મેગાસ્ટાર અમિતાભ બચ્ચન અને શશિ કપૂર સ્ટારર 1975માં આવેલી ફિલ્મ 'દિવાર'નો ફેમસ ડાયલોગ ' મેરે પાસ મા હે' તમને યાદ જ હશે. ભલે લોકો દિવાર ફિલ્મને ભૂલી જાય પરંતુ તેનો આ ડાયલોગ આજે પણ લોકોને યાદ છે. આમ તો માના સન્માનમાં રોજ સેલિબ્રેશન કરવામાં આવે તો પણ ઓછું છે. પરંતુ કોઈ ખાસ દિવસ તેમને સ્પેશિયલ હોવાનો એહસાસ કરાવવો જોઈએ. જેથી આજે એટલે કે 10 મેના દિવસે મધર્સ ડેનું સેલિબ્રેશન કરવામાં આવે છે. આ નિમિત્તે અમે તમને બોલિવૂડની એવી મોમ્સ વિશે જણાવીશું, જેમણે ઈમોશનલ રોલથી નહીં પણ પોતાના અલગ અને ફન લવિંગ અંદાજથી દર્શકોના દિલમાં ખાસ જગ્યા બનાવી છે.
બોલિવૂડની આ મોમ્સની એક્ટિંગના લોકો દિવાના છે
પોતાના મસ્તીભર્યા અંદાજથી આ મોમ્સે લોકોને ખૂબ હસાવ્યા
મોમની ઈમોશનલ ઈમેજથી હટીને કૂલ મોમ્સના રોલમાં દેખાઈ આ અભિનેત્રીઓ
આમ તો કિરણ ખેર દેવદાસ, કભી અલવિદા ન કહેનાસ વીર-ઝારા, કમ્બખ્ત ઈશ્ક જેવી ઘણી ફિલ્મોમાં માનો રોલ પ્લે કરી ચૂકી છે. પરંતુ સિંહ ઈઝ કિંગ અને દોસ્તાના ફિલ્મમાં તેમના મસ્તીભર્યા અંદાજના લોકો દિવાના થઈ ગયા હતા. તેમના ફની અને શાનદાર અંદાજથી દર્શકોનું ખૂબ મનોરંજન કર્યું અને બોલિવૂડમાં માનો રોલ ઈમોશનલ અને રડવાવાળો જ હોય છે એ ચરણને બદલવામાં સફળ રહી છે.
બધાઈ હો, શુભ મંગલ જ્યાદા સાવધાન અને પંગા જેવી ફિલ્મોમાં જબરદસ્ત એક્ટિંગ દ્વારા લોકોનું ધ્યાન આકર્ષિત કરનાર નીના ગુપ્તાએ ફિલ્મોમાં દરેક પરિસ્થિતિમાં સ્ટ્રોન્ગ અને ફની અંદાજથી લોકોને ખૂબ હસાવ્યા છે. શુભ મંગલ જ્યાદા સાવધાન ફિલ્મમાં તેમની ભૂમિકા લોકોને ખૂબ પસંદ આવી હતી. ફિલ્મ બધાઈ હોમાં પણ એક્ટર ગજરાજ રાવ સાથે મળીને તેમણે દર્શકોનું ખૂબ મનોરંજન કર્યું હતું અને તેમની ખૂબ પ્રસંશા પણ થઈ હતી.
રત્ના પાઠક બોલિવૂડની દરદાર એક્ટ્રેસિસમાંથી એક છે. પોતાની શાનદાર એક્ટિંગથી લોકોનો દિલ જીતનાર રત્ના ઘણી ફિલ્મોમાં માનો રોલ પ્લે કરતાં જોવા મળી છે. જેમાં ખુબસુરત, કપૂર એન્ડ સન્સ, મુબારકાં, જાને તુ યા જાને ના અને ગોલમાલ સહિતની ઘણી ફિલ્મોમાં માતાની ભૂમિકા ભજવી ચૂકેલી રત્ના પાઠકના રોલમાં વેરિએશન અને મસ્તીભર્યો અંદાજ જોવા મળ્યો છે. તેણે ફિલ્મોમાં કૂલ મોમ, એલીટ ક્લાસ મહિલા તરીકે લોકોને ખૂબ હસાવ્યા છે.
લગભગ 200થી વધુ ફિલ્મોમાં કામ કરી ચૂકેલી ફરીદા જલાલે પોતાની એક અલગ ઓળખ બનાવી છે. આમ તો ઘણી અભિનેત્રીઓ માતાની ભૂમિકામાં જોવા મળી હતી, પરંતુ આ બધાંમાં ફરીદા જલાલની એક્ટિંગ જબરદસ્ત રહી છે. તેમણે ઘણી બોલિવૂડ ફિલ્મોમાં માતાની ભૂમિકા ભજવી હતી અને એક કૂલ મમ્મીના રૂપમાં દેખાઈ હતી. તેમણે કુછ કુછ હોતા હૈ ફિલ્મમાં શાહરૂખ ખાનની માતાની ભૂમિકા ભજવી હતી અને લોકોનું ધ્યાન એટલું આકર્ષિત કર્યું હતું કે આજે પણ કોઈ તેમને ભૂલી શકે નહીં. આ સિવાય ફરીદા જલાલ દિલવાલે દુલ્હનિયા, દિલ તો પાગલ હૈ, કહો ના પ્યાર હૈ, ક્યા કહના જેવી અનેક ફિલ્મોમાં કામ કરી ચૂકી છે.
ડિમ્પલ કાપડિયા હાલમાં જ સ્વ. અભિનેતા ઈરફાન ખાનની ફિલ્મ અંગ્રેજી મીડિયમમાં જોવા મળી હતી. આ ફિલ્મમાં તેમણે કરીના કપૂરની મોમનો રોલ પ્લે કર્યો હતો. જેમાં તેમના કામની ખૂબ પ્રસંશા થઈ હતી. આ સિવાય ડિમ્પલ ઘણી ફિલ્મોમાં ફની મોમથી લઈને ગુસ્સાવાળી મોમના રૂપમાં જોવા મળી ચૂકી છે. પરંતુ 2010માં આવેલી ફિલ્મ કોકટેલમાં સૈફ અલી ખાનની મોમ જો મજેદાર રોલ પ્લે કરીને ખૂબ પ્રસંશા મેળવી હતી.