શરમજનક / PM મોદીનો ફોટો લગાવીને મંચ પર થયો અશ્લીલ ડાંસ, વિવાદ સામે આવતાં થઈ મોટી કાર્યવાહી

• મધ્ય પ્રદેશમાંથી વિચિત્ર કિસ્સો સામે આવ્યો
• મેળામાં અશ્લીલ ડાંસનું આયોજન કરાયું
• સ્ટેજ પર પીએમ મોદી અને સીએમના લાગ્યા ફોટા

મધ્ય પ્રદેશના મંદસૌર જિલ્લામાં મહિષાસુર મર્દિની મેળા દરમિયાન  અશ્લીલ ડાંસ કરવાનો મામલો હવે ચગ્યો છે. જે મંચ પર અશ્લીલ ડાંસ થયો હતો, ત્યાં પ્રધાનમંત્રી મોદી અને મુખ્યમંત્રી શિવરાજ સિંહ ચૌહાણના ફોટા સાથે દેવી માની તસ્વીર પણ લગાવામાં આવી હતી. અશ્લીલ ડાંસના કેસમા કોંગ્રેસે સવાલો ઉભા કર્યા છે, વિવાદ વકરતા નગર પરિષદ સીએમઓને સસ્પેન્ડ કરી દેવામાં આવ્યા છે. 

मंत्री हरदीप डंग के गृह क्षेत्र में शामगढ़ नगर परिषद द्वारा आयोजित मेले के कार्यक्रम के दौरान मंच पर अश्लील डांस…

वही मंच पर शामगढ़ नगर की आराध्य देवी मां महिषासुर माता का,मुख्यमंत्री व मंत्री का फोटो…

शिवराज सरकार के सुशासन की यह स्थिति, क्या दोषियों पर कार्यवाही होगी..? pic.twitter.com/nuCpgYZN2M

— Narendra Saluja (@NarendraSaluja) May 9, 2022

મેળામાં નાચગાન કાર્યક્રમનું આયોજન કર્યું હતું

હકીકતમાં જોઈએ તો, શાનગઢમાં માં મહિષાસુર મર્દિની દેવી મેળો યોજાયો હતો. મેળામાં કેટલાય પ્રકારની પ્રવૃતિઓ વચ્ચે રવિવાર સાંજે મંચ પર ડાંસનું આયોજન કર્યું હતું. પણ આ દરમિયાન સ્ટેજ પર બાર ગર્લ અશ્લીલ ડાંસ કરતી હતી. જો કે, તેને લઈને ગ્રામિણ લોકોએ વાંધો ઉઠાવ્યો તો બંધ કરી દેવામાં આવ્યો હતો. જે સ્ટેજ પર અશ્લીલ ડાંસ થયો હતો, ત્યાં પીએમ મોદી અને સીએમ શિવરાજ ચૌહાણના ફોટા પણ લાગ્યા હતા. 

કોંગ્રેસે શિવરાજ સરકાર પર કર્યા પ્રહાર

સોમવારે ડાંસનો વીડિયો વાયરલ થતાં કોંગ્રેસે તેના પર વાંધો ઉઠાવ્યો હતો, કોંગ્રેસ પ્રવક્તા નરેન્દ્ર સલૂજાએ ટ્વિટ કરતા લખ્યું કે, મંત્રી હરદીપ ડંગના ગૃહક્ષેત્ર શામગઢમાં નગર પરિષદ દ્વારા આયોજીત મેળાના કાર્યક્રમ દરમિયાન મંચ પર અશ્લીલ ડાંસ કર્યો હતો. મંચ પર શામગઢ નગરની આરાધ્ય દેવી મા મહિષાસુર માતા, મુખ્યમંત્રી તથા પીએમનો ફોટો હતો. શિવરાજ સરકારના સુશાસનની આ તસ્વીર છે, શું દોષિતો પર કાર્યવાહી થશે ? 

નગર પરિષદના CMOને કર્યા સસ્પેન્ડ

આ મામલામાં વિવાદ વધતાં સ્થાનિક પ્રશાસને શામગઢ નગર પરિષદના મુખ્ય અધિકારી નાસિર અલી ખાનને સસ્પેન્ડ કરી દીધા હતા. જિલ્લા કલેક્ટર ગૌતમ સિંહ તરફથી મોડી સાંજે આપેલા નિવેદનમાં કહ્યું કે, મેળામાં 8 મેના રોજ નગર પાલિકા શામગઢ દ્વારા આયોજીત કરવામાં આવ્યો હતો. રાતના સમયે આયોજીત આક્રેસ્ટ્રા દરમિયાન મંચ પર પાછળ મા મહિષાસુર મર્દિનીનો ફોટો અને નેતાઓના ફોટા લાગ્યા હતા. પણ અશ્લીલ ડાંસ પ્રોગ્રામ આયોજીત કરવામા આવ્યો હતો. આ ઘટનાના સંબંધમાં અનુવિભાગીય અધિકારી ગરોઢથી રિપોર્ટ માગવામાં આવ્યો છે.