ગુજરાતના ધારાસભ્યો પ્રજાના પૈસે કેવી રીતે તાગડધિન્ના કરી રહ્યા છે તેનો એક આરટીઇમાં ખુલાસો થયો છે. ગુજરાતના ધારાસભ્યોની તબીબ સારવારનો 2012થી 2017 સુધીનો ખર્ચ સામે આવ્યો છે. એક આરટીઇમાં 40થી વધારે ધારાસભ્યોના મેડિકલ બિલની વિગત સામે આવી છે. જેમાં ધારાસભ્યો વૈભવી તબીબી સુવિધા લેઇ રહ્યાં હોવાનું સામે આવ્યું છે.
કેટલાકમાં તો ખુદ ડૉક્ટર હોવા છતાં પણ મેડિકલ સારવાર લીધી હોવાનું સામે આવ્યું છે. જેમાં વાત કરીએ તો ધારાસભ્ય મિતેશ ગરાસિયાએ 5.91 લાખ રૂપિયાની સહાય લીધી છે. જ્યારે તેઓ ખુદ ડૉક્ટર છે. આ ઉપરાંત અંજાર ધારાસભ્ય નીમાબેન આચાર્યએ પણ ખુદ અને તેમના પતિ ડૉક્ટર હોવા છતા મેડિકલ ખર્ચ લીધો છે.
ઉપરાંત ભાજપ પ્રદેશ પ્રમુખ જીતુ વાઘાણીએ 3.70 લાખનું બિલ મંજૂર કરાવ્યું છે. જ્યારે ઝગડીયાના ધારાસભ્ય છોટું વસાવાએ સૌથી વધારે 6.56 લાખ બિલ લીધું છે. તો સાણંદના તત્કાલિ ધારાસભ્ય કરમશી મકવાણાએ 4.62 લાખ લીધા છે જ્યારે પેટલાદના નિરંજન પટેલે 5.72 લાખ રૂપિયાનું બિલ મંજૂર કરાવ્યું છે.
તો વાત કરીએ રામસિંહ પરમાર અને પુંજા વંશની તો તેઓએ સાડા ચાર લાખનું બિલ મંજૂર કરાવ્યું છે. રમેશ ચાવડા અને મોહન રાઠવાએ 4-4 લાખ રૂપિયાનું બિલ મેળવ્યું છે. જ્યારે વડગામના મણીભાઇ વાઘેલાએ રૂપિયા 4.20 લાખ પાસ કરાવ્યા છે. જ્યારે પૂર્વ ધારાસભ્ય પંકજ મહેતાએ રૂ. 3.36 લાખનું બિલ મંજૂર કરાવ્યું છે.
જ્યારે જોયતા પટેલ અને કરમશી પટેલે 3 લાખ અને 4 લાખ મંજૂર કરાવ્યા છે. આરટીઆઇમાં ધારાસભ્યોને મળેલા મેડિકલ એલાઉન્સમાં આ ખુલાસો થયો છે. ત્યારે કરોડોની સંપત્તિ હોવા છતા પણ ધારાસભ્યો લાખો રૂપિયાના બિલ પાસ કરાવી રહ્યા છે.