BIG BREAKING / બંગાળમાં ભાજપને મોટો ઝટકો: બાબૂલ સુપ્રિયો બાદ વધુ એક સાંસદે પાર્ટી છોડી, TMCમાં જોડાયા

• બંગાળમાં ભાજપને મોટો ઝટકો
• લોકસભા સાંસદ અર્જૂન સિંહ ટીએમસીમાં જોડાયા
• પાર્ટી મહાસચિવ અભિષેકે ખેસ પહેરાવ્યો

બાબૂલ સુપ્રિયો બાદ બંગાળ ભાજપમાંથી વધું એક મોટો ઝટકો લાગ્યો છે. અહીં સાંસદ અર્જુન સિંહે પાર્ટી છોડી ટીએમસીમાં જોડાઈ ગયા છે. પાર્ટીના મહાસચિવ અભિષેક બેનર્જીએ તેમને વિધિવત રીતે પાર્ટીમાં જોડી ખેસ ધારણ કરાવ્યો હતો.

BJP Lok Sabha MP Arjun Singh joins TMC in the presence of party's general secretary Abhishek Banerjee in Kolkata pic.twitter.com/gDVL5XiHGG

— ANI (@ANI) May 22, 2022

કેન્દ્રીય લીડરશિપ મનાવવા લાગ્યા હતાં

સૂત્રોના જણાવ્યા અનુસાર, ભાજપની કેન્દ્રીય લીડરશિપથી લઈને રાજ્યના નેતાઓ તેમને મનાવાની કોશિશમાં લાગી ગયા હતા. કહેવાય છે કે, અર્જૂન સિંહને સતત ફોન કરવામાં આવ્યા હતા, ટોપ લીડરશિપમાં પણ તેમને મનાવાની કોશિશ થઈ હતી. આપને જણાવી દઈએ કે, અર્જૂન સિંહ કલકત્તા જઈને ટીએમસી મહાસચિવ અભિષેક બેનર્જીની હાજરીમાં પાર્ટીનો ખેસ ધારણ કર્યો હતો.

છ મહિનાથી ટીએમસીના સંપર્કમાં હોવાનું ખુલ્યું

તો વળી ટીએમસીના સૂત્રોએ જણાવ્યું છે કે, ભાજપ સાંસદ અર્જૂન સિંહ છેલ્લા છ મહિનાથી ટીએમસીના સંપર્કમાં છે. તેમની પાર્ટીના નેતાઓએ સાથે વાત થઈ રહી છે. તો વળી છેલ્લા કેટલાય સમયથી અર્જૂન સિંહ ભાજપ સરકાર વિરુદ્ધ નિવેદનો આપતા રહે છે. તેમના ખામીઓ ગણાવ્યા કરતા હતા. 

2019 પહેલાના મોટા નેતા હતા અર્જૂન સિંહ

2019ની લોકસભા ચૂંટણી પહેલા અર્જૂન સિંહ બૈરકપુરથી ટીએમસી કોંગ્રેસના મોટા નેતા હતા. પણ ચૂંટણી અગાઉ તેઓ ભારતીય જનતા પાર્ટીમાં જોડાઈ ગયા હતા. ભાજપે 2019માં તેમને બૈરકપુરથી ટિકિટ આપી હતી, અને તેઓ જીતીને બૈરકપુરથી સાંસદ બની ગયા હતા.