ગાંધીનગર / દેશમાં પહેલી વખત બન્યું આવું, માત્ર એક જ મહિનામાં આર્મીના જવાનો માટે 3D પ્રિન્ટિંગથી જુઓ કેવા ઘર બનાવી નાખ્યાં

• પ્રથમ વખત ભારતીય સેનાની મિલિટરી એન્જિનિયરિંગ સર્વિસે ગાંધીનગરમાં 3D પ્રિન્ટેડ ઘર બનાવ્યું
• એક જ મહિનાની અંદર 3D પ્રિન્ટેડ હાઉસનું નિર્માણ કરી દીધું
• ભારતનું પ્રથમ 3D પ્રિન્ટેડ ઘર IIT મદ્રાસ સ્ટાર્ટઅપ Tavasta દ્વારા બનાવાયું

પ્રથમ વખત ભારતીય સેનાની મિલિટરી એન્જિનિયરિંગ સર્વિસે રાજ્યનાં ગાંધીનગરમાં 3D પ્રિન્ટેડ ઘર બનાવ્યું છે. મિલિટરી એન્જિનિયરિંગ સર્વિસ (MES) એ ગાંધીનગરમાં સાઉથ વેસ્ટર્ન એર કમાન્ડ ખાતે પ્રથમ 3D પ્રિન્ટેડ ઘરો પૂર્ણ કર્યા છે. ભારતીય સૈન્યના અધિકારીઓના જણાવ્યાં અનુસાર, 3D રેપિડ કન્સ્ટ્રક્શન ટેક્નોલોજીના ઉપયોગથી MES માત્ર ચાર અઠવાડિયામાં ગ્રીન બિલ્ડિંગ કન્સેપ્ટ સાથે બે સંપૂર્ણ 3-D કોંક્રિટ પ્રિન્ટેડ, આધુનિક રહેણાંક એકમોનું નિર્માણ કરવામાં મદદ મળી છે. એન્જિનિયર ઈન ચીફ લેફ્ટનન્ટ જનરલ હરપાલ સિંહની હાજરીમાં આ 3D પ્રિન્ટેડ હાઉસનું ઉદ્ઘાટન કરવામાં આવ્યું.

#WATCH how the Indian Army’s Military Engineering Services constructed two houses within four weeks using the 3D Printing Technology in construction.

(Source: Indian Army) pic.twitter.com/bMf3G3aO01

— ANI (@ANI) March 14, 2022

ભારતનું પ્રથમ 3D પ્રિન્ટેડ ઘર IIT મદ્રાસ સ્ટાર્ટઅપ Tavasta દ્વારા બનાવાયું હતું

3D પ્રિન્ટેડ ઘર એ વાસ્તવિક ઘર બનાવવાની રીતની તુલનાએ તેમાં ઘણો ઓછો સમય લાગે છે. તમને જણાવી દઇએ કે, ભારતનું પ્રથમ 3D પ્રિન્ટેડ ઘર IIT મદ્રાસ સ્ટાર્ટઅપ Tavasta દ્વારા બનાવવામાં આવ્યું હતું.

Military Engineering Services (MES) completed the first-ever 3D Printed houses at South Western Air command at Gandhinagar, Gujarat. The 3D Printed houses were inaugurated in presence of Engineer in Chief Lt Gen Harpal Singh: Indian Army officials pic.twitter.com/k6mdOQxYCi

— ANI (@ANI) March 14, 2022

 
કોંક્રિટ 3D પ્રિન્ટીંગ એ ત્રિ-પરિમાણીય વાસ્તવિક જીવન માળખાના ઉત્પાદન માટે સ્વયંસંચાલિત ઉત્પાદન પદ્ધતિ છે. આ ટેક્નોલોજી એક નક્કર 3D પ્રિન્ટરનો ઉપયોગ કરે છે કે જે વપરાશકર્તા પાસેથી કોમ્પ્યુટરાઈઝ્ડ ત્રિ-પરિમાણીય ડિઝાઇન ફાઇલોનો સ્વીકાર કરે છે અને એક 3D સંરચના બનાવે છે.