અમેરિકામાં સ્થિતિ અત્યંત ખરાબ છે. અમેરિકમાં24 કલાકમાં 6087 મોત થયા છે તો 33 796 કેસ નોંધાયા છે. આ અત્યાર સુધીનો રેકોર્ડ બ્રેક મોંતનો સૌથી મોટો આંકડો છે છતાં ટ્રમ્પ કહે છે કે દેશમાં સંક્રમણની સંખ્યામાં ઘટાડો થવાની આશા છે. તેમણે સોશિયલ ડિસ્ટન્સિંગ રાખવા માટે કડક ગાઈડલાઈન જાહેર કરવાની જરુરીયાત ગણાવી છે. વ્હાઈટ હાઉસની કોરોના વાયરસ ટાસ્ક ફોર્સના સભ્ય ડૉ. ડેબોરાહ બ્રિક્સનું કહેવું છે કે છેલ્લા 5-6 દિવસમાં કોરોનાના નવા કેસની સંખ્યામાં ઘટાડો જોવા મળ્યો હોવાનો દાવો કર્યો છે.
શું અમેરિકા લોકડાઉન પર વિચાર કરી રહ્યું છે
ન્યૂ યોર્કમાં 15 મે સુધી લોકડાઉન વધારાયુ
ટ્રમ્પે કહ્યું સોશિયલ ડિસ્ટન્સિંગ માટે કડક ગાઈડલાઈનની જરુર
અમેરિકમાં 24 કલાકમાં 6087 મોત થયા છે તો 33 796 કેસ નોંધાયા છે. ત્યારે અત્યાર સુધીમાં અહીં 34,641 મોત થયા છે. તો 678,144 કેસ નોંધાયા છે. જ્યારે 57,844 લોકો સાજા થતા અક્ટિવ કેસની સંખ્યા 585,659 છે. અમેરિકામાં 330 મિલિયન આબાદી હેઠળ 95 ટકા લોકો ઘરમાં છે. જ્યારે લગભગ 22 મિલિયન અમેરિકનો બેરોજગારીનો લાભ મેળવવા આવેદન આપ્યું છે.
ટ્રમ્પે વ્હાઈટ હાઉસમાં પત્રકારો સાથેની વાતચીતમાં લાંબા સમય સુધી લોકડાઉન, અટકી પડેલી અર્થવ્યવસ્થા મળીને સાર્વજનિક સ્વાસ્થ્યને ઘણી અસર થશે. તેમણે કહ્યું કે પ્રશાસન નવા સંઘીય દિશા નિર્દેશ જાહેર કરશે. જે રાજ્યપાલોને પોત પોતાના રાજ્યોમાં સ્ટેપ બાય સ્ટેપ ખોલવાની પરવાનગી આપશે.
ન્યૂ યોર્કમાં 15 મે સુધી લોકડાઉન વધારવામાં આવ્યું છે. ગવર્નર એન્ડ્રયૂ કુઓમોએ નાગરિકોને 17 એપ્રિલથી સાર્વજનિક સ્થળો પર માસ્ક પહેરવુ ફરજિયાત કરી દીધુ હતું. જોકે કુઓમોએ દાવો કર્યો છે કે સંક્રમણમાં ઘટાડો થયો છે. ગ્રાફ નીચો આવી રહ્યો છે. નોંધનીય છે કે સૌથી વધારે ન્યૂ યોર્કને અસર છે.
ન્યૂ યોર્કના મેયર બિલ ડી બ્લાસિયોએ પ્રવાસી મજૂર તથા તેમના પરિવારને 20 મિલિયન ડોલર (લગભગ 200 કરોડ રુપિયા)ના ફંડની જાહેરાત કરી છે. આનાથી 20 હજાર મજૂરોને ફાયદો થશે. આ ફંડની જાહેરાત ઓપન સોસોયાટી ફાઉન્ડેશન સાથે મળીને કરવામાં આવી છે.
અમેરિકાના રાષ્ટ્રપતિ ડોનાલ્ડ ટ્રમ્પે ગુરુવારે કહ્યું કે દેશની અર્થવ્યવસ્થાને ફરી શરુ કરવા માટે સ્ટેપ બાય સ્ટેપ નવા દિશા નિર્દેશ જાહેર કરવા જોઈએ. કોરોના વાયરસના કારણે અમેરિકાની અર્થવ્યવસ્થા અટકી પડી છે. તેમણે તમણે તમામ રાજ્યપાલોને પોતપોતાના રાજ્યોમાં નિર્ણય લેવાની પરવાનગી આપી છે.
વ્હાઈટ હાઉસની પ્રેસ કોન્ફરન્સમાં ટ્રમ્પે કહ્યું કે અમેરિકા WHOનું ફંડ રોકવામાં આવ્યું તેની લોકોએ ટીકા કરી. બીજા દેશોએ WHOઉપર ભરોસો વ્યક્ત કર્યો છે. બીજા કોઈ દેશોએ તેના પર પ્રતિબંધ લગાવ્યા નથી. બધા જાણે છે કે ઈટાલી, સ્પેન અને ફ્રાન્સમાં શુ થયું. WHO દ્વારા ભૂલ થઈ છે અને તેને તેઓ જાણે છે. એટલું જ નહીં ટ્રમ્પે રશિયાને મદદ કરવાની વાત કરતા કહ્યું હતું કે રશિયાને હાલ વેન્ટિલેટરની જરુર પડશે. અમે તેને મદદ કરીશું. તેઓ કપરા સમયમાંથી પસાર થઈ રહ્યા છે અમે તેમને મદદ કરવા જઈ રહ્યા છીએ. અમેરિકા ટુંકા સમયમાં વેન્ટિલેટરનો જથ્થો તૈયાર કરી દેશે. તેમજ અન્ય દેશોને મદદ કરવામાં આવશે. અમેરિકા ઈટાલી, સ્પેન, ફ્રાન્સ ઉપરાંત અન્ય દેશોની મદદ કરશે.
બીજી તરફ અમેરિકાના વિદેશ મંત્રી માઈક પોમ્પિઓએ ફોક્સ ન્યૂઝને કહ્યું કે, ‘અમે તમામ બાબતોની તપાસ કરી રહ્યા છીએ. જેથી અમે એ જાણી શકીએ કે વાયરસ કેવી રીતે બહાર આવ્યો અને દુનિયામાં કેવી રીતે ફેલાયો. આટલા બધા લોકોનો જીવ લીધો છે.’ તેમણે એમ પણ કહ્યું કે અમેરિકા જાણે છે કે વુહાનની લેબમાં અતિ સંક્રમિક સામગ્રી છે.
ચીનની લેબ વિશે પુછતા ટ્રમ્પે કહ્યું હતું કે તેમને અનેક સ્ટોરી સાંભળવા મળી રહી છે અને અમેરિકા તેની ઉંડાણ પુર્વક તપાસ કરી રહ્યું છે. નોંધનીય છે કે ટ્રમ્પે વાયરસમાં સતત ચીન અને WHOને જવાબદાર ગણાવ્યું છે.