ICC T20 Rankings / બાબર આઝમને લાગ્યો જોરદાર ઝટકો, હવે આ ખેલાડી બની ગયો નંબર વન બલ્લેબાજ

• આંતરરાષ્ટ્રીય ક્રિકેટ કાઉન્સિલના ટી-20 રેન્કિંગમાં મોટો ફેરફાર
• મોહમ્મદ રિઝવાન ICC ટી-20 રેન્કિંગમાં નંબર વન બેટર બન્યો
• પાકિસ્તાન ટીમના કેપ્ટન બાબર આજમને પછાડીને આ સિદ્ધી પ્રાપ્ત કરી

મોહમ્મદ રિઝવાન આઈસીસી ટી-20 રેન્કિંગમાં નંબર વન બેટર બન્યો

આંતરરાષ્ટ્રીય ક્રિકેટ કાઉન્સિલના ટી-20 રેન્કિંગમાં મોટો ફેરફાર થયો છે. પાકિસ્તાનના સ્ટાર ખેલાડી મોહમ્મદ રિઝવાન આઈસીસી ટી-20 રેન્કિંગમાં નંબર વન બેટર બની ગયા છે. રિઝવાને પોતાની ટીમના કેપ્ટન બાબર આજમને પછાડીને આ સિદ્ધી પ્રાપ્ત કરી છે. ભારતના સૂર્ય કુમાર યાદવને પણ લેટેસ્ટ રેન્કિંગમાં નિરાશા સાંપડી છે. 

બાબર આઝમે ટી-20 રેન્કિંગમાં બાદશાહી ગુમાવી

પાકિસ્તાનના કેપ્ટન બાબર આજમ 1000 દિવસથી વધુ સમય સુધી ટી-20 રેન્કિંગમાં નંબર વન બેટર બની રહ્યાં. પરંતુ ટી -20 આંતરરાષ્ટ્રીયની પહેલાની 10 ઈનિંગમાં બાબર આજમ માત્ર બે અર્ધસદી મારી શક્યા. એશિયા કપની ત્રણ ઈનિંગમાં તો બાબર આજમનુ બેટીંગ પ્રદર્શન નિષ્ફળ રહ્યું. બાબરને આ વાતનુ પરિણામ ભોગવવુ પડ્યુ અને તેમને ટી-20 રેન્કિંગમાં પોતાની બાદશાહી ગુમાવવી પડી. 

એશિયા કપમાં મોહમ્મદ રિઝવાનનુ ધમાકેદાર પર્ફોમન્સ 

તો મોહમ્મદ રિઝવાને એશિયા કપમાં ધમાકેદાર પ્રદર્શન કરી બતાવ્યું છે. રિઝવાન એશિયા કપની ત્રણ ઈનિંગમાં 192 રન બનાવી ચૂક્યા છે. રિઝવાને હોન્ગકોન્ગની સામે નોટઆઉટ રહીને 78 રનની ઈનિંગ રમી. ત્યારબાદ રિઝવાને ભારત સામે 71 રન બનાવ્યાં અને પોતાની ટીમ માટે ફાઈનલમાં સ્થાન લગભગ પાક્કુ કરી લીધુ. રિઝવાનને આ ઈનિંગનો ફાયદો રેન્કિંગમાં પણ મળ્યો અને તે એક ક્રમે ઉપર પહોંચીને ટી-20 રેન્કિંગમાં નંબર વન ખેલાડી બની ગયો.