OMG! / બાપ રે! 2 કરોડની માછલી: આ છે વિશ્વની સૌથી મોંઘી માછલી, જેની બોલાય છે લાખોમાં બોલી

• જાણો વિશ્વની સૌથી મોંઘી માછલી વિશે.
• 2 કરોડ કરતા પણ વધુ કિંમતની માછલી.
• આ માછલીનું વજન 212 કિલો.

અનેક લોકોને માછલી ખાવાના શોખ હોય છે, તો કેટલાક લોકોને માછલી પાળવાનો શોખ હોય છે. તેમ છતાં આ પ્રકારના વ્યક્તિઓને બિલકુલ પણ ખબર નહીં હોય કે, સૌથી મોંઘી માછલી કઈ છે? અહીંયા અમે તમને વિશ્વની સૌથી મોંઘી માછલી વિશે જણાવી રહ્યા છીએ, જેની કિંમત 2 કરોડ કરતા પણ વધુ છે. 

વિશ્વની સૌથી મોંઘી માછલી
બ્લૂમર્ગના રિપોર્ટ અનુસાર જાન્યુઆરી 2023માં જાપાનના ટોક્યોમાં એક બ્લ્યૂ ફિન ટૂના માછલીની બોલી લગાવવામાં આવી. આ માછલીનું વજન 212 કિલો છે અને તેની કિંમત 2 લાખ 73 હજાર અમેરિકી ડોલર લગાવવામાં આવી છે. આ ડોલરને ભારતીય રૂપિયામાં કન્વર્ટ કરવામાં આવે તો તેની કિંમત 2 કરોડ 23 લાખ 42 હજાર કરતા વધુ હશે. બ્લ્યૂ ફિન ટૂના માછલી 40 વર્ષ સુધી જીવિત રહી શકે છે અને તેનું વજન 200 કિલો કરતા પણ વધુ હોઈ શકે છે. 

ટૂના માછલી આટલી મોંઘી શા માટે વેચાય છે?
ટૂના માછલી ખૂબ જ ઓછી જોવા મળે છે અને તેનો સ્વાદ ખૂબ જ શાનદાર હોય છે. ઉપરાંત અન્ય માછલીઓની સરખામણીએ આ માછલીમાં વધુ પોષકતત્વો રહેલા છે. આ માછલીમાં વિટામીન એ, વિટામીન ડી, વિટામીન બી6 અને વિટામીન બી 12 હોય છે. ટૂના માછલીમાં વિટામીન એની સાથે સાથે વિટામીન બીનો પણ ઉચ્ચ સ્ત્રોત રહેલો છે, જે શરીર માટે ખૂબ જ લાભકારી છે. વિટામીન બીની સાથે સાથે પ્રોટીન, ઓમેગા 3 ફેટી એસિડ, સેલેનિયમ, મેગ્નીશિયમ અને કેલ્શિયમ રહેલું હોય છે. 

આ માછલી ક્યાં મળે છે?
ટૂના માછલી વિશ્વની સૌથી મોટી માછલીઓમાંથી એક છે. જે પ્રશાંત મહાસાગર અને ઉત્તરી ધ્રુવીય સમુદ્રોમાં જોવા મળે છે. સૌથી મોટી ટૂના માછલી પ્રશાંત મહાસાગરમાં હોય છે, જેનું નામ ‘બ્લ્યૂ ફિન ટૂના’ છે. આ માછલી મોટાભાગે સમુદ્રના ઉંડાણભાગમાં હોય છે. અન્ય સૌથી મોટી ટૂના ફિન માછલીની વાત કરવામાં આવે તો તે માછલીનું નામ ‘યેલોફિન ટૂના’ છે, જે સમુદ્રના અલગ અલગ વિસ્તારોમાં જોવા મળે છે અને તેનું વજન 70 કિલોગ્રામ જેટલું હોય છે.