- દેશમાં મંકિપોક્સના કેસ વધતા સરકાર એક્શનમાં
- મંકિપોક્સને લઈને ગાઈડલાઈન બહાર પડાઈ
- કોન્ટેક્ટ ટ્રેસિંગ અને 21 દિવસના આઈસોલેશનની જોગવાઈ
- નીતિ આયોગના સભ્યે કહ્યું- ડરવાની જરુર નથી, પરિસ્થિતિ કન્ટ્રોલમાં
ભારતમા મંકિપોક્સનો ખતરો સર્જાયો છે હાલમાં ચાર કેસ છે ત્યારે હવે તેનો વધારો ફેલાતો અટકાવવા માટે સરકારે એક ગાઈડલાઈન બહાર પાડીને લોકોને ડરવાનું નહીં પરંતુ સચેત રહેવાનું જણાવ્યું છે. નીતિ આયોગના સભ્ય વીકે પૌલે કહ્યું કે ડરવાની જરુર નથી કારણ કે સરકાર મંકિપોક્સને નાથવા માટે પૂરતા પગલાં ભરી રહી છે.
મંકિપોક્સની ગાઈડલાઈન
સરકારે મંકિપોક્સને લઈને એક ગાઈડલાઈન જાહેર કરી છે જેમાં લોકોને વિશેષ સાવધાની રાખવાની સલાહ અપાઈ છે. ગાઈડલાઈનમાં રાજ્યોને કોન્ટેક્ટ ટ્રેસિંગનું તથા મંકિપોક્સના દર્દી માટે 21 દિવસના આઈસોલેશનનું કહેવામાં આવ્યું છે.
દેશમાં મંકિપોક્સના 4 કેસ
70થી વધુ દેશોમાં ફેલાયેલો મંકિપોક્સ હવે ભારતમાં પણ આવી ચૂક્યો છે અને હાલમાં દેશમાં મંકિપોક્સના 4 કેસ છે જેમાં 3 કેરળ એક દિલ્હી અને એક તમિલનાડુમાં છે. ત્યારે હવે મંકિપોક્સનો વધારે ફેલાવો અટકાવવા માટે સરકારે લોકોને એક મોટી અપીલ કરી છે.
કોઈનામાં મંકિપોક્સના લક્ષણો હોય તો તપાસ કરાવે
નીતિ આયોગના સભ્ય ડોક્ટર વીકે પૌલે લોકોને એવું જણાવ્યું કે જો કોઈનામાં મંકિપોક્સના લક્ષણો હોય તો તેવા લોકોએ સામે ચાલીને આગળ આવીને તપાસ કરાવવી જોઈએ. તેમણે કહ્યું કે ડરવા અને ચિંતા કરવા જેવું કશું નથી.
પરિસ્થિતિ કન્ટ્રોલમાં, ડરવાની કોઈ જરુર નથી
તેમણે કહ્યું કે હાલમાં ભારતમાં મંકિપોક્સના ચાર કેસ છે. તેમણે કહ્યું કે સરકારે ઘણા પગલાં લીધા છે. એરપોર્ટ પર તપાસ કરાઈ રહી છે. 15 લેબોરટરી સ્થાપિત કરવામાં આવી છે અને હાલમાં પરિસ્થિતિ કન્ટ્રોલમાં છે અને ડરવાની કોઈ જરુર નથી.
દેશમાં મંકીપોક્સના કુલ 4 કેસ
દિલ્હીમાં એક કેસ મળ્યા બાદ હવે દેશમાં કુલ મંકીપોક્સના કેસ ચાર થઈ ગયા છે. ત્રણ કેસ દક્ષિણ રાજ્ય કેરળમાં 3 અને એક કેસ દિલ્હીમાં છે. જોકે રાહતની વાત એ છે કે ચાર દર્દીઓની તબિયત સ્થિર છે પરંતુ તેનો ફેલાવો થઈ શકે છે.
મંકીપોક્સને લઈને હાઈ લેવલની મીટિંગ
મંકીપોક્સનો ખતરો જોતા કેન્દ્ર સરકારે 3 દિવસ પહેલા બિહાર સરકારને એલર્ટ જાહેર કર્યું હતું. બિહાર સરકાર પર તૈયારીમાં લાગી ગયુ છે. રાજ્યમાં કોરોના વાયરસનો ખતરો પણ છે. મુખ્યમંત્રી નીતિશ કુમાર પણ કોરોનાથી સંક્રમિત થયા છે. મંગલ પાંડેએ કહ્યું કે, તમામ જિલ્લાના સિવિલ સર્જન અને મેડિકલ કોલેજના સુપરિટેંડેટની સાથે બેઠક કરીને ગાઈડલાઈનનું પાલન કરવાના નિર્દેશ આપ્યા છે.
