જાણવા જેવું / જાપાનનો પાસપોર્ટ દુનિયામાં સૌથી વધુ શક્તિશાળી, જાણો ભારત અને પાકિસ્તાનનો ક્રમાંક

• હેનલી એન્ડ પાર્ટનર્સે નવો પાસપોર્ટ ઇન્ડેક્સ જાહેર કર્યો
• જાપાનનો પાસપોર્ટ વિશ્વનો સૌથી શક્તિશાળી પાસપોર્ટ 
• હેનલી પાસપોર્ટ ઇન્ડેક્સ કુલ 112 દેશોમાં સ્થાન ધરાવે છે

દુનિયામાં ક્યાંક ફરવા માટે (કેટલાક દેશો સિવાય) તમારે એક ડોક્યુમેન્ટની જરૂર પડે છે, જેને આપણે પાસપોર્ટના નામથી જાણીએ છીએ. પાસપોર્ટ વિના, તમે બીજા દેશમાં મુસાફરી કરી શકતા નથી. જણાવી દઈએ કે જે પણ દેશનો પાસપોર્ટ જેટલો મજબૂત રહે છે, તેને તે મુજબની સુવિધા મળે છે. ધારો કે તમારા દેશનો પાસપોર્ટ સૌથી શક્તિશાળી છે, તો તમને સૌથી વધુ સગવળ મળશે. સાથે જ તેને ઘણા દેશોમાં જવા માટે VISA પણ લેવી પડતી નથી. એટલે કે જે પાસપોર્ટ સૌથી વધુ શક્તિશાળી તે દુનિયામાં વધુ દેશોમાં વગર કોઈ ખાસ ડોક્યુમેન્ટ વગર ફરી શકે છે. આવી સ્થિતિમાં, હેનલી પાસપોર્ટ ઇન્ડેક્સ તાજેતરમાં ઇમિગ્રેશન કન્સલ્ટન્સી હેનલી એન્ડ પાર્ટનર્સ દ્વારા બહાર પાડવામાં આવ્યો છે. તેણે સૌથી શક્તિશાળી પાસપોર્ટ અને સૌથી ઓછા શક્તિશાળી પાસપોર્ટ વિશેની વિગતો જાહેર કરી છે.

આ દેશો ટોપ-10માં સામેલ છે
હેનલી પાસપોર્ટ ઇન્ડેક્સ કુલ 112 દેશોમાં સ્થાન ધરાવે છે. જાપાનનો પાસપોર્ટ સૌથી શક્તિશાળી છે. હેનલી પાસપોર્ટ ઇન્ડેક્સ દ્વારા જાહેર કરવામાં આવેલા અહેવાલમાં કહેવામાં આવ્યું છે કે વિશ્વનો સૌથી શક્તિશાળી પાસપોર્ટ જાપાનનો છે. આ સાથે જ તેના પછી બીજા સ્થાન પર સિંગાપુર અને દક્ષિણ કોરિયા સંયુક્ત રીતે બીજા સ્થાને છે. ત્રીજા નંબરની વાત કરીએ તો ત્રીજા નંબરે સંયુક્ત રીતે જર્મની અને સ્પેન છે. આ સાથે જ ચોથા સ્થાન પર સંયુક્ત રીતે લક્ઝમબર્ગ, ફિનલેન્ડ અને ઇટાલીનો કબજો છે. પાંચમા ક્રમે નેધરલેન્ડ, ઓસ્ટ્રિયા, ડેન્માર્ક અને સ્વીડનના પાસપોર્ટ છે. છઠ્ઠું સ્થાન સંયુક્ત રીતે આયર્લેન્ડ, પોર્ટુગલ, ફ્રાન્સ અને યુકેના પાસપોર્ટ ધરાવે છે. સાતમાં સ્થાન પર સંયુક્ત રીતે નોર્વે, સ્વિત્ઝરલેન્ડ, બેલ્જિયમ, ન્યૂઝીલેન્ડ અને અમેરિકાના પાસપોર્ટ છે અને આઠમાં સ્થાન પર ગ્રીસ, ઓસ્ટ્રેલિયા, કેનેડા, ચેક રિપબ્લિક અને માલ્ટાના પાસપોર્ટ છે. આ સાથે જ હંગેરી નવમા સ્થાને છે અને દસમા ક્રમે પોલેન્ડ, લિથુઆનિયા અને સ્લોવેકિયા પાસે પાસપોર્ટ છે.

ભારત, પાકિસ્તાન અને ચીનના પાસપોર્ટનું સ્થાન
તમે વિચારતા હશો કે જાપાન સિવાય એશિયાના અન્ય દેશો સાથે શું સ્થિતિ છે? તો તમને જણાવી દઈએ કે આ ઈન્ડેક્સમાં પાકિસ્તાનનો પાસપોર્ટ 109માં સ્થાન પર છે. આ સાથે જ આ ઇન્ડેક્સમાં ભારતનો પાસપોર્ટ 87મા ક્રમે છે, જ્યારે ચીનનો પાસપોર્ટ 69મા ક્રમે છે.

રશિયા, શ્રીલંકા, નેપાળ અને અફઘાનિસ્તાન
રશિયન પાસપોર્ટનું લોકેશન 50મું છે. આ સાથે જ સૌથી ઓછો પાવરફુલ પાસપોર્ટ અફઘાનિસ્તાનનો છે, જે 112મા ક્રમે છે. ઇરાક પણ 111માં સ્થાને છે. સીરિયા 110માં નંબરે અને પાકિસ્તાન 109માં નંબરે છે. યમનની વાત કરીએ તો અહીંનો પાસપોર્ટ 108માં સ્થાન પર અને સોમાલિયા 107મા સ્થાન પર છે. નેપાળ અને પેલેસ્ટાઇન 106માં સ્થાને છે. આ ઇન્ડેક્સમાં નોર્થ કોરિયા 105માં ક્રમે છે. આ સિવાય બાંગ્લાદેશ, કોસોવો અને લિબિયામાં 104 નંબર છે. કોંગો, લેબેનોન, શ્રીલંકા અને સુદાનના પાસપોર્ટ 103મા સ્થાને છે.