બંગાળની ખાડીમાં સર્જાયેલા લો પ્રેશરના કારણે સૌરાષ્ટ્રમાં અવિરત વરસાદ વરસી રહ્યો છે. જો કે હવામાન વિભાગ દ્વારા હજુ બે દિવસ વરસાદની આગાહી કરવામાં આવી છે. આવનારા 2 દિવસ હજુ ગુજરાત માથે મેઘમહેર ચાલુ રહેશે. હાલ ગુજરાતમાં સૌરાષ્ટ્રમાં ભારે વરસાદને કારણે નુકસાન થયા હોવાના સમાચાર પણ છે.
આગામી 48 કલાક ગુજરાતમાં સારા વરસાદની આગાહી
સૌરાષ્ટ્ર, દક્ષિણ ગુજરાતમાં સારા વરસાદની આગાહી
દક્ષિણ ગુજરાતના દરિયાકાંઠા વિસ્તારોમાં વરસશે વરસાદ
હાલ સૌરાષ્ટ્રમાં સતત મેધમહેર જોવા મળી રહી છે. જો કે હજું આગામી 48 કલાક સૌરાષ્ટ્ર કચ્છ પર મેઘ મહેરબાન રહેશે,. હવામાન વિભાગે કરેલી આગાહી મુજબ આગામી 48 કલાક સૌરાષ્ટ્ર અને દક્ષિણ ગુજરાતમાં ભારે વરસાદ પડી શકે છે. પોરબંદર,જૂનાગઢ,જામનગર, અમરેલી,ગીર સોમનાથમાં. તેમજ દક્ષિણ ગુજરાતના દરિયારકાંઠા વિસ્તારમાં સારો વરસાદ પડી શકે છે.
9 ઓગસ્ટે વધુ એક લો પ્રેશર લાવશે વરસાદ
9 ઓગસ્ટે વધુ બંગાળની ખાડીમાં વધુ એક લો પ્રેશર સક્રિય થતાં ગુજરાતમાં સારો વરસાદ પડે શકે છે. માછીમારોને દરિયો ન ખેડવા સૂચના આપી દેવામાં આવી છે.
દ્વારકાના દરિયે કરંટ
દ્વારકા જિલ્લામાં પણ સાર્વત્રિક વરસાદ નોંધાયો છે. દ્વારકાના ખંભાળીયા સહિતના ગ્રામ્ય પંથકમાં સારો વરસાદ વરસી રહ્યો છે જો કે સતત વરસાદના કારણે નિચાણાવાળા વિસ્તારો અને બજારના રસ્તાઓ પર પાણી ભરાઇ જતાં લોકો મુશ્કેલીમાં મૂકાયા છે. દ્વારકાના દરિયે કંરટ છે.
જૂનાગઢના માંગરોળમાં સતત ત્રીજા દિવસે પણ મેઘમહેર જોવા મળી. અહીં ભારે વરસાદના કારણે માંગરોળથી કેશોદ જતા માર્ગ પર પાણી ભરાઇ જતાં વાહનચાલકો મુસ્કેલીમાં મૂકાયા છે. સારા વરસાદથી ખેડૂતોમાં ખુશીની લાગણી છવાઇ ગઇ છે. સારો વરસાદ થતાં મગફળીના ઉભા પાકને ફાયદો થશે જેથી ખેડૂતો સંતુષ્ટ છે.
ધોરાજીમાં સતત વરસી રહેલા વરસાદના કારણે ચકલા ચોક બજારમાં આવેલ બે માળનું મકાન ધારાશાયી થયું છે. જો કે સદભાગ્યે કોઇ જાનહાનિ નથી થઇ. ધોરાજીમાં હાલ ભારે વરસાદના કારણે જર્જરિત જૂના મકાનો ધરાશાયી થવાનું જોખમ વધી ગયું છે. ધોરાજી શહેરમાં કુલ 15થી 20 આ પ્રકારના જૂના જર્જરિત મકાન છે. જો કે નગરપાલિકા આ મુદ્દે કોઇ પગલા ન લેતી હોવાથી લોકો તંત્ર સામે પણ રોષ વ્યક્ત કરી રહ્યાં છે.