અલર્ટ / મોરબીની મચ્છુ નદી બે કાંઠે, તંત્ર દ્વારા નદીના પટમાં અવરજવર ન કરવા લાઉડ સ્પીકર પર આપવામાં આવી સૂચના

• મોરબીની મચ્છુ નદી વહી રહી છે બે કાંઠે 
• મચ્છુ-2 ડેમના 14 દરવાજા ખોલાયા
• તંત્ર દ્વારા લાઉડ સ્પીકર પર સૂચનાઓ આપવામાં આવી

મોરબીનો મચ્છુ-2 ડેમ ઓવરફલો થયો છે. મચ્છ-2 ડેમના 14 દરવાજા 8 ફૂટ ખોલવામાં આવ્યા છે. ડેમમાં 69 હજાર 552 ક્યુસેક પાણીની આવક થઇ છે. ત્યારે ડેમમાં ભારે વરસાદના કારણે ડેમ ઓવરફ્લો થયો છે.  તંત્ર દ્વારા લાઉડ સ્પીકર પર નદીના પટમાં અવરજવર ન કરવા સુચના આપવામાં આવી છે. 

મોરબીના ટંકારામાં 2 કલાકમાં સાડા છ ઈંચ જેટલો વરસાદ નોંધાયો છે. નાગરિક પુરવઠા નિગમના ગોડાઉનમાં 8 લોકો ફસાયાં હતા. ફસાયેલા 8 વ્યક્તિનું તંત્રએ રેસક્યું કર્યું. 

ટંકારાનો ડેમી-1 ડેમ ઓવરફલો

મોરબી જિલ્લામાં પણ ભારે વરસાદ વરસ્યો છે. ભારે વરસાદથી મોરબીના ટંકારાનો ડેમી-1 ડેમ ઓવરફ્લો થયો છે. ડેમી-1 ડેમ 45 સેન્ટીમીટરથી ઓવરફ્લો થયો છે. ભારે વરસાદના પગલે ડેમમાં પાણીની આવક વધી છે. જેના કારણે હાલ ડેમમાંથી 10631 ક્યૂસેક પાણી છોડવામાં આવ્યું છે. ડેમમાંથી પાણી છોડાતા ડેમી નદી બે કાંઠે વહી રહી છે.

રાયસંગપુર-હળવદ વચ્ચે વોકળામાં પિતા-પુત્ર તણાયા

મોરબીમાં વોકળામાં પિતા-પુત્ર તણાયાની ઘટના સામે આવી છે. રાયસંગપુર-હળવદ વચ્ચે આવેલા વોકળામાં પિતા-પુત્ર તણાયા છે. પુત્રને બચાવા જતા પિતા પણ પાણીમાં તણાઇ ગયા. ત્યારે બાલ બંનેનું રેસ્ક્યુ કરવા તંત્રને જાણ કરવામાં આવી છે. સ્થાનિકોઓ પણ પિતા-પુત્રની શોધખોળ શરૂ કરી છે.