નવા મોટર વ્હીકલ એક્ટ-2019 હેઠળ ટ્રાફિક નિયમોના ઉલ્લંઘન કરનાર સામે દંડની રકમ અનેકગણી વધી ગઇ છે .
હવે છેલ્લા કેટલાક દિવસોમાં ઇન્સ્યોરન્સ પોલિસીના રિન્યૂઅલ માટે લોકોએ મોટી સંખ્યામાં ઇન્સ્યોરન્સ કંપનીઓમાં લાંબી કતારો લગાવી દીધી છે. જેમાં 50 % વધારો થાય છે. આ મામલામાં આ વૃદ્ઘિ છ ગણી વધી ગઇ.
નવા મોટર વ્હીકલ એક્ટમાં ઇન્સ્યોરન્સ સાથે રાખવો ફરજિયાત બનાવવામાં આવતાં અને તેમાં ગુનો કરનાર માટે મોટા દંડની જોગવાઇ કરવામાં આવી છે જેથી જૂનાં વાહનોની ઇન્સ્યોરન્સ પોલિસીના રિન્યૂઅલમાં છ ગણો જેટલો વધારો થયો છે.
એક જાણીત ઇન્શ્યોરન્સ વેબસાઇટ અનુસાર, જણાવ્યા અનુસાર ટુ વ્હિલર્સની પોલિસીનું રિન્યૂઅલ છેલ્લા એક અઠવાડિયામાં પ્રતિદિન 10 હજારથી વધીને 60 હજાર પર પહોંચી ગયું છે. કારના વીમા રિન્યૂઅલમાં 70 % નો વધારો થયો છે. તે પ્રતિદિન વધીને 6000 પર પહોંચી ગયો છે.
અહેવાલો અનુસાર પોલિસી રિન્યૂઅલમાં થયેલા આ વધારાના દરને જોતાં અમને એવી આશા છે કે આ સપ્તાહના અંત સુધીમાં એક લાખ વીમા પોલિસીનું રિન્યૂઅલ થશે. છેલ્લા ચાર દિવસમાં 87% બાઇકસવાર અને 52% કારચાલકોએ રિન્યૂઅલ માટે અરજી આપી છે.
નિયમ અનુસાર ઇન્સ્યોરન્સ વગર પ્રથમ વાર વાહનચાલક પકડાશે તો રૂ. 2000નો દંડ અથવા ત્રણ મહિનાની જેલની પણ જોગવાઇ છે. તો બીજી વખત પકડાઇ જવા પર 4000 રૂપિયાનો દંડ અથવા તો 3 મહિનાની જેલ થઇ શકે છે. આ પહેલા આ ગુના માટે 1000 રૂપિયાનો દંડ અથવા 3 મહિનાની જેલની જોગવાઇ હતી.