વાયરલ વિવાદ / બનાસકાંઠાના કથિત આપત્તિજનક વાયરલ ફોટાનો મામલો, સાંસદ પરબત પટેલનું નિવેદન 'વાયરલ ફોટોગ્રાફ એડિટ કરાયા છે'

• સાંસદ પરબત પટેલના કથિત ફોટોનો વિવાદ
• પરબત પટેલની કથિત ફોટો અંગે સ્પષ્ટતા
• ફોટોમાં છેડછાડ કરીને વાયરલ કરાયા

બનાસકાંઠાથી ભાજપના સાંસદ પરબત પટેલનો ફોટો સોશિયલ મીડિયામાં વાઈરલ થયા બાદ રાજકીય ચર્ચાઓને વેગ મળ્યો છે. જો કે, આ ફોટો ભાચર ગામના મઘાભાઈ પટેલ નામના વ્યકિતએ ફેસબુક પોસ્ટ દ્વારા વાઈરલ કર્યો છે.   આ સાથે FB પોસ્ટમાં નેતાનો આપતિજનક વીડિયો વાયરલ કરવાની ધમકી આપી છે. સાથે 15 ઓગસ્ટના દિવસે 12:39 કલાકે વીડિયો જાહેર કરવાની વાત કરી છે. જો કે, આ વ્યક્તિએ વીડિયોમાં કયા નેતા છે. તેનું નામ જાહેર કર્યું નથી. પરંતુ વીડિયો જાહેર કરવાની વાત કરનારા મઘાભાઈ પટેલે કહ્યું કે, તે તમને 15 ઓગસ્ટના દિવસે ખબર પડી જશે.

વાઈરલ ફોટો અંગે ભાજપ સાંસદ પરબત પટેલની સ્પષ્ટતા

હજુ સુધી વાયરલ કરનારે સ્પષ્ટ કર્યું નથી કે ફોટોમાં કોણ છે. પરંતું વાયરલ ફોટોમાં તે નેતા સાંસદ પરબત પટેલ હોવાનો આરોપ થઈ રહ્યો છે. ત્યારે સાંસદ પરબત પટેલે કથિત ફોટો અંગે સ્પષ્ટતા કરીને કહ્યું, ફોટોમાં છેડછાડ કરીને વાયરલ કરાયા છે,   વાયરલ ફોટોગ્રાફ એડિટ કરાયા છે. સાંસદે વાયરલ ફોટોગ્રાફ પણ ન જોયા હોવાની વાત કહી છે. સમગ્ર મામલે સાંસદે હાલ ફરિયાદ કરવાની વાત કરી નથી.

શું છે આ વીડિયો અને કયા નેતાના કાંડનો થઈ શકે છે પર્દાફાશ

બનાસકાંઠાના મઘાભાઈ પટેલે મીડિયામાં થોડા દિવસ અગાઉ એક દાવો કર્યો હતો. જેમાં તેમણે ભાજપના એક મોટા નેતાની સીડી તેમની પાસે છે. તેવો દાવો કરાયો છે. આ સીડીમાં પાલનપુર સર્કિટ હાઉસમાં નેતાજીની રંગરેલીયાના દ્રશ્યો હોવાની વાત કરવામાં આવી રહી છે.   ત્યારે ફેસબુક પર પોસ્ટ કરનાર મઘા પટેલે કહ્યું, મારી પાસે ભાજપના મોટા નેતાનો વીડિયો છે. જે હું 15 ઓગસ્ટે જાહેર કરીશ. નેતાઓ ભાષણોમાં અલગ વાત કરે છે અને તેઓ હોય છે અલગ તેવું   મઘાભાઈ પટેલ દ્વારા આપવામાં આવ્યું છે.

સમગ્ર મામલો હવે સોશિયલ મીડિયા પર ખૂબ ચર્ચાઇ રહ્યો છે ત્યારે વાયરલ ફોટા મામલે આગળના સમયમાં ચોંકાવનારા ખુલાસા થાય તો નવાઈ નથી.