વડોદરા / પગાર મળે તો ભ્રષ્ટાચાર અટકાવી શકાય : ધારાસભ્ય મધુ શ્રીવાસ્તવે CMને પત્ર લખી કરી આ ભલામણ

• MLA મધુ શ્રીવાસ્તવે CMને લખ્યો પત્ર
• પંચાયતના સદસ્યોને વેતન આપવા માંગ
• પગાર મળે તો ભ્રષ્ટાચાર અટકાવી શકાય

વડોદરાના ધારાસભ્ય મધુ શ્રીવાસ્તવ અવાર નવાર ચર્ચામાં રહેતા હોય છે ત્યારે તેમણે મુખ્યમંત્રીને પત્ર લખીને આ વખતે પંચાયતના સદસ્યોને માનદ વેતન આપવા માંગ કરી છે.જિલ્લા, તાલુકા અને ગ્રામ પંચાયતના સદસ્યોને વેતન આપવા માંગ કરી છે.મધુ શ્રીવાસ્તવે કહ્યું કે, મોટાભાગના સદસ્યોની આર્થિક સ્થિતિ નબળી હોય છે.વેતન નહીં મળવાથી ગ્રામ પંચાયતમાં ભ્રષ્ટાચાર થાય છે આથી સદસ્યોને પગાર મળે તો ભ્રષ્ટાચાર અટકાવી શકાય છે.

પંચાયતના સદસ્યોને વેતન આપવા માંગ

વાઘોડિયાના ધારાસભ્ય મધુ શ્રીવાસ્તવે મુખ્યમંત્રી ભુપેન્દ્ર પટેલને પત્ર લખીને જણાવ્યું છે કે, લોકોના કામો માટે કચેરીએ આવતા સભ્યોની સ્થિતી આર્થિક રીતે નબળી હોય છે. માનદ વેતન કે ભથ્થુ નહીં મળવાથી ગ્રામ પંચાયતોમાં ભ્રષ્ટાચાર અને ગેરરીતી થાય છે. તમામ તાલુકા, જિલ્લા અને ગ્રામ પંચાયતોના સદસ્યો અને સરપંચોને ઉચ્ચક પગાર મળે તો ભ્રષ્ટાચાર અટકાવી શકાય. મુખ્યમંત્રીને વિચારણા હેઠળ લેવા મારી ભલામણ છે અને આ મુદ્દે વિધાનસભામાં ચર્ચા કરવા વિનંતી છે.

પગાર મળે તો ભ્રષ્ટાચાર અટકાવી શકાય

મધુ શ્રીવાસ્તવે મુખ્યમંત્રીને લખેલા પત્રમાં જણાવ્યું છે કે, મારા મત વિસ્તાર હેઠળની જિલ્લા પંચાયત સભ્યો,તાલુકા પંચાયતના સભ્યો તથા ગ્રામ પંચાયતના સરપંચો, સભ્યો કોઈ પણ પ્રકારના પગાર ભથ્થા કે માનદવેતન સરકાર તરફથી આપવામાં આવતા નથી.વધુમાં ધારાસભ્યએ કહ્યું હતું કે સરપંચો અતિ ગરીબ કક્ષાના હોય છે. તેઓની આર્થિક પરસ્થિતિ ખુબ જ નબળી હોય છે. જેના કારણે તાલુકા જિલ્લા કક્ષાએ સરકારી કચેરીઓમાં સમયસર જઈ શકતા નથી. તેમજ ગ્રામ્ય વિસ્તારની ગરીબ અને અભણ પ્રજા હોવાથી તેઓને સરકારી કચેરીઓમાં સરકારની વિવિધ યોજના ઓથી વાકેફ હોતા નથી. જેના કારણે છેવાડા ગામડા સુધી સરકારની યોજનાઓના લાભ મળતો નથી.