આફત / જાપાનમાં વાવાઝોડાનો કહેર યથાવત, 73 લાખ લોકોને મોકલાયા સલામત સ્થળે

• જાપાનમાં મોટું વાવઝોડું ત્રાટકવાની તૈયારીમાં
• 73 લાખ લોકોને સલામત સ્થળે પહોંચાડાયા 
• વિશ્વકપ અને ગ્રાન્ડ પિક્સ ટુર્નામેન્ટ રખાઇ મુલતવી 

નોંધનીય છે કે, તંત્રએ લગભગ 73 લાખ લોકોને સુરક્ષિત સ્થાને પહોંચાડ્યા છે. 1930 ફ્લાઈટ રદ કરી દેવાઈ છે. વાવાઝોડાની દહેશતને પગલે રગ્બી વિશ્વકપ અને ગ્રાન્ડ પિક્સ ટુર્નામેન્ટ મુલતવી કરી દેવાઈ છે. ચિબા જિલ્લામાં એકનું મોત થયું છે. 36 હજાર ઘરોને નુકસાન પહોંચ્યું છે. ટોકિયો, ચિબા અને કનાગવામાં ભારે વરસાદ થઇ રહ્યો છે. 

ટોકયોનું આકાશ થયું ગુલાબી 

'હગીબિસ' વાવાઝોડાની અસરને કારણે ટોક્યોની રાજધાનીનું આકાશ ગુલાબી અને જાંબલી થઈ ગયું છે. ફિલિપાઇન્સે આ તોફાનનું નામ હગીબિસ રાખ્યું છે. ત્યાંની ભાષામાં તેનો અર્થ ગતિ છે. ચાલો તમને જણાવી દઈએ કે 1958 માં જાપાનમાં આવું જ વાવાઝોડું ભારે વિનાશનું કારણ બન્યું હતું.

ભારે પવનને કારણે રસ્તા પર ચાલતી ગાડીઓ પલટી

પવન એટલી ગતિમાં છે કે રસ્તાઓ પર ગાડીઓ પલટી ગઇ છે. ટોકિયો સિવાય શિજોકા, ગુન્મા અને ચિબાથી 50 હજાર લોકોને તાત્કાલિક સુરક્ષિત સ્થાનો પર જવા માટે કહેવામાં આવ્યું છે. બીજી તરફ જાપાનના દસ પ્રાંતોમાં લગભગ 42 લાખ લોકોને વિસ્થાપિત કરવામાં આવ્યા છે. 

હવાઇ સેવાઓ કરાઇ સ્થગિત

જાપાનમાં દરેક હવાઇ સેવાઓને સ્થગિત કરવામાં આવી છે. જાપાનની કંપનીઓએ 1929 આંતરરાષ્ટ્રીય અને ઘરેલૂ ઉડાનો રદ્દ કરી દીધી છે. રેલવે નેટવર્કને પણ બંધ કરવામાં આવ્યું છે. ટોક્યોમાં દરેક થિયેટર્સ, શોપિંગ મોલ અને કારખાના બંધ કરવામાં આવ્યા છે. લોકોને ઘરોમાં રહેવાની સલાહ આપવામાં આવી છે. ઇમરજન્સી સેવાઓને હાઇ એલર્ટ પર રાખવામાં આવી છે.

તટીય વિસ્તારો કરાવાયા ખાલી

જાપાનની સરકારે પૂર અને ભૂસ્ખલનની આશંકા જોતા તટીય વિસ્તારોને ખાલી કરાવવામાં આવ્યા છે. તમામ હવાઇ સેવા સ્થગિત કરવામાં આવી છે. જાપાની કંપનીઓએ 1929 આંતરરાષ્ટ્રીય અને સ્થાનિક ઉડાન રદ્દ કરવામાં આવી છે. રેલવે નેટવર્કને પણ બંધ કરવામાં આવેલ છે. 

ઇમરજન્સી પર સેવાઓ હાઇ એલર્ટ 

જાપાનના વડા પ્રધાન શિંઝો આબેએ લોકોને જાગૃત રહેવાની અપીલ કરી છે. સરકારે કટોકટી સેવાઓ ઉચ્ચ ચેતવણી પર મુકી છે. જાપાનમાં રગ્બી વર્લ્ડ કપની તમામ મેચ રદ કરવામાં આવી છે અને ખેલાડીઓ પરત મોકલી દેવાયા છે.