચેન્નઈ ટીમમાં આવ્યો અને ત્યાં મારા પ્રશંસકો વચ્ચે હું મારી અંતિમ મેચ રમી શકુ.

2020માં આંતરરાષ્ટ્રીય ક્રિકેટમાંથી લીધો હતો સંન્યાસ 

મહત્વનું છે કે, મહેન્દ્ર સિંહ ધોની 15 ઓગષ્ટ, 2020ના રોજ આંતરરાષ્ટ્રીય ક્રિકેટને અલવિદા કહી ચૂક્યો છે. ત્યારબાદ તેઓ ફક્ત આઈપીએલમાં ચેન્નઈ સુપર કિંગ્સ તરફથી રમે છે. ગયા વર્ષે આઈપીએલમાં જ્યારે ચેન્નઈની ટીમ કશું કરવામાં અસમર્થ નિવડી હતી ત્યારે માનવામાં આવતુ હતુ કે ધોની આઈપીએલ પણ છોડી દેશે. પરંતુ ત્યારે તેમણે સ્પષ્ટ ઈન્કાર કર્યો હતો.

ચાલુ વર્ષે CSKમાં ધોનીનું કંગાળ પ્રદર્શન

હવે ચાલુ વર્ષે આઈપીએલમાં ચેન્નઈ સુપર કિંગ્સે સારું પ્રદર્શન કર્યુ છે અને પ્લેઓફમાં પોતાનું સ્થાન પાક્કુ કરી નાખ્યું છે. પરંતુ મહેન્દ્ર સિંહ ધોનીના ફોર્મની સ્થિતિ થોડી સારી નથી. તેઓ એક મેચમાં વિનિંગ સિક્સ લગાવ્યાં સિવાય ધોની બેટીંગથી કોઈ કમાલ કરી શક્યા નથી.

કોરોનાના કારણે આઈપીએલની થોડી મેચ યુએઈમાં રમાઈ

જો ચેન્નઈની વાત કરીએ તો એમએસ ધોનીએ ચેન્નઈમાં આઈપીએલમાં અંતિમ મેચ 2019માં રમી હતી. ત્યારબાદ કોરોનાના કારણે આઈપીએલ યુએઈમાં રમવામાં આવ્યો અને ચાલુ વર્ષની આઈપીએલની અડધી મેચ ભારતમાં રમવામાં આવી રહી છે ત્યારે ચેન્નઈએ પોતાની મેચ ફક્ત મુંબઈમાં રમી છે.