- 'મિનિમમ સરકાર મેક્સિમમ શાશન'ના વિઝનને અનુરૂપ નવા પોર્ટલની શરૂઆત
- પોર્ટલનું આર્કિટેક્ચર ઓપન રહેશે, જેથી અન્ય યોજનાઓ મૂકી શકાશે
- એમએસએમઈ, ઘર, વાહનો અને પર્સનલ લોન સામેલ
શરુવાતમાં 15 યોજનાઓ હશે
સૂત્રોએ જણાવ્યું હતું કે નરેન્દ્ર મોદી સરકારના 'મિનિમમ સરકાર મેક્સિમમ શાશન'ના વિઝનને અનુરૂપ નવા પોર્ટલમાં શરૂઆતમાં સરકારના દેવા સાથે જોડાયેલી 15 યોજનાઓને આવરી લેવામાં આવશે. સૂત્રોએ જણાવ્યું હતું કે આ પોર્ટલને ધીમે ધીમે વિસ્તૃત કરવામાં આવશે. આ વિસ્તરણ પોર્ટલની કામગીરી પર આધારિત હશે, કારણ કે કેટલીક કેન્દ્રીય પ્રાયોજિત યોજનાઓમાં બહુવિધ એજન્સીઓ સામેલ છે. ઉદાહરણ તરીકે, પ્રધાનમંત્રી આવાસ યોજના અને સીએલસીએસએસ વિવિધ મંત્રાલયો હેઠળ આવે છે.
સિંગલ પ્લેટફોર્મમાં બધી સુવિધાઓ
પોર્ટલનો હેતુ તમામ યોજનાઓને એક જ પ્લેટફોર્મ પર લાવવાનો છે આનાથી લાભાર્થીઓને આ યોજનાઓ સુધી પહોંચવામાં મદદ મળશે. સૂત્રોએ જણાવ્યું હતું કે, આ પોર્ટલની પાયલોટ ટ્રાયલ ચાલી રહી છે. પોર્ટલમાં રહેલી ખામીઓને દૂર કરવામાં આવી રહી છે. ત્યાર બાદ આ પોર્ટલ રજૂ કરવામાં આવશે. સ્ટેટ બેંક ઓફ ઇન્ડિયા અને અન્ય લેડર્સ પર પોર્ટલનું પરીક્ષણ કરી રહ્યા છે. સૂત્રોએ જણાવ્યું હતું કે, આ પોર્ટલનું આર્કિટેક્ચર ઓપન રહેશે. રાજ્ય સરકારો અને અન્ય સંસ્થાઓ પણ ભવિષ્યમાં આ પોર્ટલ પર તેમની યોજનાઓ મૂકી શકશે.
લોન લેવા માટેનું હશે પોર્ટલ
સરકારે લોન લેનારાઓને રાહત આપવા માટે 2018માં લોન યોજનાઓ માટે એક પોર્ટલ શરૂ કર્યું હતું, સરકારે 2018માં વિવિધ લોન યોજનાઓ માટે http://psbloansin59minutes.com પોર્ટલ શરૂ કર્યું હતું.જેમાં એમએસએમઈ, ઘર, વાહનો અને પર્સનલ લોન સામેલ છે. આ પોર્ટલ પર વિવિધ સરકારી બેન્કો દ્વારા એમએસએમઈ અને અન્ય માટે લોન 59 મિનિટમાં મંજૂર કરવામાં આવે છે, જ્યારે અગાઉ તેમાં 20થી 25 દિવસનો સમય લાગતો હતો. સૈદ્ધાંતિક મંજૂરી પછી, લોન 7-8 કાર્યકારી દિવસોમાં આપવામાં આવે છે.
શરુવાતમાં દસ્તાવેજની જરૂર પડશે નહિ
MSMEને લોનની સૈદ્ધાંતિક મંજૂરી માટે કોઈ પણ પ્રકારના દસ્તાવેજો આપવાની જરૂર નથી. આ પ્લેટફોર્મને એમએસઈના ક્રેડિટ ગેરન્ટી ફંડ ટ્રસ્ટ સાથે સંકલિત કરવામાં આવ્યું છે, જેથી ધિરાણ લેનારાઓની લાયકાત ચકાસી શકાય. પોર્ટલ લોન્ચ કર્યાના બે મહિનામાં જાહેર ક્ષેત્રની બેન્કોએ એમએસએમઈ પાસેથી 37,412 કરોડ રૂપિયાની લોનની 1.12 લાખ અરજીઓને સૈદ્ધાંતિક મંજૂરી આપી હતી.
