- રાજકોટના પોલીસ કમિશનર પર કમિશન વસૂલીનો આરોપ
- ફરિયાદના ભાઈએ ખોલ્યા મોટા રાઝ
- કહ્યું-રાજકોટ ક્રાઈમ બ્રાન્ચ એ હવાલા બ્રાન્ચ છે
એક તરફ ગુજરાતમાં પોલીસની છાપ સુધારવા માટે હર્ષ સંઘવી પ્રયાસ કરી રહ્યા છે તો બીજી તરફ ધારાસભ્ય ગોવિંદ પટેલે રાજકોટના પોલીસ કમિશનર પર મોટો આરોપ લગાવ્યો છે. રાજકોટના ધારાસભ્ય ગોવિંદ પટેલે રાજકોટ પોલીસના ઉઘરાણાને લઈને લૅટર બોમ્બ ફોડતા સમગ્ર ગુજરાતમાં હડકંપ મચી જવા પામ્યો છે. ત્યારે હવે આ મામલે ફરિયાદી મહેશ સખીયા તથા તેમના ભાઈ મીડિયા સામે આવ્યા હતા અને સમગ્ર મામલે ચોંકાવનારા ખુલાસાઓ કર્યા હતા.
પોલીસ કમિશનર દ્વારા રિકવરી માટે 30 ટકા રકમની માગણી કરી હોવાનો ફરિયાદીનો ઘટસ્ફોટ
રાજકોટના મહેશ સખીયાના ભાઈ જગજીવન સખીયાએ પત્રકાર પરિષદને સંબોધન કરતા નિવેદન આપ્યું હતું કે, છેતરપિંડી અંગેની ફરિયાદ કરવા ગયા ત્યારે પોલીસ કમિશનરે ઉઘરાણીના 15 % ટકા કમિશનની કરી માગ કરી હતી. આ સાથે જ તેમણે કહ્યું કે, પહેલા તો પોલીસ અધિકારી દ્વારા રિકવરી માટે 30 ટકા કમિશન સાહેબ માગતા હોવાનું PI ગઢવી દ્વારા અમને કહેવામાં આવ્યું હતું, જો કે, ચર્ચાને અંતે 15 ટકા રકમ નક્કી કરવામાં આવી હતી અને આમ અમારી પાસેથી 75 લાખ રૂપિયાની ઉઘરાણી રાજકોટ પોલીસ દ્વારા કરવામાં આવી હતી.
રાજકોટ ક્રાઈમ બ્રાન્ચ એ હવાલા બ્રાન્ચ છે : જગજીવન સખીયા
આ સાથે જ જગજીવન સખીયાએ વધુમાં જણાવ્યું હતું કે, રાજકોટ ક્રાઈમ બ્રાન્ચ એ હવાલા બ્રાન્ચ છે. આ રિકવરી માટે PSI સાખરા નામના વ્યક્તિને વચ્ચે રાખવામાં આવ્યો હતો અને અમારી ફરિયાદ પણ લેવામાં નહોંતી આવી. ત્યારબાદ સમગ્ર મામલે અમે મુખ્યમંત્રી ભૂપેન્દ્ર પટેલ અને ગૃહરાજ્યમંત્રી ભૂપેન્દ્ર પટેલ સાથે મુલાકાત કર્યા બાદ તેમના દ્વારા રાજકોટ પોલીસ પર પ્રેશર લાવવામાં આવ્યું અને ફરિયાદ નોંધી હતી.
રાજકોટના ધારાસભ્યએ ફોડ્યો લૅટર બોમ્બ
હર્ષ સંઘવીને લખેલા પત્રમાં ગોવિંદ પટેલે પત્રમાં એવો આરો લગાવ્યો છે કે પોલીસ ગુંડા મવાલીને જેમ ઉઘરાણી કરે છે. સામેની પાર્ટી ઉઘરાણી ન આપે તો હવાલા લેવાય છે. સાથે તેઓએ આવા અનેક કિસ્સાઓ થયા હોવાનુ પણ કહ્યુ જેમાંથી એક કિસ્સા વિશે વાત કરતા જણાવ્યુ હતું કે રાજકોટના મહેશ સખીયા સાથે આઠ માસ પહેલા 15 કરોડનું ચીટીંગ થયું હતું. પરંતુ પોલીસે આ મામલે FIR નહોતી ફાડી. પોલીસે ઉઘરાણીના રુપિયામાં 15 ટકા હિસ્સો માગ્યો હતો. ક્રાઇમ બ્રાંચે કાર્યવાહી કરીને 7 કરોડ પરત અપાવ્યા હતા.
પોલીસ કમિશનરના આક્ષેપો બાદ પ્રતિક્રિયા
- જોઇન્ટ પોલીસ કમિશનરે આપી પ્રતિક્રિયા
- અહેમદ ખુરશીદે આપી પ્રતિક્રિયા
- પોલીસે આરોપો મામલે તપાસ કરવા માટે બતાવી કટીબદ્ધતા
- ધારાસભ્યની ફરિયાદ માટે તપાસની ખાત્રી આપું છું - JCP
- ઉચ્ચ અધિકારી દ્વારા તપાસ કરાવવામાં આવશે - JCP
- સમગ્ર ફરિયાદને વેરિફાય કરાવીશું - - JCP
- તપાસમાં તથ્ય બહાર આવશે તે પ્રમાણે કાર્યવાહી કરાશે - JCP
- પત્રની મીડિયા મારફતે ખબર પડી - JCP
- ફરિયાદ કયા સંજોગોમાંથી નથી લેવાય તેની તપાસ થશે - JCP
- મામલાની મને વિસ્તારપૂર્વક ખબર નથી - JCP
- પ્રાથમિક રિપોર્ટ આવ્યા બાદ તપાસ અંગે નિર્ણય કરાશે - JCP
- તપાસ કોણ કરશે એ અંગે નિર્ણય લેવાશે - JCP
ગોવિંદ પટેલે હર્ષ સંઘવીને લખેલા પત્રમાં શું છે?
- રાજકોટ પોલીસ ગુંડા મવાલી જેમ ઉઘરાણી કરે છે
- સામેની પાર્ટી ઉઘરાણી ન આપે તો હવાલા લેવાય છે
- ઉઘરાણીના ઘણા કિસ્સાઓ રાજકોટમાં બન્યા છે
- રાજકોટના મહેશ સખીયા સાથે આઠ માસ પહેલા છેતરપિંડી થઈ હતી
- મહેશ સખીયા સાથે 15 કરોડની છેતરપિંડી થઈ હતી
- પોલીસે 15 કરોડની છેતરપિંડી મામલે FIR ન નોંધી
- ઉઘરાણીના રૂપિયામાં 15 ટકા લેખે હિસ્સો માંગ્યો હતો
- ક્રાઇમ બ્રાન્ચે કાર્યવાહી કરી 7 કરોડ પરત અપાવ્યા
- 7 કરોડમાંથી 75 લાખ રૂપિયાની PI થકી ઉઘરાણી કરાવી
- PI ફોન થકી FIR કરી આરોપી પકડ્યાની વાત કરે છે
