ખુલાસો / આ ભારતીય ખેલાડીને રમતા જોઈને ડરી જતો હતો પાકિસ્તાની ક્રિકેટર, ઇન્ટરવ્યૂમાં કર્યો મોટો ખુલાસો

• પાકિસ્તાની ખેલાડી મોહમ્મદ રિઝવાનને સચિન તેંડુલકરથી લાગતો હતો ડર 
• પાકિસ્તાન સામે મેચ સમયે સચિનને રમતા જોઈ ડર લાગતો હતો - મોહમ્મદ રિઝવાન 
• રિઝવાને એશિયા કપ 2022માં સારું પ્રદર્શન કર્યું છે 

આજે પાકિસ્તાન અને શ્રીલંકા વચ્ચે એશિયા કપ 2022 ફાઇનલ 

એશિયા કપ 2022ની ફાઇનલ મેચ પાકિસ્તાન અને શ્રીલંકા વચ્ચે રમવામાં આવશે. આ મોટી મેચ પહેલા પાકિસ્તાનનાં ધાકડ બેટ્સમેન મોહમ્મદ રિઝવાને એક ચોંકાવનાર ખુલાસો કર્યો છે. મોહમ્મદ રિઝવાને એક ભારતીય ખેલાડીનું નામ જણાવ્યું છે અને કહ્યું છે કે તેમને રમતા જોઈ મોહમ્મદ રિઝવાન ડરી જતાં હતા. તેમણે એક ઇન્ટરવ્યૂમાં આ ખુલાસો કર્યો છે. 

આ ખેલાડીને જોઈ લાગતો હતો રિઝવાનને ડર 
મોહમ્મદ રિઝવાને ખુલાસો કર્યો કે તેઓ મહાન બેટ્સમેન સચિન તેંડુલકરને જોઈને ડરી જતાં હતા. મોહમ્મદ રિઝવાને એક ઇન્ટરવ્યૂમાં કહ્યું કે જ્યારે હું નાનો હતો ત્યારે પાકિસ્તાન સામે મેચમાં સચિન તેંડુલકરને જોઈને ડરી જતો હતો. હું સચિન તેંડુલકરને ખૂબ જ પસંદ કરતો હતો. હું હંમેશા વિચારતો હતો કે જ્યારે સચિન પાકિસ્તાન સામે રન બનાવશે તો તેઓ આ કેવી રીતે સેલીબ્રેટ કરી શકશે. 

એશિયા કપ 2022માં રિઝવાનનું પ્રદર્શન 
મોહમ્મદ રિઝવાન ટી20 ક્રિકેટના નંબર 1 બેટ્સમેન  છે. એશિયા કપ 2022માં પણ તેઓ પાકિસ્તાન માટે સૌથી વધારે રન બનાવનાર બેટ્સમેન રહ્યા છે. ફાઇનલ મેચમાં પણ ટીમને તેમની પાસે આશા હશે. તેઓ ફાઇનલ મેચમાં 50 રન બનાવી લે છે તો એશિયા કપ 2022માં પણ સૌથી વધારે રન બનાવનાર બેટ્સમેન બની જશે. મોહમ્મદ રિઝવાને અત્યાર સુધીમાં 5 દાવમાં 226 રન બનાવ્યા છે.