GOOD NEWS / મોદી સરકારે ડાયાબિટીસના દર્દીઓને આપી મોટી રાહત: ખૂબ જ સસ્તી અને વાજબી ભાવે નવી દવા લોન્ચ કરી

• મોદી સરકારે ડાયાબિટીસના દર્દીઓેને આપી રાહત
• સસ્તી અને વાજબી ભાવે દવા મળી રહેશે
• પ્રધાનમંત્રી જનઔષધી કેન્દ્ર પર મળશે આ દવાઓ

પ્રધાનમંત્રી જનઔષધી પરિયોજના અંતર્ગત પીએમબીઆઈએ વાજબી ભાવ પર ડાયાબિટીસની દવાઓના નવા વેરિએન્ટ લોન્ચ કર્યા છે. ફાર્માસ્યૂટિકલ તથા મેડિકલ ડિવાઈસિઝ બ્યૂરો ઓફ ઈંડિયાના મુખ્ય કાર્યકારી અધિકારી રવિ દધિચે પ્રધાનમંત્રી જન ઔષધી પરિયોજના અંતર્ગત ડાયાબિટિસની દવાના નવા વેરિએન્ટ સીટાગ્લિપ્ટિન તમામ માટે વાજબીભાવે વેચાણ માટે લોન્ચ કરી છે. પીએમબીઆઈએ પોતાના તમામ જનઔષધી કેન્દ્રોમાં દવાઓના નવા વેરિએન્ટ સીટાગ્લિપ્ટિન અને તેના કોમ્બિનેશનને સામેલ કર્યા છે. 

આપને જણાવી દઈએ કે, સૂગરની બિમારીમાં ઉપયોગમાં લેવાતી સીટાગ્લિપ્ટિન ફોસ્ફેટ ટેબલેટ આઈપી 50 એમજીની કિંમત જનઔષધી કેન્દ્રો પર 60 રૂપિયા હશે. તો વળી સીટાગ્લિપ્ટિન ફોસ્ફેટ ટેબલેટ આઈપી 100 એમજીની કિંમત 100 રૂપિયા રાખવામાં આવી છે. આવી રીતે સીટાગ્લિપ્ટિન+મેટફોર્મિન હાઈડ્રોક્લોરાઈડ ટેબલેટ 50 એમજી/500 એમજીની કિંમત 65 રૂપિયા નક્કી કરવામાં આવી છે. સીટાગ્લિપ્ટિન+મેટફોર્મિન હાઈડ્રોક્લોરાઈડની ગોળીઓ 50 એમજી/1000 એમજીની કિંમત 70 રૂપિયા નિર્ધારિત કરાઈ છે. 

ડાયાબિટીસ દર્દીઓ માટે મોટી રાહત

આપને જણાવી દઈએ કે, ટાઈપ 2વાળા વયસ્કોમાં ગ્લાઈસોમિક કંટ્રોલમાં સુધાર માટે સીટાગ્લિપ્ટિનને આહાર અને વ્યાયામમાં સહાયક માનવામાં આવે છે. પ્રધાનમંત્રી જન ઔષધી કેન્દ્રોમાં મળતી આ દવાઓ બજારમાં મળતી બ્રાંડેડ કંપનીઓની સરખામણીમાં 60-70 ટકા ઓછા મૂલ્ય પર પ્રાપ્ત થશે. કારણ કે આ અન્ય મેડિકલ સ્ટોર પર 162 રૂપિયાથી લઈને 258 રૂપિયામાં મળે છે.