કહેવુ પડે હોં / Photos: ફરી છવાઈ ધોની-પંડ્યાની મિત્રતા, એક ફોટોના કારણે સોશ્યલ મીડિયામાં લોકો કરી રહ્યા છે ચર્ચા

• એક વખત ફરીથી છવાઈ ધોની-પંડ્યાની મિત્રતા
• આ તસ્વીર હાર્દિક પંડ્યાએ પોસ્ટ કરી
• ધોની અને પંડ્યા એક સ્પેશિયલ બાઈક પર બેઠા છે

ભારતીય ટીમ ન્યુઝીલેન્ડ સામે ટી20 શ્રેણીમાં ટકરાશે

ન્યુઝીલેન્ડને વન-ડે  સીરીઝમાં 3-0થી હરાવ્યાં બાદ હવે ભારતીય ટીમ ટી20ની જંગ લડવાની છે. ત્રણ મેચની ટી20 સીરીઝની પહેલી મેચ ધોનીના શહેર રાંચીમાં રમાશે. ભારતીય ટીમ અને ન્યુઝીલેન્ડની ટીમો રાંચી પહોંચી ગઇ છે. આમ રાંચી ટી20 પહેલા એક તસ્વીર સોશિયલ મીડિયામાં ધૂમ મચાવી રહી છે. આ તસ્વીર ધોની અને હાર્દિક પંડ્યાની છે. તસ્વીર હાર્દિક પંડ્યાએ પોસ્ટ કરી છે, જેમાં તેઓ બાઈક પર બેઠા છે અને તેમની સાથે ધોની પણ છે. 

ધોની અને પંડ્યા એક સ્પેશિયલ બાઈક પર બેઠા છે. આવી બાઈકનો શોલે ફિલ્મમાં ઉપયોગ થયો હતો અને હાર્દિક પંડ્યાએ ધોનીની સાથે વીડિયોમાં આ વાત લખી. પંડ્યાએ ધોનીની સાથે પોસ્ટ કરેલી ફોટોમાં લખ્યું, શોલે પાર્ટ-2 ટૂંક સમયમાં આવી રહી છે. 

Sholay 2 coming soon 😉 pic.twitter.com/WixkPuBHg0

— hardik pandya (@hardikpandya7) January 26, 2023

ધોનીની નજીક છે પંડ્યા 

ઉલ્લેખનીય છે કે હાર્દિક પંડ્યા અને ધોની ખૂબ જ ક્લોઝ છે. પંડ્યાના મુશ્કેલીના સમયમાં ધોનીએ તેમનો સાથ આપ્યો હતો. પંડ્યા જ્યારે વર્ષ 2021 ટી20 વર્લ્ડ કપ બાદ ભારતીય ટીમમાંથી બહાર થયા હતા ત્યારે તેઓ ધોનીના સંપર્કમાં હતા. મહત્વનું છે કે રાંચી ટી20 હાર્દિક પંડ્યા માટે ખૂબ ખાસ છે. પંડ્યા ટી20 ટીમના કેપ્ટન છે અને તેઓ ધોનીના શહેરમાં પહેલી વખત ટીમ ઈન્ડિયાની આગેવાની કરતા દેખાશે.

Thala Dhoni is getting ready for IPL 2023. pic.twitter.com/2sMk2IWVil

— Johns. (@CricCrazyJohns) January 25, 2023

પંડ્યાની આગેવાનીમાં ભારતીય ટીમ વિજય 

ઉલ્લેખનીય છે કે હાર્દિક પંડ્યા ત્રણ ટી20 શ્રેણીમાં ભારતીય ટીમની આગેવાની કરી ચૂક્યા છે અને ત્રણેયમાં તેમને જીત મળી છે. પંડ્યાની આગેવાનીમાં ભારતીય ટીમે આયરલેન્ડ, ન્યુઝીલેન્ડ અને શ્રીલંકાને ટી20 શ્રેણીમાં પરાજય આપ્યો છે.