અમદાવાદ / IPLની મેચ પર રમાતા કરોડોના સટ્ટા પર સકંજો, ખેલીથી બુકી સુધીની ચેઈન તોડવા પોલીસ એક્ટિવ, 100થી વધુ સટોડિયા જેલભેગા

• IPLની મેચ પર રમાતા કરોડોના સટ્ટા પર સકંજો
• ખેલીથી બુકી સુધીની ચેઈન તોડવા પોલીસ  એલર્ટ
• પાલડી વિસ્તારમાં IPLની મેચ પર સટ્ટો રમાતા બે પકડાયા

ઈન્ડિયન પ્રીમિયર લીગ એટલે કે આઇપીએલની મેચ શરૂ થતાંની સાથે જ સટ્ટો રમાડતા બુકીઓ અને રમતા ખેલીઓ પર પોલીસ કાળ બનીને વરસે છે, જેના સંખ્યાબંધ કેસો પોલીસ ચોપડે નોંધાયા છે. જાહેર રોડ, પાન પાર્લર, કારમાં તેમજ કાફે સહિતની જગ્યાઓ પર બેસીને ઓનલાઇન આઇપીએલ પર સટ્ટો રમતા અને રમાડતાં તત્ત્વો પર પોલીસની નજર હોય છે. ખેલીથી બુકી સુધીની ચેઇન તોડવા માટે પોલીસ ઠેરઠેર રેડ કરી રહી છે, જે અંતર્ગત ચાલુ વર્ષની આઇપીએલની સીઝનમાં ૧૦૦થી વધુ બુકી અને ખેલીઓને ક્રાઇમ બ્રાંચ તેમજ પોલીસે જેલના સ‌િળયા પાછળ ધકેલી દીધા છે. ગઇ કાલે ક્રાઇમ બ્રાંચે પાલડી વિસ્તારમાંથી ઓનલાઇન સટ્ટો રમતા બે ખેલીઓને ઝડપી પાડ્યા છે. 

( અમદાવાદ શહેર ક્રાઈમ બ્રાન્ચ )
દુબઇ સાથે જોડાયેલ આઇ.પી.એલ. ટી-૨૦ ક્રિકેટ મેચના સટ્ટાના કનેક્સનનો પર્દાફાસ કરી બાર આરોપીઓને અમદાવાદ ચાંદખેડા વિસ્તારમાંથી ઝડપી પાડતી અમદાવાદ શહેર, ક્રાઈમ બ્રાન્ચ.@sanghaviharsh @GujaratPolice @InfoGujarat pic.twitter.com/Ucz7qqnu8H

— Ahmedabad Police અમદાવાદ પોલીસ (@AhmedabadPolice) April 25, 2023

ક્રાઇમ બ્રાંચે ભગત શાહ અને ગૌરાંગ ભાવસારની ધરપકડ કરી
આઇપીએલની સીઝન બુકીઓ અને ખેલીઓ માટે કોઇ તહેવારથી કમ નથી ત્યારે પોલીસ કર્મચારીઓ તેમના તહેવાર પર પાણી ફેરવી દેવા માટે એડીચોટીનું જોર લગાવી રહ્યા છે. મોબાઇલમાં આઇડી પર ચાલતા ક્રિકેટ મેચના સટ્ટામાં પોલીસને વધુ રસ હોય છે, જેથી પોલીસ ભૂખ્યા શેરની જેમ બજારમાં બુકીઓ તેમજ ખેલીઓને પકડવા માટે ઊતરી પડે છે. ત્યારે ગઇ કાલે ક્રાઇમ બ્રાંચને બાતમી મળી હતી કે પાલડીના વિકાસગૃહ નજીક આવેલા કંઠ એપાર્ટમેન્ટના પાર્કિંગમાં બે લોકો ઓનલાઇન ક્રિકેટ સટ્ટો રમી રહ્યા છે. બાતમીના આધારે ક્રાઇમ બ્રાંચે ‌જીગર ઉર્ફે ભગત શાહ અને ગૌરાંગ ભાવસારની ધરપકડ કરી હતી, જે પોતાના મોબાઇલ ફોનમાં ઓનલાઇન સટ્ટો રમી રહ્યા હતા. ક્રાઇમ બ્રાંચે બંનેની પૂછપરછ કરતાં તેમણે મેચની આઇડી ચિરાગ પરીખ, અલ્પેશ ઊંઝા, ‌જીગર ભાંભોર, કિશન ઠક્કર, ‌જીગર ગોર અને હાર્દિક ઉર્ફે લેમન પાસેથી લીધી હતી. ક્રાઇમ બ્રાંચે આ મામલે સાત લોકો વિરુદ્ધ ગુનો દાખલ કરીને તપાસ શરૂ કરી છે.  

બે દિવસ અગાઉ પોલીસે દુબઇ સાથે જોડાયેલ આઇ.પી.એલ. ટી-૨૦ ક્રિકેટ મેચના સટ્ટાના કનેક્સનનો પર્દાફાસ કરી બાર આરોપીઓને અમદાવાદ ચાંદખેડા વિસ્તારમાંથી ઝડપી પાડયા હતા,

ખેલીઓને મેચની આઇડી આપી દે
બોબડી લાઇન તેમજ બંધબારણે ચાલતા સટ્ટામાં પોલીસની ધોંસ વધતાંની સાથે છેલ્લા ઘણા સમયથી બુકીઓએ સટ્ટાની પેટર્ન બદલી દીધી છે. હાલ ઓનલાઇન સટ્ટાનો ટ્રેન્ડ ચાલી રહ્યો છે, જેમાં બુકીઓ ખેલીઓને મેચની આઇડી આપી દે છે, જેમાં હાર-જીત થતી હોય છે. બુકીઓ સટ્ટો રમાડવા માટે મોબાઇલ એ‌િપ્લકેશનનો વધુ ઉપયોગ કરી રહ્યા છે. મોબાઇલ એ‌િપ્લકેશનનું હેન્ડલિંગ દુબઇથી કરવામાં આવે છે, જ્યાંથી અમદાવાદના બુકીઓને ખાસ પ્રકારનો પાસવર્ડ આપવામાં આવે છે. દુબઇમાં બેઠેલા બુકીઓ આ એ‌િપ્લકેશનમાં મેચમાં કેટલો ભાવ હશે તેનું વિગતવાર અપડેટ મોકલશે, જેના આધારે અમદાવાદના બુકીઓ ખેલીઓને ભાવ આપશે.