વડોદરામાંથી બનાવટી દારૂ બનાવવાનો નવો કીમિયો સામે આવ્યો છે. જયાં પાણીગેટ પોલીસે કપુરાઈ સ્થિત ઘરમાં રેડ કરતા બનાવટી દારૂની મીની ફેકટરી ઝડપાઈ છે. પોલીસે બે આરોપીઓ સહિત મુદ્દામાલ જપ્ત કર્યો છે.
મળતી માહિતી અનુસાર ડભોઇ રોડ પરથી ઝડપાયેલી સસ્તા દારૂમાંથી બ્રાન્ડેડ કંપનીનો વિદેશી દારૂ બનાવવાની મિની ફેક્ટરીમાં પ્લાસ્ટિકની બોટલોમાં મળતા દારૂમાં ઉચ્ચ ગુણવત્તાના લવિંગનો ઉપયોગ કરીને દારૂ બનાવતા હતા. આ દારૂ બ્રાન્ડેડ કાચની બોટલોમાં ભરી દેતા હતા. તે દારૂ બ્રાન્ડેડના નામે બજારમાં વેચતા હતા.
પોલીસે આ ફેક્ટરીમાંથી સસ્તા દારૂમાંથી બનાવેલ દારૂની 136 બોટલો 2 મોબાઇલ ફોન 8900 રૂપિયા રોકડ કાચની બોટલો લવિંગ સાથે કુલ 25 180નો મુદ્દામાલ કબ્જે કર્યો હતો. જો કે સમગ્ર મામલે પોલીસે વધુ તપાસ હાથ ધરી છે.