સહાય / ગરીબો માટે મોદી સરકાર સપ્ટેમ્બર 2022 સુધીમાં કરશે આ ખાસ કામ, કેન્દ્રીય સ્વાસ્થ્ય મંત્રી મનસુખ માંડવિયાએ કરી મોટી જાહેરાત

• સપ્ટેમ્બર 2022 સુધીમાં ગરીબોને મોદી સરકાર આપશે મોટી રાહત 
• દરેક ગરીબોને મોદી સરકાર આપશે આયુષ્યમાન કાર્ડ 
• પાંચ લાખ સુધી ગરીબો કરાવી શકશે મફત ઈલાજ 

મોદી સરકાર દ્વારા ગરબી પરીવારોને 5 લાખ સુધીની મેડિકલ સહાય આપવામાં આવે છે. જેના દ્વારા ગરીબ પરિવારો હોસ્પિટલોમાં મફત ઈલાજ કરાવી શકે છે. આયુષ્યમાન કાર્ડ દ્વારા સરકાર 5 લાખ સુધીની સહાય આપે છે. આ યોજનાને ત્રણ વર્ષ પૂર્ણ થવા જઈ રહ્યા છે. તજે પ્રસંગે આરોગ્ય મંથન 3.0નું આયોજન કરવામાં આવ્યું છે. 

સપ્ટેમ્બર 2022 સુધીમાં દરેક ગરીબોને કાર્ડ આપવામાં આવશે 

આરોગ્ય મંથન 3.0માં કેન્દ્રીય સ્વાસ્થ્ય મંજ્ઞી મનસુખ માંડવિયા દ્વારા જાહેરાત કરવામાં આવી છે કે આગામી વર્ષે સપ્ટેમ્બર મહિના સુધીમાં એટલે કે સપ્ટેમ્બર 2022 સુધીમાં દરેક ગરીબોને આયુષ્યમાન કાર્ડ આપવામાં આવશે. 

2018માં યોજનાની શરૂઆત થઈ હતી. 

આરોગ્ય મંથન 3.0 નું કેન્દ્રીય મંત્રી મનસુખ માંડવિયા સાથે સ્વાસ્થ્ય રાજ્યમંત્રી ડૉ ભારતી પ્રવીણ પવાર દ્વારા વર્ચ્યુઅલ ઉદ્ધાટન કરવામાં આવ્યું છે. આપને જણાવી દઈએ કે પ્રધાન મંત્રી જનઆરોગ્ય યોજના 2018માં શરૂ થઈ હતી. જેના અંતર્ગત ગરીબોને પાંચ લાખ રૂપિયાની સરકાર દ્વારા સહાય આપવામાં આવે છે. 

એક હજાર કરતા વધું બિમારીઓને થશે ઈલાજ 

ઉલ્લેખનીય છે કે આયુષ્યમાન કાર્ડ દ્વારા ગરીબો સરકારી હોસ્પિટલોમાં જઈને મફત ઈલાજ કરાવી શકે છે. આ યોજના અંતર્ગત એક હજાર કરતા પણ વધું બિમારીઓનો ઈલાજ ગરીબ પરિવારો મફત કરાવી છે. મહત્વનું છે કે કેન્દ્ર સરકાર એક ભારત-એક સ્વાસ્થય વીમાને લઈને સરકારી વિભાગો સાથે જલ્દી એક યોજના બનાવી રહી છે. જેને અંતર્ગત જલ્દીથી ડિજિટલ કાર્ડ પણ લોકોને આપવામાં આવશે.