બોલિવૂડ એક્ટર શાહિદ કપૂર અને તેની પત્ની મીરા રાજપૂતના બાળકો મીશા અને ઝેન બોલિવૂડના ક્યૂટ સ્ટાર કિડ્સમાંથી એક છે. આ બંનેના ફોટોઝ ક્લિક કરવા પાપારાઝી તેમની આસપાસ ભીડ લગાવી દે છે. હાલમાં પાપારાઝી મીરા અને તેના બાળકોના ફોટોઝ લેવાનું કહી રહ્યાં હતા અને મીરા તેમની પર ભડકી ગઈ. જેનો વીડિયો સોશિયલ મીડિયા પર ખૂબ જ વાયરલ થઈ રહ્યો છે.
સોશિયલ મીડિયા પર વાયરલ વીડિયોમાં તમે જોઈ શકો છો કે, મીરા ગાર્ડનમાંથી બહાર આવે છે અને કારમાં બેસી જાય છે. જેથી પાપારાઝી તેનો ફોટોઝ લેવાનું કહે છે પણ તેના બોડીગાર્ડ્સ ફોટોઝ લેવાની ના પાડી દે છે. એક પાપારાઝી કહે છે મેમ બસ તમારો જ ફોટો લેવો છે. જેના જવાબમાં મીરા કહે છે કે, બાળકોના ફોટોઝ ક્લિક કરવા નહીં.
શાહીદના વર્કફ્રંટની વાત કરીએ તો શાહિદ ફિલ્મ જર્સીમાં જોવા મળશે. આ ફિલ્મ તેલૂગુ ફિલ્મની રિમેક છે. આ ફિલ્મમાં શાહિદ કપૂર સિવાય મૃણાલ ઠાકુર અને પંકજ કપૂર પણ જોવા મળશે. આ ફિલ્મ ઓગસ્ટમાં રિલીઝ થશે.