મોદી સરકારની સૉવરેન ગોલ્ડ યોજનામાં સોમવારે એટલે કે 6 જુલાઈથી 10 જુલાઈ સુધી અરજી કરી શકાય છે. સરકારના સૉવરેન ગોલ્ડ બોન્ડ (2020 21)નો ચોથો હપ્તો છે. જેમાં તમને ડિજિટલ બૉન્ડ સ્વરૂપે સોનામાં રોકાણ કરવાની તક મળશે.
મોદી સરકારની સૉવરેન ગોલ્ડ યોજના
જો તમે સસ્તા દરે સોનામાં રોકાણ કરવામાં માંગો છો
નોંધપાત્ર વાત એ છે કે વિશ્વમાં કોરોના સંકટને ધ્યાનમાં રાખીને, સોનાને આ દિવસોમાં રોકાણ માટેનું સલામત સાધન માનવામાં આવી રહ્યું છે. સરકારના સૉવરેન ગોલ્ડ બોન્ડ (2020 21) નો આ ચોથો હપ્તો છે. રિઝર્વ બેંક ઇન્ડિયાએ એપ્રિલમાં જાહેરાત કરી હતી કે સરકાર એપ્રિલ 2020 થી સપ્ટેમ્બર સુધીમાં છ હપ્તામાં આ યોજના જાહેર કરશે. એટલે કે, દર મહિને સપ્ટેમ્બર સુધી તમને ડિજિટલ બોન્ડના રૂપમાં સોનામાં રોકાણ કરવાની તક મળશે.
બજારભાવ કરતા સસ્તું
સૉવરેન ગોલ્ડ સ્કીમ હેઠળ સોનાની કિંમત પ્રતિ ગ્રામ રૂ. 4,852 રાખવામાં આવી છે. તે બજારભાવ કરતા ખૂબ સસ્તું છે. હાલમાં બજારમાં સોનાનો ભાવ 48283 થી 49,000 રૂપિયાની વચ્ચે ચાલી રહ્યો છે. આ અંતર્ગત, તે રોકાણકારોને પ્રતિ ગ્રામ દીઠ 50 રૂપિયાની છૂટ મળશે, જેઓ ઑનલાઈન અરજી કરશે અને ડિજિટલ માધ્યમ દ્વારા ચુકવણી કરશે. એટલે કે, આવા રોકાણકારો માટે બોન્ડની કિંમત પ્રતિ ગ્રામ 4,802 રૂપિયા હશે. તેથી તમે લગભગ 48,000 રૂપિયામાં 10 ગ્રામ સોનામાં રોકાણ કરી શકો છો. રોકાણની અરજી પછી, બોન્ડ તમને 14 જુલાઈએ આપવામાં આવશે. આ અંતર્ગત વાર્ષિક 2.5 ટકા વ્યાજ પણ આપવામાં આવશે.
કેવી રીતે થાય છે રોકાણ
આ યોજના હેઠળ, તમે બોન્ડના રૂપમાં સોનું ખરીદી શકો છો. આ માટે તમે બેંક, નિયુક્ત પોસ્ટ ઑફિસ, સ્ટોક હોલ્ડિંગ કોર્પોરેશન ઇન્ડિયા, NSE અને BSEમાં જઈને અરજી કરી શકો છો.
આ બોન્ડની અવધિ આઠ વર્ષની છે. પાંચમા વર્ષ પછી વ્યાજની ચૂકવણીની તારીખથી બહાર નીકળવાનો વિકલ્પ છે. રોકાણકાર ઓછામાં ઓછા એક ગ્રામ અને વધુમાં વધુ ચાર કિલો સોનામાં રોકાણ કરી શકે છે.